ދިއްފުށިފަޅުގައި ރިސޯޓު ހެދުން ހުއްޓުވި މައްސަލަ ސުޕްރީމް ކޯޓަށް

ދިވެހިރާއްޖޭގެ ސުޕްރީމް ކޯޓު. -- ފޮޓޯ: މުހައްމަދު ޝާބިން/އަދަދު

ދިވެހިރާއްޖޭގެ ސުޕްރީމް ކޯޓު. -- ފޮޓޯ: މުހައްމަދު ޝާބިން/އަދަދު

ކ. ދިއްފުށިފަޅު ހިއްކައިގެން ރިސޯޓެއް ތަރައްގީކުރުން މަޑުޖައްސާލަން ސިވިލް ކޯޓުން ނެރުނު ވަގުތީ އަމުރު ދައުލަތުން ސުޕްރީމް ކޯޓުގައި އިސްތިއުނާފުކޮށްފި އެވެ.

ދިއްފުށިފަޅުގެ މައްސަލަ ސިވިލް ކޯޓަށް ހުށަހެޅީ ވިޔަފާރިވެރިޔާ ހާމިދު އިސްމާއިލެވެ.

އެ ފަޅަކީ ކުރިން އޭނާއަށް 50 އަހަރަށް ކުއްޔަށް ދީފައިވާ ފަޅެކެވެ. އެކަމަކު ފަހުން ޓޫރިޒަމް މިނިސްޓްރީން ވަނީ ހާމިދާ އެކު ވެފައިވާ އެއްބަސްވުން ބާތިލުކުރުމަށް ފަހު، އެ ފަޅު އެހެން ބަޔަކަށް ކުއްޔަށް ދީފަ އެވެ.

ހާމިދުގެ ފަރާތުން މި މައްސަލަ ސިވިލް ކޯޓަށް ހުށަހަޅަމުން ބުނީ އެއްބަސްވުން ބާތިލުކުރުމަށް ފަހު އެހެން ބަޔަކަށް އެ ފަޅު ކުއްޔަށް ދިނީ ގާނޫނާ ހިލާފަށް ކަމަށެވެ. އަދި އެތަނުގައި މަސައްކަތް ކުރިޔަށް ދާނަމަ އޭނާއަށް އިޔާދަ ނުކުރެވޭ ވަރުގެ ގެއްލުމެއް ލިބޭނެ ކަމަށް ބުނެ މަސައްކަތް ހުއްޓުވަން ވަގުތީ އަމުރަކަށް އެދުނެވެ.

ސިވިލް ކޯޓުން އެ ވަގުތީ އަމަރު ނެރުނީ ފެބްރުއަރީ 4، 2020 ގަ އެވެ. ދައުލަތުން މި އަމުރު ހައިކޯޓުގައި އިސްތިއުނާފުކުރުމުން، އެ ކޯޓުން ވެސް މައްސަލަ ނިންމީ ހާމިދު ކޮޅަށެވެ.

އެގޮތުން ސިވިލް ކޯޓުގެ ހުކުމަށް ތާއީދުކޮށް ހައިކޯޓުގައި އެ މައްސަލަ ބެލި ފަނޑިޔާރުންގެ އިއްތިފާގުން ކުރި ހުކުމުގައި ބުނީ އަމަރު ބާތިލުކުރަން ޖެހޭ ސަބަބެއް ނެތް ކަމަށެވެ.

ދިއްފުށިފަޅު މައްސަލައިގައި ކަން ހިނގާފައިވާ ގޮތް

ދިއްފުށިފަޅުން ބިން ހިއްކައިގެން ރިސޯޓެއް ހަދަން ހާމިދާއި ޓޫރިޒަމް މިނިސްޓްރީއާ ދެމެދު އެއްބަސްވުމުގައި ސޮއިކުރީ ފެބްރުއަރީ 19، 2015 ގަ އެވެ. އެ މަސައްކަތް ފެށި އިރު އެއީ އެއްކޮށް ބިން ހިއްކައިގެން ރާއްޖޭގައި ތަރައްގީކުރަން ފެށި ފުރަތަމަ ރިސޯޓެވެ.

ކޯޓު އަމުރުތަކުގައި ހުރި މައުލޫމާތުން އެނގޭ ގޮތުގައި، ހާމިދު އަތުން ފަޅު އަތުލިއިރު އޭނާ ވަނީ އެތަނުން ފަސް ހެކްޓަރުގެ ބިން ހިއްކާފަ އެވެ. މިނިސްޓްރީއާ އެކު އެއްބަސްވެވިފައި އޮތީ 15 ހެކްޓަރުގެ ބިން ހިއްކައިގެން އެތަނުގައި 200 އެނދު ތަރައްގީކުރާ ގޮތަށެވެ.

ދިއްފުށީފަޅު ފެންނަ ސެޓެލައިޓް ތަސްވީރެއް: ފަޅު ތެރެއިން ދެ ސަރަހައްދެއް ވަނީ ހިއްކާފައި. -- ފޮޓޯ: ގޫގްލް އާތް
ދިއްފުށީފަޅު ފެންނަ ސެޓެލައިޓް ތަސްވީރެއް: ފަޅު ތެރެއިން ދެ ސަރަހައްދެއް ވަނީ ހިއްކާފައި. -- ފޮޓޯ: ގޫގްލް އާތް

ދިއްފުށީފަޅު ފެންނަ ސެޓެލައިޓް ތަސްވީރެއް: ފަޅު ތެރެއިން ދެ ސަރަހައްދެއް ވަނީ ހިއްކާފައި. -- ފޮޓޯ: ގޫގުލް އާތު

އެއްބަސްވުން ބާތިލުކުރި އިރު، ހާމިދު ހުރީ އެމްއެމްޕީއާރްސީ ހިޔާނާތުގެ ތެރެއިން ޅ. މާބިންހުރާގެ އެކުއިޒިޝަން ކޮސްޓަށްވާ ފަސް މިލިއަން ޑޮލަރަށް ހިޔާނާތްތެރިވި މައްސަލަ ސާބިތުވެ ޖަލުގަ އެވެ. އެ މައްސަލައިގައި ދެ އަހަރާއި ނުވަ މަސް ދުވަހުގެ ހުކުމެއް ތަންފީޒުކުރުމަށް ފަހު އޭނާ މިނިވަންވީ 2019 ގަ އެވެ.

ދިއްފުށިފަޅު ކުއްޔަށް ދޭން ދެވަނަ ފަހަރަށް ޓޫރިޒަމް މިނިސްޓްރީން އިއުލާނުކުރީ ނޮވެމްބަރު، 2017 ގަ އެވެ. އެއީ ފަސް މިލިއަން ޑޮލަރުގެ އެކުއިޒިޝަން ކޮސްޓެއް ދައްކާ ގޮތަށެވެ. އޭރު ވެސް ހާމިދުގެ އާއިލާގެ ފަރާތުން ވަނީ މިއީ އޭނާއަށް ދޫކޮށްފައިވާ ފަޅެއް ކަމަށާއި ޓޫރިޒަމުން އަމަލުކުރަމުން ދަނީ ގަވާއިދާ ހިލާފަށް ކަމަށް ބުނެ ކަންބޮޑުވުން ފާޅުކޮށް ބަޔާނެއް ނެރެފަ އެވެ.

މި ފަޅު އެފަހަރު ކުއްޔަށް ދިނީ ސިންގަޕޫރުގެ ރަފްލްސް ޑިވެލޮޕްމަންޓު ޕްރައިވެޓު ލިމިޓެޑަށެވެ. މި ކުންފުންޏަކީ ސިންގަޕޫރުގެ މަޝްހޫރު ރަފްލްސް ހޮޓެލްސް އެންޑް ރިސޯޓްސްއާ ގުޅުމެއް އޮންނަ ކުންފުންޏެއް ނޫނެވެ. ސިންގަޕޫރުގެ ކުންފުނި ޑޭޓާބޭސް ދައްކާ ގޮތުން މިއީ ރިއަލް އެސްޓޭޓް ވިޔަފާރީގައި ހަރަކާތެރިވާ ކުންފުންޏެކެވެ.

ރެފްލްސް ޑިވެލޮޕްމަންޓުން ވަނީ އެ ކުންފުނީގެ ލީސް ރައިޓްސް މެރީނާ ޑިވެލޮޕްމަންޓްސް ޕްރައިވެޓް ލިމިޓެޑް ކިޔާ ކުންފުންޏަކަށް ބަދަލުކޮށްފަ އެވެ. ރާއްޖޭގައި ރަޖިސްޓްރީކޮށްފައިވާ މި ކުންފުނީގެ ހިއްސާދާރުންނަކީ ސިންގަޕޫރުގެ ދެ ކުންފުންޏެކެވެ. އެއީ މޯލްޑިވްސް ރިސޯޓްސް ޑިވެލޮޕްމަންޓް ޕްރައިވެޓް ލިމިޓެޑާއި މޯލްޑިވްސް ރިސޯޓްސް ޕްރައިވެޓް ލިމިޓެޑެވެ.

ދިއްފުށިފަޅު އެހެން ބަޔަކަށް ދޭން އިއުލާނުކުރުމުގެ މައްސަލަ އެންޓި ކޮރަޕްޝަން ކޮމިޝަން (އޭސީސީ)ން ވެސް ބެލި އެވެ. އޭސީސީއަށް ޝަކުވާ ލިބުނީ އެ ފަޅު ކުއްޔަށް ދޭން އިއުލާނުކުރީ އެހެން ފަރާތަކުން (ހާމިދު އިސްމާއިލް) އެތަން ތަރައްގީކުރުމުގެ މަސައްކަތް ކުރަމުން ދަނިކޮށެވެ.

އެ މައްސަލަ ބެލުމަށް ފަހު އޭސީސީން ބުނީ، ދިއްފުށީ ފަޅުގެ އެއްބަސްވުން ޓޫރިޒަމުން ބާތިލުކުރީ އެއްބަސްވުމުގައި ބަޔާންކޮށްފައިވާ މުއްދަތުގައި ރިސޯޓު ތަރައްގީކޮށް ނިންމާފައި ނުވާތީ އާއި އެއްބަސްވުމުގައިވާ ގޮތަށް ކުލި ދައްކާފައި ނުވާތީ އެޓާނީ ޖެނެރަލްގެ ލަފާ ލިބިގެން ކަމަށެވެ. އަދި، އެއްބަސްވުމުގައި އެފަދަ ހާލަތެއް މެދުވެރިވެގެން އެއްބަސްވުން ބާތިލުކުރެވޭނެ ކަމަށް ބަޔާންކޮށްފައިވާ ކަަން ފާހަގަކުރި އެވެ.

އޭގެ އިތުރުން ކޮންސްޓްރަކްޝަން މުއްދަތު އިތުރުކުރަން ޓޫރިޒަމް މިނިސްޓްރީއާ އެކު އެއްބަސްވެވުނު ކަމަށް ހާމިދު ބުނި ނަމަވެސް އެފަދަ އެއްވެސް ލިޔުމެއް ވުޖޫދުގައި ނެތް ކަމަށް ފުލުހުންގެ ތަހުގީގަކުން ނިންމާފައިވާ ކަމަށް ވެސް އޭސީސީން ފާހަގަކުރި އެވެ.

އެއްބަސްވުން ބާތިލުކުރުމާ މެދު ގޮތެއް ނިމިގެން ދާނީ، ސިވިލް ކޯޓުގައި ކުރިޔަށްދާ މައްސަލަ ނިމުމުންނެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox