އަތޮޅު ވޮލީ މުބާރާތުގެ ފައިދާކުރާނީ ގައުމީ ޓީމަށް: ރަނޭ

ސްރީ ލަންކާއާ ދެކޮޅަށް މިދިޔަ ޑިސެމްބަރު މަހު ކުޅުނު އެކުވެރިކަމުގެ މެޗުތަކުގެ ތެރެއިން ވީއޭއެމްގެ ރައީސް ރަނޭޝް.-- ފޮޓޯ: ހުސެއިން ޝަޔާހު/ އަދަދު

ސްރީ ލަންކާއާ ދެކޮޅަށް މިދިޔަ ޑިސެމްބަރު މަހު ކުޅުނު އެކުވެރިކަމުގެ މެޗުތަކުގެ ތެރެއިން ވީއޭއެމްގެ ރައީސް ރަނޭޝް.-- ފޮޓޯ: ހުސެއިން ޝަޔާހު/ އަދަދު

އަންނަ މަހު ފަށަން މަސައްކަތް ނިންމާފައިވާ ރާއްޖެ އެޓޯލް ވޮލީބޯލް ޗެމްޕިއަންޝިޕްގެ ފައިދާކުރާނީ ގައުމީ ޓީމަށް ކަމަށް ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ ރައީސް މުހައްމަދު ރަނޭޝް ވިދާޅުވެއްޖެ އެެެވެ.

ވީއޭއެމުން ނިންމާފައި އޮތީ އެ އެސޯސިއޭޝަންގެ ޓެކްނިކަލް އެހީއާ އެކު، އަތޮޅު މުބާރާުތުގެ އަތޮޅު ބުރު، އަތޮޅު ކައުންސިލުން އިންތިޒާމް ކުރާ ގޮތަށެވެ. ވީއޭއެމާއި ޔޫތު މިނިސްޓްރީ އަދި އަތޮޅު ކައުންސިލްތަކާއި ރަށު ކައުންސިލްތަކުގެ އެހީތެރިކަމާ އެކު 20 އަތޮޅުގައި 20 މުބާރާތް ބޭއްވުމުގެ ޓާގެޓެއް ވީއޭއެމްގެ އެބައޮތެވެ.

އަތޮޅު މުބާރާތް ނިމުމަށް ފަހު ދެން އޮންނާނީ ހަތް ޒޯން މުބާރާތެވެ. ޒޯން އެކެއްގައި އޮތީ ހއ. ހދ އަދި ށ އެވެ. ޒޯން ދޭއްގައި އޮތީ ނ. ޅ. ބ އަދި ރ އެވެ. ޒޯން ތިނެއްގައި އޮތީ ކ. ވ. އއ އަދި އދ އެވެ. ޒޯން ތިނެއްގައި އޮތީ މ. ފ އަދި ދ އެވެ. ޒޯން ފަހެއްގައި އޮތީ ތ، ލ އެވެ. ޒޯން ހައެއްގައި އޮތީ ގއ އާއި ގދ އެވެ. އަދި ޒޯން ހަތެއްގައި އޮތީ އައްޑޫ އާއި ފުވައްމުލަކެވެ. އަތޮޅު މުބާރާތުގެ އެންމެ ބޮޑު ފައިދާ އަކީ އަތޮޅު މުބާރާތުގެ ޒޯން ޗެމްޕިއަނުންނަށް އެސޯސިއޭޝަން ކަޕްގެ ތެެރެއިން ގައުމީ މުބާރާތުގައި ވާދަކުރުމުގެ ފުރުސަތު އޮތުމެވެ.

ރަނޭޝް، "އަދަދު" އަށް ވިދާޅުވީ މީގެ ކުރިން އަތޮޅު މުބާރާތް ކުޅެވިފައި އޮތް ގޮތަކީ މުބާރާތް ކުޅެލާފައި ޒޯން ޗެމްޕިއަނެއް ނަގާފައި ނިންމާލަނީ ކަމަށެވެ. އަދި އެ މުބާރާތުން އަންނަ ކުޅުންތެރިން ވެސް އަދި ކްލަބެއް ވެސް ކުރިއަށް ދެވޭނެ ސީދާ ސިސްޓަމެއް ނެތްކަން ރަނޭޝް ފާހަގަކުރެއްވި އެވެ. އެންމެ މޮޅު ގޮތަކީ ރާއްޖޭގެ އެންމެ މަތީ ފަންތީގައި ވެސް އަތޮޅުތަކުގެ ޓީމުތަކަށް ކުޅެވޭނެ އުސޫލެއް އޮތުން ކަމަށާއި އެކަން މި ފަށާ އަތޮޅު މުބާރާތުން ކުރެވޭނެ ކަމަށް ރަނޭޝް ގަބޫލުކުރައްވަ އެވެ.

"އަތޮޅު މުބާރާތް މި ފަށަނީ އެކި ރަށްރަށުގައި ތިބި ހުނަރުވެރި ކުޅުންތެރިން ހޯދައި ގައުމީ މުބާރާތުގެ ތެރެއަށް ވެއްދޭނެ ގޮތެއް ހޯދަން. އެ ގޮތަށް ބަލާއިރު މި ޖެހެނީ ވަށައިޖެހޭ ސިސްޓަމެއް ގާއިމްކުރަން،" ރަނޭޝް ވިދާޅުވި އެވެ.

"އަޅުގަނޑުމެން (ވީއޭއެމްގެ މިހާރު އޮތް ލީޑަޝިޕް) އައިސް ވިސްނީ ގައުމީ ޓީމަށް ކުޅުންތެރިން ބޭނުންވެފައި އޮތުމާއި އަބަދުވެސް އަތޮޅު ތެރޭގެ ކުދިން ގައުމީ ޓީމުގައި ގިނައިން އުޅޭތީ ޓެލަންޓް އޮތީ އަތޮޅު ތެރޭގައި ކަން އެނގޭތީ އެ ކުދިން ގެނެސް އެ ކުދިން ގެންގުޅެވޭނެ ގޮތެއް މަގުފަހިކޮށްދޭން،"

ރަނޭޝް ވިދާޅުވީ އަތޮޅު މުބާރާތުން ކުޅުންތެރިން ފާހަގަވާނެ ކަމަށް ބަލައި އޭނާ ހިސާބު ޖެހިއިރު، ރާއްޖޭގެ ހުރިހާ ރަށަކުން 14 ކުޅުންތެރިންގެ ޓީމެއް ހަދައިިފިނަމަ އޭރުން ރާއްޖެ އެޓޯލް ޗެމްޕިއަންޝިޕުން 2646 ކުޅުންތެރިން ފެންނާނެ ކަމަށެވެ.

"އޭގެ ތެރެއިން ފުރޭނިގެން ގައުމީ ޓީމަށް ކްރީމް އޮފް ދި ކްރީމް ނެގޭނެ ގޮތެއް ހޯދަން ބޭނުމީ. އަތޮޅު ލެވަލްގެ މުބާރާތްތަކެއް ކުޅެވި، ޒޯން މުބާރާތެއް ވެސް ކުޅެގެން މި (ހުނަރުވެރި) ކުޅުންތެރިން ލިބެން މި އަންނަނީ،" ރަނޭޝް ވިދާޅުވި އެވެ.

"މިހެން މުބާރާތް ބޭއްވުމުުގެ އެންމެ ބޮޑު ފައިދާއެއް މި ކުރަނީ އަޅުގަނޑުމެން އެ ބަޔަކަށް ފަހުރުވެރިވާ ގައުމީ ޓީމަށް އެއީ ގައުމީ ޓީމަށް. އެ އަށް ބޭނުންވާ ކުޅުންތެރިން އައިޑެންޓިފައި ކުރުން ހަގީގަތުގައި މި މުބާރާތުގެ މައިގަނޑުގެ މަގުސަދަކީ،"

މި މަހު ކުރީކޮޅުގައި ބަންގްލަދޭޝާ ދެކޮޅަށް ކުޅުނު މެޗުތަކުގައި ގައުމީ ޓީމުގައި އެއްވެސް ލޯކަލް، ގައުމީ ފެންވަރުގެ މުބާރާތެއް ނުކުޅެ ތިބި ކުޅުންތެރިން ތިބުމުން ގިނަ ބަޔަކު ވަނީ އެ ވާހަކަ ދައްކައިފަ އެވެ. ރަނޭޝް ވިދާޅުވީ އަތޮޅު މުބާރާތަކީ ހުނަރުވެރި ގިނަ ކުޅުންތެރިންތަކަކަށް ގައުމީ ޓީމަށް އަންނަން "ކޮށައިދެވޭ މަގެއް" ކަމަށެވެ.

"މި މުބާރާތް ފެށުމާ އެކު އެއްވެސް އަތޮޅެއްގައި ވޮލީ ކުޅެން ބޭނުންވާ އެއްވެސް ކުޅުންތެރިއަކަށް ވޮލީ ކުޅުމުގެ ފުރުސަތަކުން މަހުރޫމެއް ނުވާނެ. އެ ކުދިންނަށް ޕްލެޓްފޯމެއް މި ލިބެނީ ދިވެހިރާއްޖޭގެ ވޮލީގައި އެ ކުޅުންތެރިންގެ ހުނަރު ދައްކާލަން،" ރަނޭޝް ވިދާޅުވި އެވެ.

ރަނޭޝް ވިދާޅުވީ އަތޮޅު މުބާރާތުން ރަނގަޅު ކުޅުންތެރިން ފެނިއްޖެނަމަ ވީއޭއެމުން މިހާރު ފަށާފައި އޮތް ގައުމީ ވޮލީބޯލް އެކްސަލަންސް ޕްރޮގްރާމަށް ނަގާނެ ކަމަށެވެ. އަދި މުބާރާތުން ފެންނަ ކުޅުންތެރިއަކީ ވަރަށް ހުނަރުވެރި ކުޅުންތެރިއެއްގެ ގޮތުގައި ވީއޭއެމްގެ ޓެކްނިކަލް ޓީމަށް ފާހަގަކުރެވިއްޖެނަމަ އެ ކުޅުންތެރިއަކު ސީދާ ގައުމީ ސްކޮޑަށް ނެގުމުގެ ފުރުސަތު ވެސް އޮންނާނެ ކަމަށް ރަނޭޝް ވިދާޅުވި އެވެ.

"ރަނގަޅު ވިއްޔާ ޑައިރެކްޓްކޮށް ގައުމީ ޓީމަށް ވެސް ނެގިގެންދާނެ. އެ ކުޅުންތެރިއާގެ ކަންކަން ހަމަޖެހިގެންދާއިރު ގްރޭޓާ މާލެ އޭރިއާ އިން ވަޒީފާ ވެސް ހަމަޖެހިގެންދާނެ ކަމަށް މި ބަލަނީ،" ރަނޭޝް ވިދާޅުވި އެވެ.

ވީއޭއެމުން އެކުލަވާލާފައިވާ އަތޮޅު މުބާރާތުގައި ކުޅުންތެރިންނަށް ކުޅެވުމުގެ އުސޫލަށް ބަލާއިރު، އަތޮޅު މުބާރާތުގައި ކުޅުންތެރިއަކަށް ކުޅެވޭނީ އެ ކުޅުންތެރިއަކު ރަޖިސްޓްރީވެފައިވާ އަތޮޅެއްގެ ރަށަކަށެވެ. އަންހެނުން ނިސްބަތްވާ ރަށް ކަމުގައި ވިޔަސް އެ ކުޅުންތެރިއަކު ރަޖިސްޓްރީވެފައި ނެތް އަތޮޅެއްގައި ނުކުޅެވޭނެ އެވެ.

އެހެން ނަމަވެސް ޒޯން މުބާރާތުގައި ކުޅުންތެރިންނަށް ފުރުސަތު އިތުރު ކުރުމާއި މުބާރާތުގެ ތެރެއިން ޓްރާންސްފާ އާއި އެހެނިހެން ފޯރި ވެސް ވަރުގަދަ ކުރުމުގެ ބޭނުމުގައި ކޮންމެ ޓީމަކަށް ވެސް އެ އަތޮޅަކަށް ނިސްބަތް ނުވާ ޒޯނަކުން އެއް ކުޅުންތެރިއަކު ޓީމުގައި ހިމެނޭނެ އެވެ. މާނަ އަކީ ޓީމުތަކުން ފުރުސަތު ލިބޭ ކުޅުންތެރިންނަށް ޒޯން ބުރުގައި ގިނަ ވެގެން ދެ ޓީމަށް ކުޅުމުގެ ޖާގަ އޮތުމެވެ. އެއް ކުޅުންތެރިއަކަށް ގިނަވެގެން ކުޅެވޭނީ ދެ ޒޯނުގަ އެވެ.

މީގެ އިތުރުން ޒޯން މުބާރާތުގައި އެ ޒޯނަކަށް ނިސްބަތްވާ ކޮންމެ ކުޅުންތެރިއަކު ވެސް ޓީމުގައި ހިމެނުމުގެ ފުރުސަތު އޮންނާނެ އެވެ. މިސާލަކަށް ޒޯން އެކެއްގެ ޗެމްޕިއަން ޓީމަށް އެ ޒޯނުގެ ކޮންމެ ރަށަކުން ވެސް ކުޅުންތެރިއަކު ނެގިދާނެ އެވެ. އެކަމަކު، އެ ޒޯނުން ބޭރުން ޖެހޭނީ އެންމެ ކުޅުންތެރިއެކެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox