ޑޫސަން މެރިން އިންޖީނުގެ ސޭލްސް އެޖެންޓަކަށް މެރިން ޕަވާ

ޑޫސަން މެރިން އިންޖީނެއް: 160 އާއި 1،200 ހޯސްޕަވާގެ އިންޖީނު މެރިން ޕަވާއިން ވިއްކާނެ-- ފޮޓޯ މެރިން ޕަވާ

ޑޫސަން މެރިން އިންޖީނެއް: 160 އާއި 1،200 ހޯސްޕަވާގެ އިންޖީނު މެރިން ޕަވާއިން ވިއްކާނެ-- ފޮޓޯ މެރިން ޕަވާ

ޑޫސަން މެރިން އިންޖީނު ރާއްޖެ އެތެރެކޮށް ވިއްކުމަށްޓަކައި، ހިއުންޑާއި ޑޫސަން އިންފްރާކޯގެ ރާއްޖޭގެ އެޖެންޓަކަށް މެރިން ޕަވާ މޯލްޑިވްސް ހަމަޖައްސައިފި އެވެ.

ރާއްޖޭގައި އޮޑިދޯނި ފަހަރު ގެންގުޅޭ ފަރާތްތަކުގެ އިތުބާރު ލިބިފައިވާ، ޑޫސަން މެރިން އިންޖީނުގެ ރާއްޖޭގެ އޮތޮރައިޒްޑް ޑީލަރައަކަށް ޑޫސަން ކުންފުނިން މެރިން ޕަވާ މޯލްޑިވްސް ހަމަޖެއްސުމާ ގުޅިގެން އެ ބުރޭންޑުގެ މެރިން އިންޖީނާއި، އިންޖީނުތަކަށް ބޭނުންވާ ސްޕެޔަ ޕާޓްސް ރާއްޖެ ގެނެސް އެތަކެތި ފަސޭހަ ކަމާއިއެކު އެކަށީގެންވާ އަގުތަކެއްގައި ލިބޭނެ އިންތިޒާމް މިހާރު ވަނީ ހަމަޖައްސައިފަ އެވެ.

ރާއްޖޭގައި އޮޑިދޯނި ފަހަރު ގެންގުޅޭ ފަރާތްތަކުގެ އިތުބާރު ލިބިފައިވާ، ތެލުގެ ހަރަދު ކުޑަ އަދި އަގު ވެސް ނިސްބަތުން ހެޔޮ، ޑޫސަން ބުރޭންޑުގެ މެރިން އިންޖީނުތައް މިހާރުވެސް ރާއްޖޭގެ ވަރަށް ގިނަ އޮޑިދޯނި ފަހަރުގައި އަޅާފައިވެ އެވެ.

"އެންމެ ފުރަތަމަ އަޅުގަނޑުމެން އިސްކަން މިދެނީ ސްޕެއާ އަށް، މިހާރު ވެސް ސްޕެއާ ރާއްޖެއިން ނުލިބިގެން ވަރަށް ގިނަ ފަރާތްތަކުން އަޅުގަނޑުމެންގެ ފިހާރައަށް އާދޭ، ކުރިއަށް އޮތްތާގައި ސްޕެއާ ނުލިބުމުގެ ކަންތަކަށް ހައްލު ލިބިގެންދާނެ،" ސޯޅަ އަހަރު ވީ ކުންފުނީގެ ޑައިރެކްޓަރު އަހުމަދު ޝިމާލް ވިދާޅުވި އެވެ.

އޭނާ ވިދާޅުވި ގޮތުގައި ކޮރެއާގައި މީގެ 64 އަހަރު ކުރިން ފެށިގެން އުފައްދަމުން އަންނަ ޑޫސަން އިންޖީނުގެ 160 އާއި 1،200 ހޯސްޕަވާ އާ ދެމެދުގެ އިންޖީނު މިހާރުން ފެށިގެން މެރިން ޕަވާއިން ޕްރީ އޯޑަރަށް ގެނެސްދޭނެ އެވެ. އަލަށް އިންޖީނު ވިއްކަން ފެށުމުގެ ގޮތުން އިންޖީނު ގަންނަ ފަރާތްތަކަށް 10-15 ޕަސެންޓުގެ ޑިސްކައުންޓް ލިބޭ ޕްރޮމޯޝަން އެއް ވެސް މެރިން ޕަވާއިން ވަނީ ފަށައިފަ އެވެ.

މެރިން ޕަވާ މޯލްޑިވްސް އިން އައްޑޫ ސިޓީ މަރަދޫގައި ހުޅުވާފައިވާ ''މެރިން ޕަވާ މޯލްޑިވްސް އައްޑޫ'' ފިހާރައިން ވެސް ޑޫސަން އިންޖީނުގެ ސްޕެއާ ލިބެން ހުންނާނެވެ.

"އަޅުގަނޑުމެން ކުރިން ވިއްކަމުން ދިޔައީ މިޓްސުބުޝީ ބުރޭންޑުގެ 400 ހޯސްޕަވާ އިން މަތީގެ އިންޖީނުތައް، ޑޫސަން ވިއްކަން ފެށުމާއެކު ދަށް ރޭންޖުތަކުގެ އިންޖީނު ބޭނުންވާ ފަރާތްތަކަށް ހައްލު ހޯދައި ދެވުނީ، އަދި ކަސްޓަމަރުންނަށް ފަސޭހަ ކުރުމުގެ ގޮތުން ކުރިޔަށް އޮތް މަހެއް ނޫނީ ދެމަސް ތެރޭގައި ޑޫސަން އަށް ހާއްސަ ފިހާރައެއް ހުޅުވިގެންދާނެ" ޝިމާލް ވިދާޅުވި އެވެ.

ޝިމާލް ވިދާޅުވި ގޮތުގައި ޑޫސަން އިންޖީނާއި ސްޕެއާ ވިއްކުމުގެ އިތުރުން އާފްޓަސޭލްސް ސާވިސް ވެސް މެރިން ޕަވާއިން ފޯރުކޮށްދެވޭނެ އެވެ.

މިނޫނަސް އޮޑިދޯނި ފަހަރުގައި ބޭނުންކުރާ ދުނިޔޭގައި ވެސް މަޝްހޫރު ބޮޑެތި ބުރޭންޑުތަކުގެ ތެރޭގއި ހިމެނޭ މިޓްސުބްޝީ މެރިން އިންޖީނާއި، ކޯލާ މެރިން ޖަނަރޭޓަރާއި، ޑޮންގް-އައި ހުންގާނު ސިސްޓަމާއި، މަޖޯނީ ބުރޭންޑުގެ ފެންޑަރާއި، މޮމްބެޓް ބުރޭންޑުގެ ބެޓެރީ އާއި، އޮޓޯ މެރިން ބުރޭންޑުގެ ބެޓެރީ ކޭބަލް އާއި، ޕްރިސްޓާ ބުރޭންޑުގެ އަޑީ ތެލާއި، ހައިޑްރޯލިކު ތެލާއި؛ މަސްވެރިން އެންދަމަން ދިއްލާ ފައިބަ ބުރޭންޑުގެ އިޓަލީގެ ޔޫރޯ ލައިޓާއި، ރޭޑިޔަމް ބުރޭންޑުގެ ޔޫރޯ ލައިޓުގައި ބޭނުންކުރާ ބޮކި އާއި މިނޫން ވެސް ގިނަ އުފެއްދުން ތަކެއް، މެރިން ޕަވާ މޯލްޑިވްސްއިން އެތެރެކޮށް ވިއްކަ އެވެ.

ރާއްޖޭގައި އެންމެ ބާރަށް ދުވާ މަސްދޯނީގައި ބޭނުންކުރާ 1،414 ހޯސްޕަވާގެ މިޓްސުބިސީ އިންޖީނު ވެސް ފޯރުކޮށްދީފައި ވަނީ މެރިން ޕަވާރ މޯލްޑިވުސް އިންނެވެ.

ދޯނިފަހަރުގެ ހުންގާނު ސިސްޓަމްގައި އާއި އަދި ހެވީ ވެހިކަލް ތަކުގައި ބޭނުންކުރާ ހައިޑްރޯލިކް ހޮޅި ޔޫރަޕިއަން ސްޓޭންޑަޑަށް ކުރިންމްޕުކޮށް، ދޮވެ އަދި ޓެސްޓްކުރެވޭ އޮޓޯމޭޓެޑް ވޯކްޝޮޕެއްގެ ހިދުމަތް ވެސް މެރިން ޕަވާ މޯލްޑިވްސްއިން ދެމުން ގެންދެ އެވެ. މި ވޯރކްޝޮޕަކީ ޖަރުމަނު ވިލާތުގެ ޔުނިފުލެކުސް ކުންފުނިން ސަޓިފައިކޮށްފައިވާ ވޯކްޝޮޕެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox