އުންމީދުކުރި ވަރަށް ވުރެ ރަނގަޅަށް ޓީމުން ކުޅުނު: ކުޑަކާއްޓޭ

ގައުމީ ވޮލީ ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓެ).-- ފޮޓޯ: މުހައްމަދު ޝާބިން/ އަދަދު

ގައުމީ ވޮލީ ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓެ).-- ފޮޓޯ: މުހައްމަދު ޝާބިން/ އަދަދު

ހަ އަހަރުގެ ތެރޭގައި ފުރަތަމަ ފަހަރަށް ބަންގްލަދޭޝް އަތުން ރާއްޖޭގެ ގައުމީ ޓީމުން ރޭ މޮޅުވިއިރު، އެ މެޗުގައި ރާއްޖޭން އުންމީދުކުރި ވަރަށް ވުރެ މޮޅު ކުޅުމެއް ދެއްކި ކަމަށް ގައުމީ ފިރިހެން ވޮލީބޯޅަ ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓޭ) ބުނެފި އެވެ.

ޒުވާނުންގެ މަރުކަޒު އެތެރެކޯޓުގައި ރޭ ބަންގްލަދޭޝާ ދެކޮޅަށް ރާއްޖޭން ނުކުތީ ފަނަރަ ވަރަކަށް ޕްރެކްޓިހަށް ފަހުގަ އެވެ. މުޅި ޓީމު އެއްކޮށް ޕްރެކްޓިސްތައް ބޭއްވުނީ ވަރަށް މަދުންނެވެ. ކުޑަކާއްޓެ އާއި އާދަމް ނަސީމް (އެޑަމް) ޓީމާ ގުޅުނީ ދެ ދުވަހެއް ކުރިންނެވެ. އެކަމަކު ޖުމްލަކޮށް ބަލާއިރު، ޓީމުގެ ރޫހު ފެނުނީ ރަނގަޅަށެވެ. މީގެ އިތުރުން ގައުމީ ވޮލީ ޓީމުން ރޭގެ މެޗު ކުޅުނީ އާއިލީ ކަމެއްގައި މި ވަގުތު ޓީމާ ދުރުގައި ތިބި ސެޓަރު ހުސެއިން ވިޝާމް (ބުޅިކެ) އާއި ސްޕައިކަރު، ހަސަން ނިލާމް (ޕާޓޭ) ނެތި އެވެ.

Advertisement

ރޭގެ މެޗުގެ ފުރަތަމަ ސެޓު 25-22 އިން ބަންގްލަދޭޝް އިން ހޯދާފައިވަނިކޮށް ޖެހިގެން އައި ތިން ސެޓު 19-25، 20-25 އަދި 22-25 އިން ހޯދައިގެން ރާއްޖޭން ވަނީ މެޗު ކާމިޔާބުކޮށްފަ އެވެ. މިއީ 2016 ގައި އިންޑިއާގެ ގުވަހާޓީގައި ކުރިއަށްދިޔަ ސައުތު އޭޝިއަން ގޭމްސްގެ ފަހުން ރާއްޖެ އިން ބަންގްލަދޭޝްގެ މައްޗަށް ކުރި ހޯދި ފުރަތަމަ މެޗެވެ.

ރޭގެ މެޗަށް ފަހު ވާހަކަދައްކަމުން ކުޑަކާއްޓޭ ބުނީ އާންމު ގޮތެއްގައި ފުރަތަމަ ހައެއްގައި ކުޅޭ ކުޅުންތެރިންތަކެއް ނުލައި ވެސް ރާއްޖޭން މި ދެއްކި ކުޅުން ފާހަގަކުރަން ޖެހޭ ކަމަށެވެ. ޓީމުގެ ހުރިހާ ކުޅުންތެރިން އެއްކޮށް އެންމެ ދެ ދުވަހު ޕްރެކްޓިސް ކުރުމަށް ފަހު ބަންގްލަދޭޝް ކަހަލަ ޓީމެއް އަތުން މޮޅުވުމަކީ ބޮޑު ހިތްހަމަޖެހުމެއް ކަމަށް ކުޑަކާއްޓެ ވަނީ ބުނެފަ އެވެ.

"އުންމީދު ކުރި ވަރަށް ވުރެ ވެސް މާ ރަނގަޅު ނަތީޖާއެއް މި ނިކުތީ. މުހިންމު ދެ ކުޅުންތެރިން ނުލައި މި ކުޅުނީ، އެހެންވީމަ ވަރަށް ރަނގަޅޭ ބުނެވޭނީ. އަސްލު މަދު ޕްރެކްޓިސްތަކަކަށް ފަހު މި މެޗަށް ނިކުމެ އެންމެން ކުރި މަސައްކަތުގެ ނަތީޖާއޭ ބުނެވޭނީ މިއީ،" ކުޑަކާއްޓެ ބުންޏެވެ.

ރޭގެ މެޗަކީ ބަންގްލަދޭޝްއާ ދެކޮޅަށް މާލޭގައި ރާއްޖޭން ކުޅެން އޮތް އެކުވެރިކަމުގެ މެޗުތަކުގެ ސިލްސިލާތަކުގެ ފުރަތަމަ ދެ މެޗެވެ. ދެން އޮތް ދެ މެޗު އޮތީ މާދަމާރެޔާއި ހުކުރު ދުވަހުގެ ރޭގަ އެވެ.

ކުޑަކާއްޓޭ ބުނީ ފުރަތަމަ މެޗުގެ ނަތީޖާ ނުކުތް ގޮތުން ކުރިއަށް އޮތް ދެ މެޗަށް ބަންގްލަދޭޝް ވަރަށް ބޮޑަށް ތައްޔާރުވާނެ ކަމަށެވެ. އެހެންވެ، ރާއްޖޭގެ ޓީމުން ވެސް އެ ކަމަށް ވިސްނައި، ސަމާލުކަން ދޭނެ ކަމަށް ކުޑަކާއްޓޭ ވަނީ ބުނެފަ އެވެ. އަދި ޓާގެޓަކީ ދެން އޮތް ދެ މެޗު ވެސް ރަނގަޅު ނަތީޖާއަކުން ނިންމައި، ކާމިޔާބު ހޯދުން ކަމަށް އޭނާ ވަނީ ބުނެފަ އެވެ.

ރޭގެ މެޗުގައި ގެއްލުނު ޕޮއިންޓްތަކަށް ބަލާއިރު، ރާއްޖޭގެ ސެޓަރު ހުސެއިން ޝާހިދު (ޝާޑު) އިސްކޮޅުން ކުރުވުމުން އެ ތަނަށް ޓާގެޓްކޮށްގެން ބަންގްލަދޭޝް އިން އެޓޭކްތަކެއް ކުރި އެެވެ. އެ ކަމަށް ސަމާލުވެގެން ރާއްޖޭން ރަނގަޅަށް ޑިފެންސްކުރި ކަމަށް ކުޑަކާއްޓެ ވަނީ ބުނެފަ އެވެ.

"ދެން އިން ދެ މެޗު މާ ޓަފްވާނެހެން (އުނދަގޫވާނެ ހެން) ހީވަނީ. އެއީ ބަންގްލަދޭޝް އިން ވަރަށް ތައްޔާރުވާނެ. އެކަމަކު ވެސް އަޅުގަނޑުމެންގެ އަމާޒަކީ ހަމަ ދެ މެޗު ވެސް ކާމިޔާބުކުރުން،" 2016 ވަނަ އަހަރު ބަންގްލަދޭޝް އަތުން މޮޅުވި މެޗުގައި ވެސް މޮޅު ކުޅުމެއް ދެއްކި ކުޑަކާއްޓެ ބުންޏެވެ.

ލީޑް ނުހިފެހެއްޓީ ފަސޭހަ ޕޮއިންޓްތަކެއް އަތުން ގެއްލެނީ ޕްރެޝަރުގެ ސަބަބުންތޯ އެހުމުން ކުޑަކާއްޓޭ ބުނީ އަމިއްލަ ގައުމުގައި ބަންގްލަދޭޝް އަތުން ބަލިވެދާނެތީ ޕްރެޝަރެއް އޮތުމަށް ވުރެ ރޭގެ މެޗުން މޮޅުވެވޭނެކަމުގެ އިތުބާރު ބޮޑުކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox