ޅ. މާފިލާފުށީގައި މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ގެ ޓްރެއިނިން ހަދަން ދިޔަ މިއަދު ކުއްލި ގޮތަކަށް ނިޔާވެއްޖެ އެވެ.
އެމްއެންޑީއެފުން ބުނީ ޓްރެއިނިން ހަދަނިކޮށް މަރުވީ ގދ. ގައްދުއަށް އުފަން ޕްރައިވެޓް މުހައްމަދު ރާފިލް ރަބީލް ކަމަށެވެ. އޭނާ ޓްރެއިނިން ހެދުމަށް މާފިލާފުއްޓަށް ދިޔައީ އިއްޔެ އެވެ. ނިޔާވިއިރު ރާފިލްގެ އުމުރަކީ 19 އަހަރެވެ.
އެމްއެންޑީއެފުން ބުނީ ރާފިލް ނިޔާވީ ނޭވާލުމަށް އުނދަގޫވެގެން މާފިލާފުށިން ފަރުވާ ދިނުމަށްފަހު އިތުރު ފަރުވާއަށް ޅ. ނައިފަރު ހޮސްޕިޓަލަށް ގެންދިޔަ ފަހުން ކަމަށެވެ.
Advertisement
މައުލޫމާތު ލިބިފައިވާގޮތުގައި ރާފިލް އަކީ އެއްވެސް ބައްޔަކަށް ބޭސްފަރުވާކުރާ މީހެއް ނޫނެވެ. އަދި އޭނާގެ ހަށިގަނޑު މިއަދުގެ ހަވީރުގެ ވަގުތެއްގައި މާލެ ގެނައުމަށް ވަނީ ހަމަޖެހިފަ އެވެ.
