މަހުލޫފު މައްސަލަ: ވައިބާ ޗެޓްލޮގްތަކަކާ ގުޅޭ ބަހުސެއް ހައިކޯޓުގައި

ޔޫތު މިނިސްޓަރު އަހްމަދު މަހުލޫފް ކްރިމިނަލް ކޯޓަށް ހާޒިރުވަނިކޮށް: އޭނާ ވަނީ އަދީބާއި ދެމެދު އެއްވެސް މުއާމަލާތެއް ކުރެވިފައިވާ ޗެޓްލޮގެއް ނޯންނާނެ ކަމަށް ވިދާޅުވެފައި -- ފޮޓޯ: މުހައްމަދު ޝާބިން އިބްރާހިމް ރަޝާދު / އަދަދު

ޔޫތު މިނިސްޓަރު އަހްމަދު މަހުލޫފް ކްރިމިނަލް ކޯޓަށް ހާޒިރުވަނިކޮށް: އޭނާ ވަނީ އަދީބާއި ދެމެދު އެއްވެސް މުއާމަލާތެއް ކުރެވިފައިވާ ޗެޓްލޮގެއް ނޯންނާނެ ކަމަށް ވިދާޅުވެފައި -- ފޮޓޯ: މުހައްމަދު ޝާބިން އިބްރާހިމް ރަޝާދު / އަދަދު

ޔޫތު މިނިސްޓަރު އަހްމަދު މަހުލޫފަށް ކުރާ ރިޝްވަތު ހިފުމުގެ ދައުވާ ބޭރުކޮށްލި ނިންމުން ހައިކޯޓުގައި އިސްތިއުނާފުކުރިއިރު، ދަށު ކޯޓުގައި ފާހަގަނުކުރާ ވައިބާ ޗެޓްލޮގްތަކަކަށް ދައުލަތުން ހަވާލާދީފައިވާ މައްސަލާގައި ބޮޑު ބަހުސެއް ކުރަން ޖެހިއްޖެ އެވެ.

އިސްތިއުނާފީ މައްސަލައިގެ އަޑުއެހުންތައް ހައިކޯޓުގައި ނިންމާލާފައި ވަނިކޮށް، މިއަދު އެ ކޯޓުގައި އަޑުއެހުމެއް ތާވަލްކުރީ ފަނޑިޔާރުން މައްސަލަ ދިރާސާކުރަމުން ގެންދިޔައިރު ފާހަގަވި ބައެއް ކަންކަން ސާފުކުރުމަށްޓަކަ އެވެ. އެގޮތުން އެ މައްސަލައިގެ ރިޔާސަތު ބަލަހައްޓަވާ ފަނޑިޔާރު ފާތިމަތު ފަރުހީޒާއި، އެ މައްސަލައިގެ ބެންޗުގައި ހިމެނިވަޑައިގަންނަވާ އެ ކޯޓުގެ އިސްފަނޑިޔާރު ހާތިފް ހިލްމީ ދައުލަތާ ގިނަ ސުވާލުތަކެއް މިއަދު ކުރެއްވި އެވެ.

މައިގަނޑު ގޮތެއްގައި ފަނޑިޔާރުންގެ ސުވާލުތައް އަމާޒުވީ ދަށު ކޯޓުން މަހުލޫފްގެ މައްސަލަ ބޭރުކޮށްލި ނިންމުން ހައިކޯޓުގައި އިސްތިއުނާފު ކުރިއިރު، ވައިބާ ގްރޫޕެއްގައި ދައްކާފައި ހުރި ވާހަކަތައް ހިމެނޭ ޗެޓް ލޮގަކަށް އިސްތިއުނާފީ ފޯމުގައި ހަވާލާދީފައި ވާތީ އެވެ. އެ ޗެޓް ލޮގަކީ ދައުލަތުން ހުށަހެޅި މޯބައިލް ފޮރިންސިކް ރިޕޯޓްގެ އެނެކްސްގައި ހިމެނޭ އެއްޗެއް ކަމަށާއި، ދަށު ކޯޓަށް ވެސް އެ ހުށަހެޅި ކަމަށް ދައުލަތުން ބުނެ އެވެ. ނަމަވެސް, ދިފާއުން ބުނީ އެ ޗެޓްލޮގަކީ ދައުލަތުން ހައިކޯޓަށް އަލަށް ހުށަހެޅި ހެއްކެއް ކަމަށެވެ.

އެމްއެމްޕީއާރުސީގެ ހިޔާނާތުގެ މޭސްތިރިޔާކަމަށް އިއުތިރާފްވި ކުރީގެ ނައިބުރައީސް އަހްމަދު އަދީބާއި، މަހުލޫފްއާ ދެމެދު ކޮށްފައިވާ މުއާމަލާތުތަކާ ގުޅިގެން ދައުލަތުން މޯބައިލް ފޮރެންސިކް ރިޕޯޓެއް ހުށަހަޅާފައިވާއިރު، އެ ރިޕޯޓުން ދަށު ކޯޓުގައި ފާހަގަކޮށްފައިވަނީ ހަމައެކަނި އެސްއެމްއެސްތަކެއްގެ ވާހަކަތަކެއް ކަމަށް ދިފާއުން ފާހަގަކުރެ އެވެ.

މަހުލޫފްގެ ވަކީލުން ބުނީ އެ ހެއްކާއި، މަހުލޫފަށް ކުރާ ދައުވާއާ ގުޅުވާނުލެވޭ ކަމަށް ދަށު ކޯޓުގެ ގާޒީ ނިންމާފައި ވަނީ ދައުލަތުން ޝަރީއަތުގައި ފާހަގަކުރި ހަތަރު އެސްއެމްއެސްއިން ސާބިތުކުރަން ބޭނުވާ އުންސުރުތަކަށް ބާރު ނުލިބޭތީ ކަމަށެވެ.

އެހެންވެ، ހައިކޯޓުގައި މުޅިން އަލަށް ފާހަގަކުރި ޗެޓް ލޮގް ބަލައިނުގަތުމަށް ވަކީލުން އެދުނެވެ.

"އޭގައި ނެތް އަޅުގަނޑާއި އަހްމަދު އަދީބާއި ދެމެދު ދައްކާފައިވާ އެއްވެސް ވާހަކައެއް،" ދައުލަތުން ފާހަގަކުރި ވައިބާ ގްރޫޕްގެ ޗެޓްލޮގާ ގުޅިގެން މަހުލޫފް މިއަދުގެ އަޑުއެހުމުގައި ވިދާޅުވި އެވެ.

ދައުލަތުން ބުނީ އިބްތިދާއީ މަރުހަލާގައި ހެކިތަކުން ސާބިތުކުރަން ޖެހޭ އުންސުރުތައް ތަފްސީލުކޮށްދެން ނުޖެހޭ ކަމަށާއި، ފައިލްތައް ދިރާސާކުރުމަކީ ދިފާއުގެ ޒިންމާއެއް ކަމަށެވެ. އަދި އެ މައްސަލަ މަދަނީ މިންގަނޑުން ކުރިއަށް ގެންދެވޭ ވަރަށް ތަފްސީލުކޮށްދީފައިވާ ކަމަށެވެ.

ނަމަވެސް ހައިކޯޓުގެ ފަނޑިޔާރުގެ ބެންޗުން ވަނީ ފައިލްތަކެއް ހުށަހެޅުމަށްފަހު، އެ ލިޔުންތަކުން ސާބިތުކުރަން ބޭނުންވާ އުންސުރުތައް ފާހަގަނުކޮށް، މަދަނީ މިންގަނޑުން މައްސަލަ ކުރިއަށް ގެންދިއުމަށް ފަނޑިޔާރު ބަލާނީ ކޮން ކަމަކަށްތޯ ސުވާލުކޮށްފަ އެވެ.

ޖަވާބުގައި ދައުލަތުން ބުނީ މަދަނީ މިންގަނޑުން ކުރިއަށް ގެންދިއުމަށް ބާރު ލިބޭ ވަރަށް އިބްތިދާއީ މަރުހަލާގައި ތަފްސީލުކޮށްފައިވާ ކަމުގައި ގަބޫލުކުރާ ކަމަށާއި، އިތުރު ތަފްސީލު ދޭން ޖެހޭނީ ހެކިތަކާ ގޮތުން ވާހަކަތައްކާ މަރުހަލާގަ އާއި، ހުލާސާ ބަޔާން އިއްވާއިރު ކަމަށެވެ.

މިއަދުގެ އަޑުއެހުން ނިންމާލީ ފަނޑިޔާރުން ސާފުކުރަން ބޭނުންވާ ސުވާލުތައް ކުރުމަށްފަހު އެވެ. ދެން އޮންނާނީ އެ އިސްތިއުނާފީ ނުގުތާއާ މެދު ގޮތެއް ކަނޑައެޅުމެވެ. ނަމަވެސް މައްސަލަ ނިންމުމަށް އަޑުއެހުމެއް ތާވަލްކުރާނެ ދުވަހެއް އަދި ކަނޑައަޅުއްވާފައި ނުވެ އެވެ.

މަހުލޫފުގެ މައްސަލައިގެ ފަސްފަހަތް:

ރިޝްވަތު ހިފި ކަމަށް ބުނެ ކޮށްފައިވާ އެ ދައުވާ ސާބިތުކުރުމަށް ހުށަހެޅި ހެކިތަކާއި ދައުވާއާ ގުޅުވާނުލެވުނު ކަމަށް ކޯޓުން ނިންމިއިރު، އެ މައްސަލަ ތަހުގީގުކުރުމުގައި ދެ އަހަރަށް ވުރެ ގިނަ ދުވަސް ހޭދަވި އެވެ. އަދި ދައުވާކުރުމާ މެދު ގޮތެއް ނުނިމި ފަސް މަސް ދުވަހު މަޑު ޖެހިފައި އޮތެވެ.

ބޮޑު ހިޔާނާތުގެ ތަހުގީގަށް ދެ ފަހަރު މަތިން 2019 ވަނަ އަހަރުވެސް މަހުލޫފް ހާޒިރުކޮށްފައިވާއިރު، އޭނާގެ މައްޗަށް ދައުވާކުރުމަށް އެދި ފޮނުވީ ޖޫން، 9 2021، ގައެވެ. އެ މައްސަލާގައި ދައުވާ ކުރުމާމެދު ގޮތެއް ނުނިމި ފަސް މަސް ދުވަހު ޕްރޮސެކިއުޓާ ޖެނެރަލް އޮފީހުގައި ގެންގުޅުމަށްފަހު، ދައުވާކުރީ ނޮވެމްބަރު 24، 2021 ގައެވެ.

އަށާރަ ވަނަ ރައްޔިތުން މަޖިލީހުގެ ގަލޮޅު ދެކުނު ދައިރާގެ މެމްބަރެއްގެ ގޮތުގައި ހުރެ، އެމްއެމްޕީއާރުސީގެ ހިޔާނާތުގެ ފައިސާއިން 33،000 ޑޮލަރު (508،860ރ.) ރިޝްވަތުގެ ގޮތުގައި މަހުލޫފް ހިފި ކަމަށް ބުނެ އޭނާގެ މައްޗަށް ދައުލަތުން އުފުލީ ރިޝްވަތު ހިފިކަމުގެ ދައުވާ އެވެ.

މަހުލޫފަށް ދައުވާ ކުރަނީ މަޖިލީހުގެ މެމްބަރު ކަމުގައި ހުންނަވައި ސްޕެޝަލް އިކޮނޮމިކް ޒޯން ބިލަށް ތާއީދުކޮށް ވޯޓު ދިނުމުގެ މުގާބިލުގައި، އޭރުގެ ޓޫރިޒަމް މިނިސްޓަރު އަހުމަދު އަދީބު، އެސްއޯއެފްގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ އެކައުންޓުގެ ޗެކުން އޭނާއަށް ދިން 33,000 ޑޮލަރު, އޭނާގެ ނަމުގައި ބޭންކް އޮފް މޯލްޑިވްސް ގައި ހުޅުވާފައިވާ އެކައުންޓަށް ޖަމާކޮށް، ރިޝްވަތު ހިފާފައިވާ ކަމަށް ތުހުމަތުކޮށެވެ.

ނަމަވެސް މައްސަލަ ބެއްލެވި ގާޒީ މުހައްމަދު މިސްބާހު އެ މައްސަލަ މަދަނީ މިންގަނޑުން ކުރިއަށް ނުގެންދެވޭނެ ކަމަށް ކަނޑައެޅީ އެ މައްސަލައިގެ ތަހުގީގު ދޯހަޅިކަމުންނެވެ.

އިތުރަށް ކިޔާލުމަށް:

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox