ނިއު ޔޯކްގެ ސަބްވޭ ސްޓޭޝަނެއްގައި ހެނދުނު އެންމެ ކާރޫބާރޫ ބޮޑު ވަގުތުގައި ބަޑި ޖެހުމުގެ ސަބަބުން 16 މީހުންނަށް އަނިޔާވެއްޖެ އެވެ.
ފުލުހުން ބުނީ ބްރޫކްލިންގެ 36 ވަނަ ސްޓްރީޓް ސްޓޭޝަނުގައި ހެނދުނު 08:30 ގައި މީހަކު ދުން އަރާ ބޮމެއް ގޮއްވާލުމަށް ފަހު ބަޑި ޖަހަން ފެށި ކަމަށެވެ.
ހާދިސާގެ ފޮޓޯތަކުން ފެންނަނީ ސްޓޭޝަނުގެ ތެރޭގައި ދުން ބޯވެފައި އޮތް އޮރި، ލެއިން ފޯވެފައި ތިބި ޕަސެންޖަރުން ބިންމަތީގައި ތިބޭ މަންޒަރެވެ.
ހަމަލާ ދިނުމަށް ފަހު ފިލި މީހާއާ ގުޅޭ މައުލޫމާތު ހޯދަން އޮފިޝަލުން ވަނީ އާއްމުންގެ އެހީއަށް އެދިފަ އެވެ. ނިއު ޔޯކް ފުލުހުންގެ ކޮމިޝަނަރި ކީޗަންޓް ސެވެލް ވިދާޅުވީ އެ މީހާ ހުރީ ގޭސް މާސްކެއް އަޅައިގެން ކަމަށެވެ.
"މި ވަގުތު މިއީ ޓެރަރިޒަމާ ގުޅޭ މައްސަލައެއްގެ ގޮތުގައި ތަހުގީގު ކުރަމުން ނުދޭ،" އޭނާ ވިދާޅުވި އެވެ.
އަނިޔާވި މީހުންގެ ތެރެއިން 10 މީހުންގެ ގަޔަށް ބަޑި ޖަހާފައިވާ އިރު، ބާކީ ތިބި މީހުންނަށް ފަރުވާ ދެނީ ދުމުގެ އަސަރު ކުރުމުންނާއި އެހެނިހެން އަނިޔާއާ ގުޅިގެންނެވެ.
