43 ޕަސެންޓް ކުރިއެެރުމަކާއެކު، ރަޝިޔާ މާކެޓް އެންމެ ކުރިއަށް

ޓޫރިސްޓަކު ހުޅުމާލޭގައި ކަނދެއް ކަނބަނީ: މިދިޔަ މަހު އެންމެ ގިނަ ޓޫރިސްޓުން އައީ ރަޝިޔާ އިން-- އަދަދު ފައިލް ފޮޓޯ

ޓޫރިސްޓަކު ހުޅުމާލޭގައި ކަނދެއް ކަނބަނީ: މިދިޔަ މަހު އެންމެ ގިނަ ޓޫރިސްޓުން އައީ ރަޝިޔާ އިން-- އަދަދު ފައިލް ފޮޓޯ

ދެހާސް އެކާސްވީނަ އަހަރުގެ ޖެނުއަރީ މަހު ރާއްޖެ އައި ޓޫރިސްޓުންގެ އަދަދަށްވުރެ މިދިޔަ ޖެނުއަރީ މަހު އައި ޓޫރިސްޓުންގެ އަދަދު 43 ޕަސެންޓް އިތުރުވެ، ރާއްޖެ އަށް އެންމެ ގިނައިން ޓޫރިސްޓުން ފޮނުވި ގައުމަކަށް ރަޝިޔާ ވެއްޖެ އެވެ.

ޓޫރިޒަމް މިނިސްޓްރީން މިއަދު އާންމު ކުރި ތަފާސްހިސާބުތަކުން ދައްކާ ގޮތުގައި 2021 ވަނަ އަހަރުގެ ޖެނުއަރީ މަހު ރާއްޖެ އައިސްފައިވަނީ 92,103 ޓޫރިސްޓުންނެވެ. މިިދިޔަ މަހު 131,764 ޓޫރިސްޓުން އައިސްފައިވެ އެވެެ.

ކުރީ އަހަރުގެ ޖެނުއަރީ މަހަށްވުރެ މިދިޔަ މަހު އައި ޓޫރިސްޓުން އިތުރުވެފައިވީ ނަމަވެސް، ކޮވިޑް-19 އާ ކުރިމަތިލާން ޖެހުމުގެ ކުރިން 2020 ވަނަ އަހަރުގެ ޖެނުއަރީ މަހު 173,347 ޓޫރިސްޓުން ރާއްޖެ އައިސްފައިވެ އެވެ.

Advertisement

ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާ ގޮތުގައި ކޮވިޑަށް ފަހު ރާއްޖޭގައި ޓޫރިސްޓުން ޗުއްޓީ ހޭދަކުރާ މުއްދަަތަށް ވަނީ ވަރަށް ބޮޑު ހެޔޮ ބަދަލެއް އައިސްފަ އެވެ. ކޮވިޑްގެ ކުރިން 2019 ވަނަ އަހަރު ޓޫރިސްޓުން ރާއްޖޭގައި ހޭދަކުރީ އެވަރެޖްކޮށް، 6.3 ރެ އެވެ. ދެހާސް ވިހި ވަނަ އަހަރު އެ ނިސްބަތް 7.2 ރެއަށް އެރިއިރު، މިދިޔަ އަހަރު ހުރީ 8.7 ގަ އެވެ. މި އަހަރުގެ މިހާތަނަށް އެވަރެޖްކޮށް ނުވަ ރޭ ޓޫރިސްޓުން ރާއްޖޭގައި ހޭދަކޮށްފައިވާ ކަމަށް ތަފާސް ހިސާބުތަކުން ދައްކަ އެވެ.

ކޮވިޑްގެ ހާލަތަށްފަހު، ރާއްޖެ އަށް އެންމެ ގިނައިން ޓޫރިސްޓުން އަންނަ މާކެޓްތަކަށް ވަނީ ބޮޑެތި ބަދަލުތަކެއް އައިސްފަ އެވެ. ކޮވިޑްގެ ކުރިން ރާއްޖެ އަށް އެންމެ ގިނައިން ޓޫރިސްޓުން އަންނަމުން ދިޔައީ ޗައިނާ އިންނެވެ. ކޮވިޑަށްފަހު ރާއްޖެ ހުޅުވާލުމުން މިދިޔަ އަހަރު ރާއްޖެ އަށް އެންމެ ގިނައިން ޓޫރިސްޓުން އައިސްފައި ވަނީ އަވަށްޓެރި އިންޑިޔާ އިންނެވެ. މިދިޔަ އަހަރު ރާއްޖެ އައި 1.3 މިލިއަން ޓޫރިސްޓުންގެ 22 ޕަސެންޓް ހިއްސާކުރީ އިންޑިޔާ އެވެެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުގައި މި އަހަރުގެ މިހާތަނަށް އެންމެ ގިނައިން ޓޫރިސްޓުން އައިސްފައި ވަނީ، ކޮވިޑްގެ ކުރިން ހަވަނާގައި އޮތް ރަޝިޔާ އިން ނެވެ. މި މަހުގެ ދެ ވަނަ ދުވަހުގެ ނިޔަލަށް 24,464 ޓޫރިސްޓުން ރަޝިޔާ އިން އައިސްފައި ވާއިރު އެއީ އެ މުއްދަތުގެ ނިޔަލަށް އައި ޖުމްލަ ޓޫރިސްޓުންގެ 17.5 ޕަސެންޓެވެ.

ރާއްޖެ އައި ޖުމްލަ ޓޫރިސްޓުންގެ 10 ޕަސެންޓް ހިއްސާކޮށްގެން ދެ ވަނާގައި އިނގިރޭސިލާތް މި ވަގުތު އޮތްއިރު އަށް ޕަސެންޓް ހިއްސާ ކޮށްގެން ތިން ވަނާގައި އޮތީ އިންޑިޔާ އެެވެ.

ރާއްޖެއަށް އެންމެ ގިނައިން ޓޫރިސްޓުން ފޮނުވަމުން ދިޔަ ޗައިނާގެ ޓޫރިސްޓުން، ކޮވިޑްގެ ސަބަބުން ރާއްޖެ އައުން ހުއްޓިފައިވާއިރު، ރާއްޖެ އަށް އެންމެ ގިނައިން ޓޫރިސްޓުން ފޮނުވާ ގައުމުތަކުގެ ތެރޭގައި ޔޫކްރޭން، އެމެރިކާ އަދި ސައުދީ އަރަބިއްޔާ ވަނީ ހިމެނިފަ އެވެ.

ސަރުކާރުން އަންދާޒާކޮށްފައިވާ ގޮތުގައި ރާއްޖޭގެ ޓޫރިޒަމަށް 50 އަހަރު ފުރޭ މި އަހަރު، 1.6 ޓޫރިސްޓުން ރާއްޖެ އަށް ޒިޔާރަތް ކުރާނެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox