މި އަހަރުން ފެށިގެން 11 އެވޯޑެއް ދޭން ނިންމާ އެ އެވޯޑުތައް ޓޫރިޒަމް މިނިސްޓްރީން އިއުލާނު ކޮށްފި އެވެ.
ޓޫރިޒަމް ރަން އަހަރު ފާހަގަ ކުރުމުގެ ގޮތުން ދޭން ފާށާ މި އެވޯޑުތަކުގެ ތެރޭގައި ހިމެނެނީ ދިވެހި އުފެއްދުންތައް ކުރިއެރުވުމާއި ދިވެހިންނަށް ތަމްރީނާއި ވަޒީފާގެ ފުރުސަތުތައް ފަހިކޮށްދިނުމުގެ މަގުސަދުގައި ދޭ އެވޯޑު ތަކެކެވެ.
- މުވައްޒަފުންނަށް ކަންތައްތައް ފަހިކޮށް ދިނުމުން ދޭ ހަތަރު އެވޯޑު
- ދިވެހި ފަންނާނުން ކުރިއެރުވުމަށް މަސައްކަތްކުރާ ފަރާތްތަކަށް ދޭ ތިން އެވޯޑު
- ދިވެހިންނަށް ވަޒީފާ ފަހިކޮށް ދިނުމުން ދޭ އެވޯޑު
- މީހުން ބިނާކުރުމަށް ބާރު އެޅުމަށް ދޭ އެވޯޑު
- އަންހެނުންނަށް ވަޒީފާ ފަހިކޮށް ދިނުމުން ދޭ އެވޯޑު
- ދިވެހި އުފެެއްދުންތައް ބޭނުންކުރާ ފަރާތްތަކަށް ދޭ އެވޯޑު
ޓޫރިޒަމް މިނިސްޓްރީން ބުނި ގޮތުގައި ރިސޯޓް، ހޮޓާ، ގެސްޓް ހައުސް އަދި ޓޫރިސްޓު އުޅަނދު ފަހަރަަށް މި އެވޯޑު ތަކަށް ކުރިމަތި ލެވޭނެ އެވެ. މި އެވޯޑު ތަކަށް ކުރިމަތި ލާން ޖެހެނީ އެކަމަށް ޝަގުވެރިވާ ފަރާތްތަކުން އަމިއްލަ އަށެެވެ.
މި އަހަރުން ފެށިގެން ކޮންމެ އަހަރަކު ވެސް މި އެވޯޑްތަ ދެމުން ގެންދާނެ ކަމަށް ޓޫރިޒަމް މިނިސްޓްރީން ބުނެ އެވެ. އެވޯޑު ތަކަށް ކުރިމަތިލުމުގެ ފުރުސަތު ހުޅުވާލަން ނިންމާފައިވަނީ ޖޫން މަހު އެވެ.
މި އެވޯޑުތައް ތައާރަފު ކުރުމަކީ ރާއްޖޭގައި ޓޫރިޒަމް ފެށުނުތާ 50 އަހަރު ފާހަގަ ކުރުމުގެ ގޮތުން ކުރަން ނިންމާފައިވާ ކަންތައް ތަކުގެ ތެރެއިން އެއް ކަންތަކެވެ. ޓޫރިޒަމް އަހަރު ފާހަގަ ކުރަން ބޭނުންވާ ސިޓީ ތަކާއި އަތޮޅުތަކަށް ޓޫރިޒަމް މިނިސްޓްރީން ވަނީ އެ ފުރުސަތު ހުޅުވާލައިފަ އެވެ.
