ވޮޝިންޓަން، އެމެރިކާ (މާޗް 1) - ޔޫކްރެއިންގެ ވެރިރަށް ކިޔެވްއަށް ވަންނަން ތައްޔާރަށް އޮތް ގިނަ އަދަދެއްގެ ރަޝިއާގެ އަސްކަރީ އުޅަނދުތަކެއް އެމެރިކާގެ ސެޓެލައިޓް ކުންފުންޏެއްގެ ފޮޓޯތަކުން ދައްކައިފި އެވެ.
މެކްސާއިން ހާމަކުރި ފޮޓޯތަކުން ފެންނަނީ 40 މޭލު ދިގު ސަފެއްގައި ރަޝިއާގެ އަސްކަރީ އުޅަނދުތައް އޮއްވަ އެވެ. މިދިޔަ އާދީއްތަ ދުވަހުން ފެށިގެން ރަޝިއާގެ އަސްކަރީ އުޅަނދުތައް ދަނީ ކިޔެވް ކައިރިއަށް ޖަމާވަމުންނެވެ.
ބައެއް އުޅަނދުތައް ދުރުދުރުގައި ތިބިކަން ފާހަގަކުރަނު މެކްސާއިން ބުނީ އިވާންކިވްގެ އުތުރާއި ހުޅަނގު އުތުރުން ބައެއް އިމާރާތްތަކާއި ގެތަކުގައި ރޯވެފައިވާ މަންޒަރު ވެސް ފެންނަ ކަމަށެވެ. އޭގެ އިތުރުން މެކްސާއިން ބުނީ ބެލަރޫސްއާ ދިމާލުން އިތުރު ސިފައިންނާއި ހެލިކޮޕްޓަރު ޔުނިޓުތައް ފެންނަ ކަމަށެވެ،
މިިދޔަ ބުރާސްފަތި ދުވަހު ރަޝިއާއިން ހަމަލާ ދޭން ފެށުމާ އެކު ޔޫކްރެއިނުންދަނީ ކިޔެވްގެ ދިފާއުގައި ގިނަ މަސައްކަތްތަކެއް ކުރަމުންނެވެ. ސަލާމަތީ އޮފިޝަލުން ބުނާ ގޮތުގައި ރަޝިއާއިން ތައްޔާރު ވަނީ އަނެއްކާވެސް ކިޔެވް ހިފުމުގެ މަސައްކަތަށެވެ.
އެމެރިކާއިން ވެސް ބުނީ ހަނގުރާމައިގެ ފަސް ވަނަ ދުވަހު ހަމަލާތައް މަޑު ޖެހުނު ނަމަވެސް ރަޝިއާގެ މައިގަނޑު އަމާޒަކީ ކިޔެވް ހިފުން ކަމަށެވެ.
