ބެންގަލޫރު މެރަތަން: ރިޝްމީ ނުވަ ވަނަ އަށް, ނަސްރުގެ ވިސްނުން ކުރިއަށް

Apr 11, 2022, 11:36 AM
ބެންގަލޫރު މެރަތަންގައި ވާދަކުރި ނަސްރު (ކ) އާއި ރިޝްމީ ރާއްޖޭގެ ދިދަ ހިފައިގެން.

ބެންގަލޫރު މެރަތަންގައި ވާދަކުރި ނަސްރު (ކ) އާއި ރިޝްމީ ރާއްޖޭގެ ދިދަ ހިފައިގެން.

އިންޑިއާގެ ބެންގަލޫރުގައި އިއްޔެ ކުރިއަށްދިޔަ މެރަތަންގެ އަންހެނުންގެ ކެޓަގަރީގެ ހާފް މެރަތަން ބައިގައި ދުވި ރާއްޖޭގެ ދިގު ރާސްތާ ދުވުންތެރިޔާ، އައިޝަތު ރިޝްމީ ނުވަ ވަނަ އަށް ދިޔައިރު، 80 ވަނަ ފުލް މެރަތަންގައި ދުވި ތަޖުރިބާކާރު ދުވުންތެރިޔާ/ކޯޗު ނަސްރުﷲ އަހުމަދު (ނަސްރު) އާ ތަޖުރިބާއަކާ އެކު ކުރިއަށް އަމާޒުހިފައިފި އެވެ.

އިއްޔެ، ރިޝްމީ ރޭސް އެއް ގަޑިއިރާއި 47 މިނިޓް 48 ސިކުންތުންނެވެ. މުޅި ހާފް މެރަތަންގެ އަންހެން ބައިގެ ނުވަ ވަނައިގައި އޮވެ، ރޭސް ނިންމި، ރިޝްމީ އަކީ އަންހެނުންގެ 35-45 އުމުރުފުރާގެ ކެޓަގަރީ ބަލާނަމަ ތިން ވަނަ އެވެ.

Advertisement

ނަސްރު ފުލް މެރަތަން ފުރިހަމަ ކުރީ ތިން ގަޑިއިރާއި 48 މިނިޓް 53 ސިކުންތުންނެވެ. ރޭހުގެ ބޮޑު އިންސައްތަ އެއް ދުވީ ރޯދަ އަށް ހުރެ ކަމަށްވާތީ، މިއީ ރޯދަ އަށް ހުރެ ދުވެގެން އަނެއްކާ ވެސް ނަސްރު ކުރި ތަފާތު ތަޖުރިބާ އެކެވެ. ރޭހުގެ ބޮޑު ޕަސެންޓެއް ފުރިހަމަކުރީ ރޯދަ ހިފައިގެން ހުރެ އެވެ.

ނަސްރު ރޭސް ފުރިހަަމަކުރުމަށް ފަހު ރާއްޖޭގެ ދިދަ ހިފައިގެން.--

"ރޭހުގެ 60 ޕަސެންޓް ދުވީ ރޯދަ އަށް ހުރެގެން. އެހެންވީމަ، އެ ލޯޑު ވެސް ނަގައިގެން މި ކުރީ. ރޯދަ އަށް ހުރެ ދުވުމަކީ އަނެއް ހެން މައްސަލައެއް ނޫން. ހަތަރު ގަޑި ބްރޭކް ކޮށްގެން ރޭސް ނިންމުނީތީ އެއީ ވަރަށް ބޮޑު ހިތްހަމަޖެހުމެއް. އެއީ ދުނިޔޭގެ ނިސްބަތުން ބެލިޔަސް ރޭސް ނިންމަން ރަނގަޅު ޓައިމިން އެއް،" ރާއްޖޭގެ އެންމެ ގިނަ ފުލް މެރަތަން ދުވުމުގެ ރެކޯޑް ހޯލްޑަރު، ނަސްރު ބުންޏެވެ.

ބެންގަލޫރު މެރަތަން އިން ވަނައެއް ހޯދައި، މެޑަލެއް ލިބުނުނަމަ ނަސްރު އަމާޒު ކަނޑައަޅައިގެން ހުރީ އެ ކާމިޔާބީ ހާއްސަ ސިފައެއްގައި ފާހަގަކުރުމުގެ ބޭނުމުގައި މެޑަލް، ޑިފެންސް މިނިސްޓަރު މާރިޔާ އަހުމަދު ދީދީ އަށް ހަދިޔާ ކުރުމަށެވެ.

ސިފައިންގޭގެ ސްޓާފް ސާޖަންޓް، ނަސްރު ދުވުމުގެ ތެރެއަށް ވަނީ 2000 ގެ ކުރީކޮޅުގަ އެވެ. ދުވުމުގެ ތެެރެއަށް ރަސްމީކޮށް ނުކުންނަން ނަސްރަށް ހިތްވަރު ލިބުނީ ސިފައިންގެ ޔުނިޓްތަކުގެ މެދުގައި އޮތް އެތުލެޓިކްސް މުބާރާތެއްގެ ތެރެއިން ކުރެވުނު ތަޖުރިބާ އަކުންނެވެ.

ނަސްރު، މި ވަގުތު އަމާޒުހިފައިގެން ހުރީ މެރަތަން ދުވެގެން ސަރަަހައްދުގެ ނޫނީ ދުނިޔޭގެ ރެކޯޑަކާ ހަމައަށް ވާސިލްވުމެވެ. އެ ދަތުރުގައި އޭނާ އަމާޒަކީ އާ ދުވުންތެރިން އުފައްދައި، ގިނަ ދުވުންތެރިންނަށް ކޯޗުކޮށްދީގެން އިންޓަނޭޝަނަލް އިވެންޓްތަކަށް ގެންގޮސް ރާއްޖެ އަށް ރީތި ނަން ހޯދައިދޭން މަސައްކަތްތައް ކުރުމެވެ. މި މަސައްކަތުގައި މިހާތަނަށް ވެސް އޭނާ ވަނީ ކާމިޔާބީތަކެއް ހޯދައިފަ އެވެ. ބެންގަލޫރު މެރަތަންގައި ދުވި ރިޝްމީގެ ކޯޗަކީ ވެސް ނަސްރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox