މި އަހަރުގެ ތެރޭގައި 14 ރިސޯޓު ހުޅުވާނެ

ރ. ކޮތައިފަރު: މި ރަށުގައި ތަރައްގީކޮށްފައިވާ އަލީލާ ކޮތައިފަރު ރިސޯޓު މާޗު މަހު ހުޅުވައިފި -- ފޮޓޯ: އަލީލާ ހޮޓެލްސް

ރ. ކޮތައިފަރު: މި ރަށުގައި ތަރައްގީކޮށްފައިވާ އަލީލާ ކޮތައިފަރު ރިސޯޓު މާޗު މަހު ހުޅުވައިފި -- ފޮޓޯ: އަލީލާ ހޮޓެލްސް

ރިސޯޓު ތަރައްގީކުރަން ދޫކޮށްފައިވާ ރަށްތަކުގެ ތެރެއިން މަސައްކަތް އެއްކޮށް ނިމި މި އަހަރުގެ ތެރޭގައި 14 ރިސޯޓު ހުޅުވޭނެ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް މިއަދު ވިދާޅުވެއްޖެ އެވެ.

ތ. އަތޮޅުގައި ރިސޯޓު ހަދަން ދޫކޮށްފައިވާ ރަށްތަކުގެ މަސައްކަތް ނުނިމޭ މައްސަލައިގައި ރައްޔިތުންގެ މަޖިލިހުގައި ޖަވާބުދާރީ ވަމުން މިކަން ހާމަކުރެއްވި ނަމަވެސް، އެއީ ކޮން ރިސޯޓުތަކެއް ކަމެއް މައުސޫމް ވިދާޅެއް ނުވެ އެވެ. އެކަމަކު އޭގެ ތެރޭގައި ތ. އަތޮޅުގެ އެއްވެސް ރަށެއް ނުހިމެނޭ ކަން ފާހަގަކުރެއްވި އެވެ.

ޓޫރިޒަމް މިނިސްޓްރީ ވެބްސައިޓުގައި ހުރި މައުލޫމާތުން އެނގޭ ގޮތުގައި މިހާރު ވެސް 118 ރަށެއްގައި ރިސޯޓު ހެދުމުގެ މަސައްކަތް އެބަ ކުރިޔަށް ދެ އެވެ. އޭގެ ތެރޭގައި އެއްވެސް ވަރަކަށް މަސައްކަތް ނުހިނގާތާ ގިނަ ދުވަސްވެފައި ހުރި ރިސޯޓުތަކާއި، ބޭންކު ލޯނުތަކުގައި ތާށިވެގެން ނުހެދި ހުރި ރިސޯޓުތައް ވެސް އެބަހުއްޓެވެ.

މި ރިސޯޓުތައް ނުނިމޭ މައްސަލައިގައި މީގެ ކުރިން ވެސް މިނިސްޓަރު މަޖިލީހަށް ހާޒިރުކޮށް ސުވާލުކޮށްފައި ވެ އެވެ. އޭރު ވިދާޅުވީ ތިން އަހަރުގެ ތެރޭގައި ރިސޯޓު ނުނިންމައިފިނަމަ އެއްބަސްވުން ބާތިލުކުރާ ގޮތަށް 74 ރަށެއްގެ އެއްބަސްވުންތައް މުރާޖައާކޮށް ސޮއިކޮށްފައިވާ ކަމަށެވެ.

އެކަމަށް އިތުރަށް ބާރު ދިނުމުގެ ގޮތުން މިފަހުން ޓޫރިސްޓު ރިސޯޓުތަކާ ބެހޭ ހައްގުތައް ބަދަލުކުރުމުގެ ގަވާއިދަށް އިސްލާހެއް ގެނެސްފައިވާނެ ކަމަށް މިއަދުގެ ޖަލްސާގައި މައުސޫމް ވިދާޅުވި އެވެ. އެއީ ކުރިން ނަގަމުން އައި އެއް ލައްކަ ޑޮލަރުގެ ފީ 10،000 ޑޮލަރަށް ކުޑަކުރާ ގޮތަށް ހަމަޖެއްސުމެވެ.

މައުސޫމް ވިދާޅުވީ، މިއީ ނުހެދި ހުރި ރަށްތަކުގައި ހިފަހައްޓައިގެން ތިބުމުގެ ބަދަލުގައި އެ ރަށް ތަރައްގީކުރަން އެހެން ބަޔަކަށް ދޫކޮށްލަން ވިޔަފާރިތަކަށް ދޭ ފުރުސަތެއް ކަމަށެވެ.

"ކުރިން އޮތީ އެއް ލައްކަ ޑޮލަރުގެ ފީއެއް ނަގާ ގޮތަށް. އެހެންމަ ވަރަށް ބޮޑު ލުޔެއް މި ލިބުނީ ރަށްތައް ހިފަހައްޓައިގެން ނުހެދި ހުރި ފަރާތްތަކަށް އެހެން ބަޔަކާ އެ ރަށްތައް ހަވާލުކޮށްފައި ހެދުމުގެ ފުރުސަތު އިންވެސްޓަރުންނަށް ވެސް ލިބޭނެ،" މައުސޫމް ވިދާޅުވި އެވެ.

މީގެ އިތުރުން ވެސް ޖޫރިމަނާ އާއި އެހެނިހެން ކަންކަމާ ގުޅުވާ ވެސް ރިސޯޓު ވިޔަފާރިތަކަށް ބޮޑެތި ލުއިތަކެއް ދީފައިވާ ކަން އޭނާ ފާހަގަކުރެއްވި އެވެ.

އިތުރު 14 ރިސޯޓު ހުޅުވާނެ ކަމަށް މިނިސްޓަރު މައުސޫމް ވިދާޅުވިއިރު، މި އަހަރުގެ މިހާތަނަށް ދެ ރިސޯޓަކަށް އޮޕަރޭޓިން ހުއްދަ ޓޫރިޒަމުން ވަނީ ދޫކޮށްފަ އެވެ. އެއީ އާނުގަނޑުފަޅުގައި ތަރައްގީކުރި އާނުގަނޑު އައިލެންޑް ރިސޯޓު (ލޯބިގިއްޔާއި އާއިލާފުށީ) އާއި ރ. ކޮތައިފަރާއި ކުރޮށިގިރީގައި ތަރައްގީކުރި އަލީލާ ކޮތައިފަރެވެ.

މި ހުރިހާ ރިސޯޓެއް ހުޅުވިއްޖެ ނަމަ، މި އަހަރުގެ ނިޔަލަށް ރާއްޖޭގައި 174 ރިސޯޓު އޮޕަރޭޓު ކުރާނެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox