އެލައިޑް އިންޝުއަރަންސް ކުންފުނީގެ އިސްލާމިކް ވިންޑޯ، އަޔާދީ ތަކާފުލް އިން ފޯރުކޮށްދެމުން އަންނަ ޓްރެވަލް ތަކާފުލްގެ ހިދުމަތަށް "ކޮވިޑް-19 ކަވާ" އިތުރުކޮށްފި އެވެ.
ދަތުރުވެރިންގެ އެކި ބޭނުންތަކަށް ފުދޭނެ ގޮތަށް ޑިޒައިންކޮށްފައިވާ ޓްރެވަލް ތަކާފުލްއަށް އިތުރުކޮށްފައިވާ ކޮވިޑް ކަވާގެ ސަބަބުން ދަތުރުވެރިންނަށް އިތުރު ރައްކާތެރިކަމެއް ކަށަވަރުވެގެން ދާނެ ކަމަށް އެލައިޑުން ބުނެ އެެެވެ.
އަލަށް ހިމަނާފައިވާ ކޮވިޑް ކަވާ އިން ބަދަލު ލިބޭ މުހިންމު ހާލަތްތަކުގެ ތެރޭގައި، ދަތުރު ތެރޭގައި ކޮވިޑަށް ޕޮޒިޓިވްވެގެން އައިސޮލޭޓް ވާން ޖެހިއްޖެނަމަ އައިސޮލޭޝަން ފެސިލިޓީއަށް ދާ ހަރަދާއި ކޮވިޑްގެ ބަލިމަޑުކަމުގެ ތެރެއިން އިމާޖެންސީ ސިއްހީ ފަރުވާ ބޭނުންވެއްޖެ ނަމަ އެކަމަށް ދާ ހަރަދު ހިމެނެ އެވެ. އަދި މީގެ އިތުރުން ކޮވިޑަށް އެކަށީގެންވާ ސިއްހީ ފަރުވާ ލިބެން ނެތް ތަނެއްގައި ދަތުވެރިޔާ ހުންނަ ހާލަތެއްގައި، މެޑިކަލް އިވެކުއޭޝަންގެ ހިދުމަތަށް ވެސް ޓްރެވަލް ތަކާފުލްގެ ކޮވިޑް ކަވާ ތެރެއިން ބަދަލު ލިބޭނެ ކަމަށް އެލައިޑުން ބުނެ އެވެ.
މިިހާރު ވެސް ދަތުރުވެރިންގެ މެދުގައި މަގުބޫލު "ޓްރެވަލް ތަކާފުލް" އަކީ ދަތުރުމަތީގައި ކުރިމަތިވާ ހުރަސްތަކަށް ލުއިކަން ހޯދައިދޭ ޕްލޭނެކެެވެ. އެގޮތުން ފައިސާ އާއި އަގުބޮޑު މުދާ އަދި ޕާސްޕޯޓް ފަަދަ މުހިންމު ލިޔެ ކިޔުންތަކަށް ލިބޭ ގެއްލުުމާއި ކުއްލިއަކަށް ބޭނުންވާ ސިއްހީ ފަރުވާތަކަށް މިޕްލޭނުން ކަވަރޭޖް ޔަގީން ކޮށްދެ އެވެ.
އެލައިޑުން ބުނި ގޮތުގައި މުޅި ދުނިޔެއަށް ކުރިމަތިވެފައިވާ ކޮރޯނާ ވައިރަހުގެ ސަބަބުން ދަތުރު ފަތުރުކުރުމުގައި ގިނަ ގުނަ ގޮންޖެހުންތަކެއް ކުރިމަތިވެފައިވާ މިދުވަސް ވަރަށް ހާއްސަ މި ޕްލޭން ޑިޒައިން ކޮށަފައިވަނީ ދަތުވެރިންނަށް ފަސޭހަކަމާއި އެކު، ބޭނުން ވަގުތަކު ހޯއްދެވޭ އޮންލައިން ހިދުމަތެއްގެ ގޮތުގަ އެވެ.
މައިއެލައިޑް.އެމްވީ ޕޯޓަލް މެދުވެރިކޮށް ޓްރެވަލް ތަކާފުލްގެ ހިދުމަތް ވަގުތުން ހޯދެއެވެ. ނުވަތަ އިތުރު މައުލޫމާތު ހޯއްދެވުމަށް 1600 އަށް ގުޅުއްވުމުން ކަސްޓަމާ ކެއާގެ އެހީތެރިކަން ލިބޭނެ ކަމަށް އެލައިޑުން ބުނެ އެެވެ.
