ކޯޓު އަމުރާ ގުޅިގެން ކޮމަންޑޫ ކައިރި ރަށްތައް ރިސޯޓު ލިސްޓުން އުނިކޮށްފި

ށ. ކޮމަންޑޫ އާއި ޖެހިގެން އޮންނަ ދިގުރަށާއި މެދުރަށާއި މައިރަށް (ކ). -- ފޮޓޯ: ގޫގްލް އާތް

ށ. ކޮމަންޑޫ އާއި ޖެހިގެން އޮންނަ ދިގުރަށާއި މެދުރަށާއި މައިރަށް (ކ). -- ފޮޓޯ: ގޫގްލް އާތް

ޓޫރިސްޓު ރިސޯޓު ތަރައްގީ ކުރަން ބީލަން ހުޅުވާލި ރަށްތަކުގެ ލިސްޓުން ށ. ދިގުރަށާއި މެދުރަށާއި މައިރަށް ޓޫރިޒަމް މިނިސްޓްރީން އިއްޔެ އުނިކޮށްފި އެވެ.

ރިސޯޓެއް ތަރައްގީކުރަން މި ތިން ރަށް އެކީ ކުއްޔަށް ދޫކުރަން ޓޫރިޒަމް މިނިސްޓްރީން އިއުލާނުކުރީ ނިމުނު ޖެނުއަރީ މަހުގެ ތެރޭގައި ކުއްލިއަކަށް ހުޅާވާލީ ކޮމަންޑޫ ދާއިރާގެ ރައްޔިތުންގެ މަޖިލީހުގެ ބައި އިލެކްޝަން ކައިރިވެފައިވަނިކޮށެވެ.

ތިން ރަށުގެ ބިމުގެ ޖާގަ އެއްކޮށްލުމުން ބޮޑު މިނުގައި 19.5 ހެކްޓަރު ހުރި މި ރަށްތަކަށް ބީލަން ހުޅުވާލީ އެކުއިޒިޝަން ކޮސްޓަށް 1.2 މިލިއަން ޑޮލަރު (18.5 މިލިއަން ރުފިޔާ) ދައްކާ ގޮތަށެވެ.

މި ރަށްތައް ކުއްޔަށް ދޫކުރަން ހުއްޓުވަން ސިވިލް ކޯޓުން ވަގުތީ އަމުރެއް އާދިއްތަ ދުވަހު ނެރުނީ ޕްރިމިއާ އިކުއިޓީ ކުންފުނީގެ ފަރާތުން އެ ކޯޓަށް ހުށަހަޅާފައިވާ މައްސަލައަކާ ގުޅިގެންނެވެ.

އެ ކުންފުނިން ސިވިލް ކޯޓުގައި ދައުވާކުރަނީ ކޮމަންޑޫ ކައިރިން ރިސޯޓު ހަދަން ދޫކުރަން އިއުލާނުކޮށްފައިވާ ތިން ރަށަކީ ދިވެހި ދައުލަތުން އެ ކުންފުންޏާ އެކީ ވެފައިވާ ސެޓްލްމަންޓް އެއްބަސްވުމެއްގެ ދަށުން ސަރުކާރުން ދޭން އެއްބަސްވެފައިވާ ރަށްތަކެއް ކަމަށް ބުނެ އެވެ.

ޕްރިމިއީ އިކުއިޓީން ބުނަނީ އެއީ, 2008 ވަނަ އަހަރު އެ ކުންފުންޏަށް ލ. ބޮޑުފިނޮޅާއި އެ އަތޮޅު ގަސްފިނޮޅު ރިސޯޓް ހަދަން ދޫކުރި ފަހުން އެ ތަނުގައި އަމިއްލަ މީހެއްގެ ބިމެއް އޮތުމުން އެ ދެ ރަށް އެ ކުންފުންޏަށް އެއްބަސްވުމާ އެއްގޮތަށް ދޫނުކުރެވުނު މައްސަލަ އެވެ.

އެ މައްސަލާގައި ބަދަލެއްގެ ގޮތުން ސަރުކާރުން މަޝްވަރާކުރީ ލ. އަތޮޅުގެ ދެ ރަށުގެ ބަދަލުގައި ށ. އަތޮޅުގެ ތިން ރަށް ދިނުމަށެވެނަމަވެސް, މިހާތަނަށް މިކަމުގައި ވަކި ގޮތެއް އޮތީ ނުނިމި އެވެ.

އެހެންވެ, ޕްރިމިއާ އިކުއިޓީ ކުންފުނިން ސިވިލް ކޯޓުގައި އެދިފައިވަނީ މައްސަލަ ނިމެންދެން ތިން ރަށް އެހެން ބަޔަކަށް ދިނުން މަޑުޖައްސައިދިނުމަށެވެ.

މި މައްސަލައިގައި ޕްރިމިއާ އިކުއިޓީ ކޮޅަށް ސިވިލް ކޯޓުން ނެރުނު އަމުރުގައި ބުނީ ރަށްތައް އެހެން ބަޔަަކަށް ކުއްޔަށް ދީފިނަމަ އެ ކުންފުންޏަށް ލިބޭ ގެއްލުން ބޮޑުވާނެ ކަމަށާއި މިކަމުގައި އެ ކުންފުންޏާއި ސަރުކާރާ ދެމެދު މަޝްވަރާކުރި ކަމުން މައްސަލާގައި ގޮތެއް ނިމެންދެން ރަށްތައް އެހެން ބަޔަކަށް ދިނުން ހުއްޓުވުމަށް ކޯޓުން ފިޔަވަޅު އަޅަން ޖެހޭ ކަމަށެވެ.

ޕްރިމިއާ އިކުއިޓީއާ އެއްކޮޅަށް ވަގުތީ އަމުރެއް ނެރުނު ނަމަވެސް، ސަރުކާރުން ވަނީ މި ރަށްތަކާ ގުޅިގެން އެއްވެސް ސެޓްލްމަންޓް އެއްބަސްވުމެއް ނޯންނާނެ ކަމަށް ބުނެފަ އެވެ.

މި ރަށްތައް ރިސޯޓު ލިސްޓުން އުނިކުރުމާ ގުޅިގެން މިހާރު އިއުލާނުކޮށްފައިވާ ބީލަމުގެ ތެރެއިން ރަށްތައް ދޫކުރެވޭނެ ކަމާ މެދު ވަނީ ސުވާލު އުފެދިފަ އެވެ. ރިސޯޓު ހަދަން ހުޅުވާލާފައިވާ ރަށްތަކަށް ބީލަން ހުށަހެޅުމުގެ ސުންގަޑި ހަމަވަނީ އަންނަ މަހު ފަހު ހަފުތާ ތެރޭގަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox