ކަދުރުގެ ވާހަކަ ވަރަށް ދުރުން ވެސް ފެށިދާނެ އެވެ. ނަމަވެސް ކިޔައިދޭން މި އުޅޭ ކަދުރުގެ ވާހަކަ ފަށަން ޖެހެނީ ޔުނައިޓެޑް އަރަބް އެމިރޭޓްސް (ޔޫއޭއީ) ގެ ޝައިޚް ޒައިދު ބިން ސުލްޠާން އަލް ނަހްޔާންއާ ހަމައިންނެވެ. އެއީ ހަނަފަސް ޔޫއޭއީގެ ދަނޑުވެރިކަމުގެ ބާނީ އެވެ. ކަދުރު ރުއް ހައްދައި އާލާކުރުމަކީ އޭނާ ވަރަށް ހާއްސަ ސަމާލު ކަމެއް ދެއްވި ކަމެކެވެ.
އެ މަސައްކަތުގެ ފެށުމަކީ، ކަދުރުގެ ވަރުގަދަ މާކެޓަކަށް ޔޫއޭއީ ވެގެން ދިއުމުގެ ފެށުމެވެ. އަދި ޔޫއޭއީގައި އެންމެ ފުރަތަމަ ރީޓެއިލްކޮށް ވިއްކަން ފެށި އަދި މިހާރު ދުނިޔޭގެ 45 ގައުމަކަށް އެކްސްޕޯޓްކުރާ "ޑޭޓް ކްރައުން" ބްރޭންޑްގެ ކަދުރުގެ ފެށުމަކީ ވެސް އެއީ އެވެ.
"ޑޭޓް ކްރައުން" ކަދުރަކީ ރާއްޖޭގެ ބާޒާރަށް ވެސް އާ ކަދުރެއް ނޫނެވެ. މިއީ ބާޒާރުގައި އެންމެ މަގުބޫލު ކަދުރު ބްރޭންޑެވެ.
ކަދުރުގެ ސިއްހީ ފައިދާއަށް ބަލާއިރު، ފައިބާ، ޕްރޮޓިން، މިނަރަލްސް، ގިނަ ބާވަތްތަކެއް ވިޓަމިން، އަދި ވިހަ ފިލުވާލުމަށް އެހީވެދޭ މާއްދާތައް ހިމެނެ އެވެ. ބަލިތަކުން ދުރުކޮށްދީ، ސިކުނޑީގެ ދުޅަހެޔޮކަން ހިފެހެއްޓުމަށް މުހިންމު މި މޭވާ އަކީ ވަކި އުމުރަކަށް، ވަކި ދުވަސްވަރަކަށް ހާއްސަ މޭވާއެއް ނޫނެވެ.
މި ވާހަކަތައް މިގޮތަށް ގެނެސްދޭން ޖެހުނީ ކުރިއަށް އޮތީ ރޯދަ މަހަށް ވުމުންނެވެ.
ޑޭޓް ކްރައުން ބްރޭންޑްގެ ކަދުރު ރާއްޖެއަށް އެތެރެކުރަނީ، ވިޔަފާރި ފެށިތާ ބައި ގަރުނު ވެފައިވާ މަޝްހޫރު އެމްއެޗްއޭ އިންނެވެ. އެ ކުންފުނީގެ އަމާޒަކީ ފެންވަރު ރަނގަޅު، ރަހަވެސް މީރު ކަދުރެއް ރާއްޖޭގެ ބާޒާރުގައި ލިބެން ހުރުމެވެ.
"އަޅުގަނޑުމެން ބްރޭންޑުގެ ކަދުރު އިމްޕޯޓްކުރަން ފެށީ ހުރިހާ ގޮތަކުން ވެސް ފެންވަރު ރަނގަޅު ވުމުން. މި ބްރޭންޑްގެ ތަފާތު ވައްތަރުތައް އަޅުގަނޑުމެން އެތެރެކޮށް އެބަ ވިއްކަން،" އެމްއެޗްއޭގެ މެނޭޖިން ޑިރެކްޓަރު ސޮފްވާން އަހްމަދު ވިދާޅުވި އެވެ.
މި ބްރޭންޑްގެ އެކި ސައިޒުތަކުގެ ކަދުރު ޕެކެޓް އެމްއެޗްއޭއިން ވިއްކަ އެވެ. މި ބްރޭންޑް މިހާ ވަރުގަދަ ވެގެން ދިޔައީ، ބްރޭންޑްގެ ބާނީގެ މަސައްކަތުގެ ފެށުމާ އެއްގޮތަށް ފެންވަރާއި ރަހަ، އަދި ހަލާކު ނުވެ ގިނަ ދުވަހު ބެހެއްޓުމަށް މިހާރު ވެސް ގެންގުޅޭ މިންގަނޑުތަކުގެ ސަބަބުންނެވެ.
