އެމެރިކާގައި މަގުމަތިވެފައިވާ މީހުން ނިދާފައި ތިބޭ ވަގުތު، އެ މީހުންގެ ގަޔަށް ބަޑި ޖަހައި މަރަމުންދާ ކަމުގެ ތުހުމަތުގައި މާސްކު އަޅައި މޫނު ނިވާކޮށްގެން އުޅޭ މީހަކު ހޯދަން ފަށައިފި އެވެ.
ތުހުމަތު ކުރެވޭ މީހާ ވަނީ ފާއިތުވި ނުވަ ދުވަސް ތެރޭގައި ފަސް މީހުންނަށް ހަމަލާދީފަ އެވެ. ހަމަލާތައް ދިނީ ނިއު ޔޯކް އަދި ވޮޝިންޓަންގަ އެވެ.
ފުލުހުން ބުނީ ހުރިހާ ކޭސްތަކެއްގައި ވެސް ހަމަލާ ދެނީ އެއް ގޮތަކަށް ކަމަށެވެ. ދެ ސިޓީގެ މޭޔަރުން ވެސް ވިދާޅުވީ "އަނިޔާވެރި ގާތިލަކު" މަގުމަތީގައި އުޅެމުންދާ ކަމަށެވެ.
ހަމަލާ ދިން މީހުންގެ ތެރެއިން ދެ މީހަކު މަރުވެފައިވާ އިރު، އެކަކު ނިދާފައި އޮއްވާ ވަޅި ހަރައި، ބަޑި ޖެހުމަށް ފަހު އޭނާ ދިރިއުޅޭ ޓެންޓުގައި ހުޅުޖެހި އެވެ. އަނެއް ތިން މީހުންގެ ފުރާނަ ސަލާމަތްވި ނަމަވެސް، އަނިޔާތަކެއް ލިބުނެވެ.
ތުހުމަތު ކުރެވޭ މީހާގެ ބޮލަށް ފުލުހުން ވަނީ ފައިސާގެ އިނާމު ހުށަހަޅާފަ އެވެ. ވޮޝިންޓަންގެ ފުލުހުން 25،000 ޑޮލަރު ހުށަހަޅާފައިވާ އިރު، ނިއު ޔޯކްއިން ހުށަހެޅީ 10،000 ޑޮލަރެވެ.
