ތޫނުއެއްޗަކުން ހަމަލާދީ އަންހެނަކު ޒަހަމްކޮށްލި ކަމުގެ ތުހުމަތުގައި އޭނާގެ ފިރިމީހާ ހައްޔަރު ކޮށްފި އެވެ.
އިންޑިއާއަށް ނިސްބަތްވާ ދެމަފިރިންނަ ށްވެސް ވެސް އެކި ވަރުގެ އަނިޔާވެފައި ވާއިރު ބޮޑަށް ޒަހަމްވެފައި ވަނީ އަންހެން މީހާއަށެވެ.
ފުލުހުން ބުނީ އެ މައްސަލައިގެ ތުހުމަތުގައި ހައްޔަރު ކޮށްފައިވަނީ 37 އަހަރުގެ އިންޑިއާ ފިރިހެނެއް ކަމަށެވެ.
އަނިޔާ ލިބުނު އަންހެންމީހާ ގެއިން ނެރެ ހޮސްޕިޓަލަށް ގެންދާ ވީޑިއޯއެެއް ސޯޝަލް މީޑިއާގައި ވަނީ އަންމުވެފަ އެވެ. އެ ވީޑިއޯއިން ފެންނަ ގޮތުގައި ތޫނު އެއްޗަކުން ހަމަލާދިނުމުގެ ސަބަބުން އަންހެން މީހާ ވަނީ ވަރަށް ބޮޑަށް ޒަހަމްވެފަ އެވެ.
ގިނަ އަދަދެއްގެ ލޭ އޭނާގެ ހެދުމުގައި ހުއްޓެވެ. މައުލޫމާތު ލިބިފައިވާ ގޮތުގައި ވަޅިއަކުން އަންހެން މީހާއަށް ހަމަލާދީފައިވަނީ އެމީހާގެ ޖިންސީ ގުނަވަން ކައިރިއަށެވެ.
ފުލުހުންގެ ތަފާސްހިސާބުތަކުން ދައްކާ ގޮތުގައި މިދިޔަ މަހު ގެވެށި އަނިޔާގެ 23 މައްސަލައެއް ހުށަހަޅާފައިވެ އެވެ.
