ހާމިދު ސޭޓު އަތުން ދިއްފުށި ފަޅު އަތުލީ ރަނގަޅަށް: ސިވިލް ކޯޓު

ކ. ދިއްފުށި ފަޅު: މި ފަޅު ތެރޭގައި ހިއްކާފައިވާ އެއް ރަށަކީ ހާމިދު ހިއްކި ރަށެއް ކަމަށް އޭނާ ބުނޭ. -- ފޮޓޯ: ގޫގްލް އާތު

ކ. ދިއްފުށި ފަޅު: މި ފަޅު ތެރޭގައި ހިއްކާފައިވާ އެއް ރަށަކީ ހާމިދު ހިއްކި ރަށެއް ކަމަށް އޭނާ ބުނޭ. -- ފޮޓޯ: ގޫގްލް އާތު

ކ. ދިއްފުށި ފަޅު ހިއްކައިގެން ރިސޯޓެއް ހަދަން ވިޔަފާރިވެރިޔާ ހާމިދު އިސްމާއިލު (ހާމިދު ސޭޓު) އާ އެކީ ޓޫރިޒަމް މިނިސްޓްރީން ވެފައިވާ އެއްބަސްވުން ބާތިލުކުރީ ރަނގަޅަށް ކަމަށް ސިވިލް ކޯޓުން ހުކުމްކޮށްފި އެވެ.

ހާމިދުގެ ފަރާތުން މި މައްސަލަ ކޯޓަށް ހުށަހެޅީ، ދިއްފުށި ފަޅު އެއްބަސްވުން ބާތިލުކުރަން ޓޫރިޒަމުން ނޯޓިސް ފޮނުވީ އެއްބަސްވުމާ ހިލާފަށް ކަމަށް ބުނެ އެވެ.

މި މައްސަލައިގައި އޭނާ އެދުނީ އެއްބަސްވުން ބާތިލުކުރަން ޓޫރިޒަމް މިނިސްޓްރީން ފޮނުވި ނޯޓިސް ބާތިލުކޮށް އެއްބަސްވުން ދަމަހައްޓައިދޭން ޓޫރިޒަމް މިނިސްޓްރީގެ މައްޗަށް ކޯޓުން އަމުރުކޮށް ދިނުމަށެވެ.

މިކަންކަމަށް އިންކާރުކުރަމުން ދައުލަތުން ބުނީ މި ފަޅާ ގުޅޭގޮތުން ހާމިދާއެކީ ވެފައިވާ އެއްބަސްވުން ބާތިލުކުރީ ފުރަތަމަ ވެވުނު އެއްބަސްވުމާ އެއްގޮތަށް ކުލި ނުދައްކާތީ ކަމަށާއި، ފަހުން ވެވުނު އެއްބަސްވުމަކީ އުފެދުނީއްސުރެން ބާތިލު އެއްބަސްވުމެއް ކަމަށެވެ.

ދައުލަތުން ފާހަގަކުރި ފަހުން ވެވުނު އެއްބަސްވުމަކީ ހާމިދުގެ ފަރާތުން މި މައްސަލަ ބިނާކުރާ އެއްބަސްވުމެވެ. އެއީ ފެބްރުއަރީ 19، 2015 ގައި ސޮއިކުރި އެއްބަސްވުމެކެވެ. ބާތިލުކުރަން ނޯޓިސް ފޮނުވި އެއްބަސްވުމަކީ އޭގެ މާކުރިން ޖޫން 22، 2008 ގައި ސޮއިކޮށްފައިވާ އެއްބަސްވުމެކެވެ.

މިބުނާ ފުރަތަމަ އެއްބަސްވުމަކީ ކ. ކާށިދުއްފަރު ފަޅު ހިއްކައިގެން 200 އެނދުގެ ރިސޯޓެއް ހެދުމަށް މއ. ނިވީކޯ، އަހުމަދު ޝަފީގު ކިޔާ މީހަކާ ޓޫރިޒަމް މިނިސްޓްރީން ސޮއިކުރި އެއްބަސްވުމެކެވެ. މި އެއްބަސްވުމާ ގުޅިގެން ޝަފީގުއަށް ލިބިދޭ ހުރިހާ ހައްގުތަކެއް ހާމިދަށް ބަދަލުކުރީ ޖެނުއަރީ 10، 2010 ގަ އެވެ.

އޭގެ ފަހުން ޓޫރިޒަމް މިނިސްޓްރީން ވަނީ ހާމިދުއާ އެކީ ކ. ކާށިދުއްފަރު ފަޅުގެ ބަދަލުގައި އެހެން ފަޅެއް ހަމަޖެއްސުމުގެ ގޮތުން "ރީލޮކޭޝަން" އެއްބަސްވުމެއްގައި ސޮއިކޮށްފަ އެވެ. ރީލޮކޭޓު ކުރާ ތަނަކީ ދިއްފުށި ފަޅުގެ ގޮތުގައި ކަނޑައެޅީ، ފަހުން ހެދި އެއްބަސްވުމުގަ އެވެ.

މި މައްސަލައިގައި ހުކުމް ކުރަމުން ޝަރީއަތުން ވަނީ މި ހުރިހާ އެއްބަސްވުމަކަށް ރިއާޔަތްކޮށްފަ އެވެ. އެގޮތުން، ފަހުން ވެވުނު އެއްބަސްވުމަކީ އާ އެއްބަސްވުމެއް ކަމަށް ބެލެވެން ނެތް ކަމަށާއި އެ އެއްބަސްވުމަކީ ބާތިލު އެއްބަސްވުމެއް ކަމަށް ހުކުމުގައި ވެ އެވެ.

ފަހުން ވެވުނު އެއްބަސްވުން ބާތިލު ކަމަށް ކޯޓުން ކަނޑައެޅީ، އޭރު އަމަލުކުރަމުން ދިޔަ ޓޫރިޒަމް ގާނޫނުގައި ބުނާ ގޮތަށް ކުލީގެ މުއްދަތު އިތުރުކުރާ ކޮންމެ އަހަރަކަށް ދައްކަން ޖެހޭ އެއް ލައްކަ ޑޮލަރު ނުދައްކާތީ އެވެ.

އެހެންކަމުން މައްސަލަ ނިންމަން ކޯޓުން ރުޖޫއަވީ ފުރަތަމަ ވެވުނު އެއްބަސްވުމަށެވެ. އަދި، އެއްބަސްވުން ބާތިލުކުރީ ކުލި ނުދައްކާތީ ކަމުން އެއްބަސްވުން ބާތިލުކުރަން ފޮނުވި ނޯޓިސް ބާތިލު ކުރެވޭނެ ތަނެއް ނެތް ކަމަށް ހުކުމް ކުރި އެވެ.

މި މައްސަލަ ހާމިދާ ދެކޮޅަށް ނިމުނު ނަމަވެސް، އޭނާ އެދިގެން ސިވިލް ކޯޓުން އޮތީ މި ފަޅުގައި އެއްވެސް މަސައްކަތެއް ކުރުން ހުއްޓުވަން ވަގުތީ އަމުރެއް ނެރެދީފަ އެވެ. އެކަމަކު މައްސަލަ ނިމުމުން އެ އަމުރު ބާތިލުވާނެ އެވެ.

މި ފަޅު މިހާރު ތަރައްގީކުރަނީ ސިންގަޕޫރުގެ މެރީނާ ޑިވެލޮޕްމަންޓްސް ކުންފުނިންނެވެ. މައުލޫމާތު ލިބޭ ގޮތުގައި ވަގުތީ އަމުރު ނެރުމުގެ ކުރިން ވެސް އެ ފަޅުގެ މަސައްކަތް އޮތީ ހުއްޓިފަ އެވެ. ސެޓެލައިޓު އިމޭޖުތަކުން ފެންނަ ގޮތުގައި ފަޅުތެރޭގައި ހިއްކާފައި ހުރި ދެ ސަރަހައްދެއް ފިޔަވާ އިތުރު މަސައްކަތްތަކެއް ނުކުރެ އެވެ. އޭގެ ތެރެއިން އެއް ތަނަކީ ހާމިދު ހިއްކި ތަނެކެވެ.

މި ފަޅުގައި ރިސޯޓެއް ހަދަން އެއްބަސްވުމުގައި ސިންގަޕޫރުގެ ރެފްލްސް ޑިވެލޮޕްމަންޓާ އެކީ ދިވެހި ސަރުކާރުން ސޮއިކުރީ ސެޕްޓެމްބަރު 19، 2018 ގަ އެވެ. އެ އެއްބަސްވުމުގެ ދަށުން ރެފްލްސްއަށް ލިބޭ ހުރިހާ ހައްގުތަކެއް މެރީނާ ޑިވެލޮޕްމަންޓަށް ބަދަލުކުރީ އޮކްޓޫބަރު 31، 2018 ގަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox