އިރުމަތީ ޔޫރަޕަށް ނޭޓޯގެ އިތުރު ސިފައިން ފޮނުވަން ނިންމާފައިވާ ކަމަށް ނޭޓޯގެ ސެކެޓްރީ ޖެނެރަލް ޖެންސް ސްޓޮލްޓެންބާގް ވިދާޅުވެއްޖެ އެވެ.
ރަޝިއާގެ ސިފައިން ޔޫކްރެއިނަށް އަރައި ފެށި ހަނގުރާމައާ ގުޅިގެން ނޭޓީގެ ކުއްލި ސަމިޓެއް ފަށަން ޔޫރަޕުގައި ދަނީ ތައްޔާރުވަމުންނެވެ.
ސަމިޓުގެ ކުރިން ނޫސްވެރިންނަށް މައުލޫމާތު ދެއްވަމުން ސްޓޮލްޓެންބާގް ވިދާޅުވީ ހަންގޭރީ، ސްލޮވާކިއާ، ބަލްގޭރިއާ އަދި ރޮމޭނިއާގައި ތިބޭ ނޭޓޯ ސިފައިންގެ އަދަދު އިތުރު ކުރާނެ ކަމަށެވެ.
އޭގެ އިތުރުން ނޭޓޯއިން ޔޫކްރެއިނަށް ފޯރުކޮށްދޭ އެހީ ވެސް އިތުރު ކުރާނެ ކަމަށާއި އޭގެ ތެރޭގައި ކެމިކަލް، ބަޔޮލިޖިކަލް އަދި ނިޔުކްލިއާ ހަމަލާއަކާ ދެކޮޅަށް ރައްކާތެރިވާން އެހީވާނެ ކަމަށް ވިދާޅުވި އެވެ.
ބުރާސްފަތި ދުވަހު ބްރަސެލްސްގައި އޮންނަ ނޭޓޯގެ ސަމިޓުގައި އެމެރިކާގެ ރައީސް ޖޯ ބައިޑެން ވެސް ބައިވެރިވެވަޑައިގަންނަވާނެ އެވެ. އެ ސަމިޓުގެ އިތުރުން ޔޫރަޕުގެ ވެރިންނާއި ބައިޑެން ބައްދަލުކުރައްވަން ހަމަޖެހިފައިވެ އެވެ.
އިރުމަތީ ޔޫރަޕްގައި ބޯލްޓިކް ގައުމުތަކުން ފެށިގެން ބްލެކް ސީއާ ހަމައަށް ނޭޓޯގެ 40،000 ސިފައިން ސްޓޭޝަންވެފައި މިހާރު ވެސް ތިބެ އެވެ.
