އާސެނަލުން ދޫކޮށްލުމުން އޮބަމާޔަން ހިލޭ ޓްރާންސްފާއެއްގައި ބާސެލޯނާ އަށް ސޮއިކޮށްފި

Feb 1, 2022, 4:57 AM
އާސެނަލުން ދޫކޮށްލުމުން އޮބަމާޔަން ހިލޭ ޓްރާންސްފާއެއްގައި ބާސެލޯނާ އަށް ސޮއިކޮށްފި

ބާސެލޯނާ (ފެބްރުއަރީ 1) - އާސެނަލުން ޕިއޭ އެމެރިކް އޮބާމަޔަންގެ ކޮންޓްރެކްޓް އުވާލުމުން ހިލޭ ޓްރާންސްފާއެއްގައި އޭނާ ބާސެލޯނާ އަށް ސޮއިކޮށްފި އެވެ.

އުމުރުން 32 އަހަރުގެ އޮބާމަޔަން ބާސެލޯނާ އަށް ބަދަލުވުމަށް އިއްޔެ ޕްރައިވެޓް ޖެޓެއްގައި ސްޕެއިނަށް ދިޔައިރު، އާސެނަލާއި ބާސެލޯނާ އިން މި ޓްރާންސްފާއާ މެދު ތިބީ ގޮތެއް ނުނިންމިފަ އެވެ. އެއީ އާސެނަލްގެ ލޯން އެއްބަސްވުމަކުން އޮބާމަޔަން ބާސެލޯނާ އަށް ބަދަލުވެއްޖެނަމަ އޭނާގެ މުސާރަ ދޭން އެއްބަސްވާނެ ގޮތަކާ މެދު ދެ ކްލަބަށް ހައްލެއް ނުހޯދިގެންނެވެ. އެހެންވެ، މި ޓްރާންސްފާ ނުހިނގާނެ ކަމަށް ބެލެވުނު ވަގުތުތަކެއް ވެސް ދިޔަ އެވެ.

އެކަމަކު، ފަހު ވަގުތު އާސެނަލުން ނިންމީ އޮބާމަޔަންގެ ކޮންޓްރެކްޓްގައި ބާކީ 18 މަސް ދުވަސް އޮއްވައި، އެ އެއްބަސްވުން އުވާލުމަށެވެ. އެ ގޮތަށް އާސެނަލުން ނިންމުމާ އެކު އޮބާމަޔަން ވަނީ ހިލޭ ޓްރާންސްފާއެއްގައި ރޭ ބާސެލޯނާ އަށް ސޮއިކޮށްފަ އެވެ. އޮބާމަޔަންގެ ކޮންޓްރެކްޓް އުވާލުމުން އާސެނަލަށް މުސާރައިގެ ގޮތުގައި އޭނާ އަށް ދޭން އޮތް 30 މިލިއަން ޑޮލަރު ސަލާމަތްކުރެވޭނެ އެވެ.

Advertisement

އޮބާމަޔަން ބާސެލޯނާ އަށް ސޮއިކުރީ އާސެނަލުން ލިބެމުން އައި މުސާރަ އަށް ވުރެ 40 ޕަސެންޓް ކުޑަ އަދަަދަކަށެވެ. ކުރިން ބެލެވިފައި އޮތީ އޮބާމަޔަން އަށް ބޮޑު މުސާރަ އަކަށް ބާސެލޯނާ އަށް ބަދަލުވެވެން އޮތީ އޮސްމާން ޑެމްބެލޭ މި ފަހަރުގެ ޓްރާންސްފާގައި ބާސެލޯނާ ދޫކޮށްލައިފިނަމަ އެވެ. އެކަމަކު، ޑެމްބެލޭ ގަންނަން އެއްވެސް ކްލަބަކުން ބޮޑު މުސާރައެއް ނުދޭތީ އޭނާ ވަނީ ބާސެލޯނާގައި މަޑުކޮށްފަ އެވެ. އެހެންވެ، އޮބާމަޔަން ކުޑަ މުސާރަ އަކަށް ބާސެލޯނާއާ ގުޅެން އެއްބަސްވީ އެވެ.

މިހާރު ކުރިއަށްދާ އެފްރިކަން ކަޕް އޮފް ނޭޝަންސް (އެފްކޮން) މުބާރާތުގެ ތެރެއިން ގެބޮންގެ ފޯވާޑް އޮބާމަޔަން އަވަހަށް ކްލަބަށް ފޮނުވާލީ އޭނާގެ ސިއްހީ މައްސަލަތަކެއް ފާހަގަކުރެވިގެންނެވެ. އެކަމަކު، އޮބާމަޔަން ކްލަބަށް ފޮނުވާލި ނަމަވެސް އޭނާ ހުރީ އާސެނަލްގެ ކެޕްޓަން ބޭންޑް އަތުލައި، އެ ކްލަބްގެ ހަރަކާތްތަކުން ޑިސެމްބަރު މަހުގެ ކުރީކޮޅުން ފެށިގެން ދުރުކޮށްފަ އެވެ. އެއީ ކޮވިޑްގެ ދުވަސްވަރު އާސެނަލް އިން އަމަލުކުރަމުން އައި ގަވާއިދުތަކަށް ތަކުރާރުކޮށް ހިލާފުވުމުންނެވެ.

ޖަރުމަނުގެ ބޮރޫޝިއާ ޑޯޓްމަންޑް ދޫކޮށް 2018 ވަނަ އަހަރުގެ އޮބާމަޔަން އާސެނަލާ ގުޅުނީ 64 މިލިއަން ޑޮލަރުގެ ޓްރާންސްފާ ފީ އަކަށެވެ. އާސެނަލަށް ކުޅެދިން 163 މެޗުން 92 ގޯލު ޖެހި އޮބާމަޔަން މި ސީޒަން ފެއްޓީ ރަނގަޅު ފޯމެއްގަ އެވެ. މި ސީޒަނުގައި އާސެނަލުން ކުޅުނު 15 މެޗުން ހަތް ގޯލު ޖެހި އެވެ. އެކަމަކު، އަހުލާގީ މައްސަލައިގެ ސަބަބުން ޓީމުން ބާކީކޮށްފައި ހުރުމަށް ފަހު މިހާރު މި ވަނީ ކްލަބް ވެސް ދޫކޮށްލައިފަ އެވެ.

އޮބާމަޔަން ހޯދަން ބާސެލޯނާ އިން ކުރި މަސައްކަތުގައި އެންމެ އިސްކޮށް ހަރަކާތްތެރިވީ އެ ކްލަބްގެ ރައީސް ޖޮއާން ލަޕޯޓާ އެވެ. ޖެނުއަރީ މަހުގެ ޓްރާންސް ނިމުމުގެ ކުރިން އިތުރު ފޯވާޑެއް ހޯދަން ބާސެލޯނާގެ ކޯޗު ޒަވީ ހެނާންޑޭޒް އެދުނު ގޮތަށް ލަޕޯޓާ މި ވަނީ އޮބާމަޔަންގެ ސޮއި ހޯދައިދީފަ އެވެ. ބާސެލޯނާ އިން ފުރަތަމަ ބެލީ ޔުވެންޓަސް އަށް ކުޅެމުން އަންނަ އަލްވާރޯ މޮރާޓާ ލިބޭތޯ އެވެ. އެކަމަކު، އެކަން ކާމިޔާބެއްނުވެ، އޮބާމަޔަންގެ ޑީލުން ފަރުޖައްސާލީ އެވެ.

އާސެނަލުން ޖެނުއަރީ މަހުގެ ޓްރާންސްފާ މާކެޓްގައި ގެންނަން އެންމެ ބޮޑަށް ފާރަލީ ސާބިއާގެ ފޯވާޑް ޑޫސާން ވްލަހޮވިޗް އެވެ. އޭނާ ވަނީ އާސެނަލްގެ ހުށަހެޅުމަށް ނޫނެކޭ ބުނެ، ފިއޮރެންޓީނާ ދޫކޮށް ޔުވެންޓަސް އަށް ސޮއިކޮށްފަ އެވެ.

އޮބާމަޔަން، ޓްރާންސްފާގެ ފަހު ދުވަހު އާސެނަލް ދޫކޮށްލުމުން އެ ޓީމުން ސީޒަންގެ ފަހު ބަޔާ ކުރިމަތިލާން ޖެހިފައި މިވަނީ ދެ ސީނިއާ ސްޓްރައިކަރުން ގޮވައިގެންނެވެ. އެއީ އަލެކްސަންޑަ ލަކަޒޭޓާއި އެޑީ އެންކެޓިއޭ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox