ހުލާސާކޮށް އިއްޔެ: އެމްޑީޕީ ޗެއާޕާސަންގެ އިންތިހާބު ފޯރި ގަދަވުން

ހުލާސާކޮށް އިއްޔެ: އެމްޑީޕީ ޗެއާޕާސަންގެ އިންތިހާބު ފޯރި ގަދަވުން

އަންނަ އެޕްރީލް 16، ގައި އޮންނަ އެމްޑީޕީގެ ޗެއާޕާސަން އިންތިހާބުގައި ވާދަކުރައްވާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް އަދި މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ އިއްޔެ އިއުލާން ކުރެއްވުމާއެކު އިންތިހާބުގެ ފޯރިގަދަވެ ކެމްޕޭންތައް ވަނީ ފަށާފަ އެވެ.

އިންތިހާބުގައި ވާދަކުރާކަން އިއުލާން ކުރަމުން ފައްޔާޒު އިއްޔެ ކުރެއްވި ޓްވީޓެއްގައި ވިދާޅުވީ, އޭނާގެ އަމާޒަކީ ޕާޓީ އިތުރަށް ހަރުދަނާކޮށް އެމްޑީޕީގެ ހެޔޮ ވެރިކަން ދެމެހެއްޓުން ކަމަށެވެ. މި އިންތިހާބުގެ ސަބަބުން ޕާޓީ އިތުރަށް ހަރުދަނާވެގެންދާނެ ކަމަށް ޝައްކު ނުކުރައްވާ ކަމަށް ވެސް ވިދާޅުވި އެވެ. އޭނާ އަކީ މިވަގުތު އެމްޑީޕީ ގައުމީ މަޖިލީހުގެ ގަމު ދާއިރާގެ ރައީސް އެވެ.

"އެމްޑީޕީގެ ޗެއާޕާސަން ކަމަށް ކުރިމަތިލުމަށް އަޅުގަނޑު ނިންމައިފިން," އެމްޑީޕީގެ ދިދައެއްގެ ފޮޓޯއަކާއެކު އިމްތިޔާޒު އިއްޔެ ކުރެއްވި ޓްވީޓްގައި ވިދާޅުވެފައިވެ އެވެ.

Advertisement

މީގެކުރިން އެސްޓީއޯގެ މެނޭޖިން ޑިރެކްޓަރު ހުސައިން އަމްރު ވެސް ވަނީ އިންތިހާބުގައި ވާދަކުރައްވާނެކަން ހާމަކުރައްވާފަ އެވެ. ނަމަވެސް، އެމްޑީޕީގެ ގައުމީ މަޖިލީހުގައި މަތި ދެކުނު ޕްރޮވިންސްގެ ރައީސްކަން ވެސް ކުރައްވާ އަމްރު ވާދަނުކުރައްވާނެ ކަމަށް އޭނާގެ އަރިސް ބޭފުޅަކު ވަނީ އިއްޔެ މި ނޫހަށް ކަށަވަރު ކޮށްދީފަ އެވެ.

އިމްތިޔާޒާއި ފައްޔާޒުގެ ކެމްޕެއިން އިއްޔެ ފަށާފައިވާއިރު އެމްޑީޕީގެ އިސް ބޭފުޅުން ގެންދަވަނީ އެ ބޭފުޅުން ތާއިދު ކުރައްވާ ކެންޑިޑޭޓް ހާމަކުރައްވަމުންނެވެ.

މި ދެ ބޭފުޅުން އިންތިހާބުގައި ވާދަކުރައްވާއިރު, އިމްތިޔާޒު ފާހަގަކުރެވެނީ އެމްޑީޕީގެ ރައީސް މުހައްމަދު ނަޝީދާ ވަރަށް އަރިސް ބޭފުޅެއްގެ ގޮތުގަ އެވެ. އަނެއްކޮޅުން އިކޮނޮމިކް މިނިސްޓަރު ފައްޔާޒަކީ ރައީސް އިބްރާހިމް މުހައްމަދު ސޯލިހްގެ އެންމެ އަރިސް މިނިސްޓަރެވެ. އެހެންކަމުން, މި އިންތިހާބުގެ ފޯރިގަވާނެ އެވެ.

ޗެއާޕާސަން: އިދާރީ ގޮތުން އެންމެ ބާރުގަދަ މަގާމު

އެމްޑީޕީގެ އަސާސީ ގަވާއިދުގައިވާ ގޮތުން ޗެއާޕާސަން އަކީ ޕާޓީގެ އެތެރޭގެ ކަންކަން ރާވާ އިންތިޒާމުކޮށް ބަލަހައްޓާ އެންމެ އިސް ފަރާތެވެ. ޗެއާޕާސަންގެ މަސްއޫލިއްޔަތުތަކުގެ ތެރޭގައި ޕާޓީގެ ފަރާތުން ސަރުކާރާއި އެހެނިހެން ސިޔާސީ ފަރާތްތަކާއި މުއާމަލާތް ކުރުމާއި، އެތެރޭގެ އިންތިހާބުތައް ރާވާ އިންތިޒާމު ކުރުމާއި، ކޮންގުރެސް އާއި ގައުމީ މަޖިލީހާއި ގައުމީ ހިންގާ ކޮމިޓީގެ ރިޔާސަތު ބެލެހެއްޓުމާއި، ޕާޓީގެ އިދާރީ ކަންކަމުގެ މަސްއޫލިއްޔަތު އުފުލުން ހިމެނެ އެވެ.

މީގެ ކުރިން އެމްޑީޕީގެ ޗެއާޕާސަންކަން ކުރެއްވި ބޭފުޅުން (ތަރުތީބުން)

  1. ރައީސް މުހައްމަދު ނަޝީދު
  2. އިބްރާހިމް އިސްމާއިލް
  3. ރީކޯ މޫސާ މަނިކު
  4. މާރިޔާ އަހްމަދު ދީދީ
  5. އަލީ ވަހީދު
  6. ހަސަން ލަތީފް

މިފަހަރުގެ ޗެއާޕާސަން އިންތިހާބަށް ކުރިމަތިލުމުގެ ސުންގަޑިއަކީ ފެބްރުއަރީ 19، ގެ 16:00 އެވެ. އަދި، ކެންޑިޑޭޓުންގެ ނަންތައް ފެބްރުއަރީ 22، ގައި އެމްޑީޕީން އިއުލާން ކުރާނެ އެވެ.

ހަސަން ލަތީފްގެ ދައުރަށްފަހު އަލަށް އިންތިހާބުކުރާ ޗެއާޕާސަންގެ ދައުރުގައި ވެސް އެ ޕާޓީ އިތުރަށް ހަރުދަނާވެ ސިޔާސީ މައިދާނުގައި ވަރަށް ހަރަކާތްތެރި ޕާޓީއެއްގެ ގޮތުގައި ފެނިގެންދާނެ ކަމަށް އުންމީދުކުރާ ކަމަށް އެމްޑީޕީން މީގެކުރިން ބުނެފައިވެ އެވެ.

ބައެއް މުހިންމު ހަބަރުތައް

  • ހަނގުރާމައެއް ބޯމަތިވެފައިވާ ޔޫކްރެއިންގައި މިވަގުތު 50 އަށްވުރެ ގިނަ ދިވެހިން ދިރިއުޅެމުންދާ ކަމަށާއި އެ މީހުންގެ ހާލަތު ބަލަމުންދާ ކަމަށް ފޮރިން މިނިސްޓްރީން ބުނީ އިއްޔެ އެވެ.
  • "ބޮޑީ ވޯން ކެމެރާ" ނުވަތަ ގައިގައި ހަރުކުރާ ކެމެރާ ބޭނުންކުރަން ފުލުހުން ފެށީ އިއްޔެ އެވެ.
  • ށ. ކޮމަންޑޫ ކައިރީގައި އޮންނަ ތިން ރަށެއް ރިސޯޓް ހެދުމަށް ކުއްޔަށް ދޫކުރުން ހުއްޓުވައި ސިވިލް ކޯޓުން ވަގުތީ އަމުރެއް ނެރުނުކަން ހާމަކުރީ ވެސް އިއްޔެ އެވެ.

ދުވަހުގެ ކޯޓޭޝަން

ފުލުހުންގެ މައްޗަށް ކުރާ ދޮގު ތުހުމަތުތަކާއި އިލްޒާމް ތަކަށް ޖަވާބުދާރީވެ، ހަގީގަތް ހާމަކޮށްދިނުމުގައި އިއްޔެ ބޭނުންކުރަން ފެށި "ބޮޑީ ވޯން ކެމެރާ" އިން އެހީވާނެކަން ހާމަކުރަމުން އިއްޔެ ބޭއްވި ރަސްމިއްޔާތުގައި ހޯމް މިނިސްޓަރު އިމްރާން އަބްދުﷲ ވިދާޅުވީ:

"މީގެ ސަބަބުން އެންމެ މުހިންމު މަންފާއެއް ކުރާނީ ހާލަތާ ބައްދަލުވާ ރައްޔިތުން. އެއާއެކު ކުރިމަތިލާ އޮފިސަރަށްވެސް ރައްކާތެރިކަން ލިބޭނެ. ފުލުހުންނަށް ކުރާ ތުހުމަތު ތަކަށް ސާފު ހައްލެއް މިކަމުން ހޯދައިދޭނެ،"

ދުވަހުގެ ފޮޓޯ

އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގެ ފައިނަލުގައި ސުޕަ ޔުނައިޓެޑް ސްޕޯޓްސް (ސަސް) 1-0 އިން ބަލިކޮށް މުބާރާތުގެ ޗެމްޕިއަންކަން ފަސް ވަނަ ފަހަރަށް ކްލަބު އީގަލްސްއިން ހޯދުމަށް ތަށި އުފުލާލަނީ. އެ ޓީމުން މެޗު ކާމިޔާބުކުރީ އެއްވެސް މެޗަކުން ބަލި ނުވެ. -- ފޮޓޯ: މުހައްމަދު ޝާބިން/އަދަދު
އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގެ ފައިނަލުގައި ސުޕަ ޔުނައިޓެޑް ސްޕޯޓްސް (ސަސް) 1-0 އިން ބަލިކޮށް މުބާރާތުގެ ޗެމްޕިއަންކަން ފަސް ވަނަ ފަހަރަށް ކްލަބު އީގަލްސްއިން ހޯދުމަށް ތަށި އުފުލާލަނީ. އެ ޓީމުން މެޗު ކާމިޔާބުކުރީ އެއްވެސް މެޗަކުން ބަލި ނުވެ. -- ފޮޓޯ: މުހައްމަދު ޝާބިން/އަދަދު

އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގެ ފައިނަލުގައި ސުޕަ ޔުނައިޓެޑް ސްޕޯޓްސް (ސަސް) 1-0 އިން ބަލިކޮށް މުބާރާތުގެ ޗެމްޕިއަންކަން ފަސް ވަނަ ފަހަރަށް ކްލަބު އީގަލްސްއިން ހޯދުމަށް ތަށި އުފުލާލަނީ. އެ ޓީމުން މެޗު ކާމިޔާބުކުރީ އެއްވެސް މެޗަކުން ބަލި ނުވެ. -- ފޮޓޯ: މުހައްމަދު ޝާބިން/އަދަދު

ދިރާސާތަކުން ކިޔާލުމަށް

"ޗެލެންޖެސް އިން ލާނިން އަ ސެކަންޑް ލޭންގުއޭޖް: ވޮއިސެސް ފްރޮމް ދަ މޯލްޑިވްސް ނޭޝަނަލް ޔުނިވާސިޓީ"

އެއީ 2013 ވަނަ އަހަރު ވިލާ ކޮލެޖުން މާސްޓާސް އޮފް އެޑިއުކޭޝަނަށް ކިޔަވަމުން ދިޔަ އައިމިނަތު ނަޝީދާ ލިޔުއްވާފައިވާ ތީސިސްއެކެވެ. މި ތީސިސްގައި ވަނީ މޯލްޑިވްސް ނޭޝަނަލް ޔުނިވާސިޓީގައި ކިޔަވާ ދަރިވަރުން އެ މީހުންގެ މާދަރީ ބަސް ނޫން އެހެން ބަހެއް ދަސްކުރުމުގައި ދިމާވާ ގޮންޖެހުންތައް ދިރާސާގެ އަލީގައި ގެނެސްދީފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox