ނ.ކުޑަފަރި ގޮނޑުދޮށް ހިމާޔަތް ކުރަން 15 މިލިއަން ރުފިޔާގެ ބޮޑު މަޝްރޫއެއް ސަރުކާރުން މިއަދު އެމްޓީސީސީއާ ހަވާލުކޮށްފި އެވެ.
ޕްލޭނިން މިނިސްޓްރީން އެ ދެ ރަށުގެ މަޝްރޫއު އެމްޓީސީސީއާ ހަވާލުކުރީ އެއް އަހަރެއް ވުރެ ކުރު މުއްދަތެއްގެ ތެރޭގައި ދެ ރަށުގެ ގޮނޑުދޮށް ވެސް ހިމާޔަތްކޮށް ނިންމެޖެހޭ ގޮތަށެވެ.
އެ މަޝްރޫއަށް ވެސް ސަރުކާރުން ހަރަދުކުރަނީ ގްރީން ފަންޑުން ލިބޭ ފައިސާއިންނެވެ. މި ފަންޑަކީ ރާއްޖެއަށް އަންނަ ކޮންމެ ޓޫރިސްޓެއްގެ އަތުން ނަގާ ގްރީން ޓެކުހުން ހިންގާ ފަންޑެކެވެ.
ނ.ކުޑަފަރި ގޮނޑުދޮށް ހިމާޔަތްކުރުމުގެ މަޝްރޫއު
އަގު: 15،011،223.92 ރ.
މުއްދަތު: 300 ދުވަސް
ކުރެވޭ މަސައްކަތްތައް: ރަށުގެ އުތުރު ފަރާތުގައި 100 މީޓަރުގެ، އަދި ދެކުނު ފަރާތުގައި 618 މީޓަރުގެ ޖިއޯބޭގް ރިވެޓްމަންޓް ގާއިމުކޮށް ބީޗް ގާއިމުކޮށް ބީޗް ރިޕްލެނިޝްކުރުން (ވެލި އަޅިއިގެން ގޮނޑުދޮށް ފެށޭ ހިސާބު ނުވަތަ ޝޯލައިން ބޮޑުކުރުން)
އެރަށަކީ ތިމާވެށީގެ ބޮޑެތި މައްސަލަތަކެއް ދިމާވެފައިވާ ރަށެކެވެ. ދެކުނު ފުއްޓަރުގެ ބޮޑު ބައެއް ގިރި، ހޭޅި ފަށުގައި ހުރި ބައެއް ގަސްތައްވެސް ބިމުން ލުހިފައިވާ ފޮޓޯތަކާއި ވީޑިޔޯތައް މީގެ ދެ އަހަރު ކުރިންވެސް މީސް މީޑިޔާގައި ދައުރި ވިއެވެ.
އެރަށުގެ ފިރިހެނުން އާއްމު ގޮތެއްގައި ކުރަނީ ފަތުރުވެރިކަމުގެ ދާއިރާގެ މަސައްކަތްތަކެވެ. ރަށުގައި ގެސްޓްހައުސްގެ ވިޔަފާރި ކުރުމަށްވެސް މިރަށުގެ ރައްޔިތުން ދަނީ މަސައްކަތް ކުރަމުންނެވެ. އެ ރަށަކީ މަސްވެރިރަށެއް ނޫނެވެ. އެހެންނަމަވެސް ފަރުމަހުގެ މަސްވެރިކަން ކުރާ ކުދި ދޯނިފަހަރު އެ ރަށުގައި ގެންގުޅެ އެވެ.
