ވޮޝިންޓަން، އެމެރިކާ (ފެބްރުއަރީ 3) - ކޮވިޑް ވެކްސިން ޖަހަން ދެކޮޅު ހަދާ ސިފައިން ވަޒީފާއިން ވަކިކުރާނެ ކަމަށް އެމެރިކާގެ އަސްކަރިއްޔާއިން ބުނެފި އެވެ.
އަސްކަރިއްޔާއިން ބުނީ ވެކްސިން ޖަހަން ދެކޮޅު ހަދާ ސިފައިން "ހިދުމަތުން ވަކިކުރުމުގެ މަސައްކަތް ވަގުތުން ފަށާނެ" ކަމަށެވެ.
"އަސްކަރިއްޔާ ފުރިހަމަ ވަނީ ބިނާވަނީ ތަމްރީންވެ، ހަނގުރާމައަށް ގޮސް، މޮޅުވާން ތައްޔާރަށް ތިބި ސިފައިންނާ އެކު،" އަސްކަރިއްޔާގެ ސެކެޓްރީ ކްރިސްޓީން ވޯމުތް ވިދާޅުވި އެވެ.
"ވެކްސިން ނުޖަހާ ސިފައިންގެ ސަބަބުން މުޅި ފައުޖު ނުރައްކަލެއް ހުށަހެޅި، އަސްކަރިއްޔާ ފުރިހަމަ ވާން ހުރަސް އެޅޭ."
ޖެނުއަރީ 26 ވަނަ ދުވަހާ ހަމައަށް ސިފައިންގެ 96 ޕަސެންޓް މީހުން ވަނީ ވެކްސިން ފުރިހަމަކޮށްފަ އެވެ. ވެކްސިން ޖަހަން ދެކޮޅު ހެދީ 3،350 ސިފައިންގެ މީހުންނެވެ.
ވެކްސިން ނުޖެހިޔަސް މައްސަލައެއް ނެތް ކަމަށް ވަގުތީ ހުއްދައެއް ލިބިފައި ވަނީ 5،900 ސިފައިންނަށެވެ.
"މިއަދާ ހަމައަށް ސިފައިންގެ ހަ މީހަކު ވަކިކޮށްފައިވޭ. އޭގެ ތެރޭގައި ހަނގުރާމައިގެ ދެ ކޮމާންޑަރުން ވެސް ހިމެނޭ. ވެކްސިން ޖަހަން ދެކޮޅު ހަދާ އިތުރު 3،073 ސިފައިންނަށް ލިޔުމުން އިންޒާރު ވަނީ ފޮނުވާފައި،" މިދިޔަ މަހު އަސްކަރިއްޔާއިން ބުންޏެވެ.
އެމެރިކާގެ ސިފައިން ކޮވިޑް ވެކްސިން ޖަހަން މަޖުބޫރު ކަމަށް ޕެންޓަގަން އިން އެންގީ މިދިޔަ ޖުލައި މަހު އެވެ.
