އިންޑިއާ އައުޓް ކެމްޕެއިނުގައި ޝަހީދު ހުސެއިންގެ ފޮޓޯ ބޭނުން ކުރުމުން ޕީޕީއެމަށް ފާޑުކިޔުން އަމާޒުވެއްޖެ

އިދިކޮޅު ޕީޕީއެމުން ފުވައްމުލަކުގައި ކުރިއަށްގެންދިޔަ ހަރަކާތެއްގެ ތެރެއިން ޝަހީދު ހުސެއިން އާދަމްގެ ފޮޓޯ ޖެހި ކެމްޕެއިން ޕޯސްޓަރެއް ފާރެއްގައި ހިއްޕަނީ؛ ކުޅުދުއްފުށި ސިޓީގެ ކައުންސިލުން ވަނީ މިކަން ވަރަށް ބޮޑަށް ކުށްވެރިކޮށް ވާހަކަ ދައްކައިފަ -- ފޮޓޯ: ސޯޝަލް މީޑިއާ

އިދިކޮޅު ޕީޕީއެމުން ފުވައްމުލަކުގައި ކުރިއަށްގެންދިޔަ ހަރަކާތެއްގެ ތެރެއިން ޝަހީދު ހުސެއިން އާދަމްގެ ފޮޓޯ ޖެހި ކެމްޕެއިން ޕޯސްޓަރެއް ފާރެއްގައި ހިއްޕަނީ؛ ކުޅުދުއްފުށި ސިޓީގެ ކައުންސިލުން ވަނީ މިކަން ވަރަށް ބޮޑަށް ކުށްވެރިކޮށް ވާހަކަ ދައްކައިފަ -- ފޮޓޯ: ސޯޝަލް މީޑިއާ

ނޮވެމްބަރު 3، 1988 ގައި ޓެރަރިސްޓުން ރާއްޖެ ހިފަން ދިން ހަމަލާގައި ޝަހީދުވި ޕްރައިވެޓް ހުސެއިން އާދަމްގެ ފޮޓޯ، އިދިކޮޅު ޕްރޮގްރެސިވް ޕާޓީ އޮފް މޯލްޑިވްސްގެ ފަރާތުން ރާއްޖޭގެ އެކި ހިސާބުތަކުގައި ކުރިއަށްގެންދާ "އިންޑިއާ އައުޓް" ކެމްޕެއިނުގައި ބޭނުން ކުރާތީ އެ ޕާޓީއަށް ފާޑުކިޔުން އަމާޒުވެއްޖެ އެވެ.

އިންޑިއާގެ ސިފައިން ރާއްޖޭގައި ތިބޭ ކަމަށް ބުނެ ޕީޕީއެމްގެ ލީޑަރު އަދި ކުރީގެ ރައީސް އަބްދުﷲ ޔާމީން އިސްވެ ހުންނަވާ ކުރިއަށްގެންދާ އިންޑިއާ އައުޓް ކެމްޕެއިނުގައި ހދ. ކުޅުދުއްފުއްޓަށް ނިސްބަތްވެވަޑައިގަންނަވާ ޝަހީދު ހުސެއިން އާދަމްގެ ފޮޓޯ ބޭނުންކޮށްފައި ވަނީ ފުވައްމަލުކު ސިޓީގަ އެވެ.

"މިހާރު އެ ކުޅެވެނީ އަޅުގަނޑުމެންގެ ލެޔާ. ވަކި ގައުމަކާ ދެކޮޅު ހާރިޖީ ސިޔާސަތެއް ޕްރޮމޯޓް ކުރަމުންގެންދާ ޕާޓީއެއް ޕީޕީއެމްއަކީ. އެފަދަ ކެމްޕެއިނެއްގައި އަޅުގަނޑުމެންގެ ކުޅުދުއްފުށީގެ ފަހުރެއް ކަމުގައިވާ މި ރަށު މާވާގޭ ޝަހީދު ހުސެއިން އާދަމްގެ ފޮޓޯ އެގޮތަށް ބޭނުން ކުރެވިގެންނުވާނެ ކަމަށް އަޅުގަނޑުމެން ދެކެނީ،" ކުޅުދުއްފުށީ ކައުންސިލުގެ މޭޔަރު މުހައްމަދު އާތިފް މި ނޫހާ ވާހަކަ ދައްކަވަމުން ވިދާޅުވި އެވެ.

Advertisement

އެކަމާ ގުޅޭ ގޮތުން ކަންބޮޑުވުން ފާޅު ކުރައްވަމުން ރައްޔިތުންގެ މަޖިލީހުގެ ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބްދުއްލަތީފް ވިދާޅުވީ ހުސެއިން އާދަމްގެ ފޮޓޯ ޕީޕީއެމުން ބޭނުން ކުރަމުންދަނީ ޝަހީދުގެ ފުރާނައަށް އިހްތިރާމް ކުރުމެއް ނެތި ކަމަށެވެ.

"އަޅުގަނޑުމެން ގަބޫލެއް ނުކުރަން ސިޔާސީ ގޮތުން ޝަހީދު ހުސެއިން އާދަމްގެ ފޮޓޯ ބޭނުން ކުރެވިދާނެ ކަމަކަށް. އަޅުގަނޑުމެން ވަރަށް ބޮޑު އިހްތިރާމެއް އަދި ގަދަރެއް އޮންނަ ބޭފުޅެއް ޝަހީދު ހުސެއިން އާދަމްއަކީ. ސިޔާސީ ކެމްޕެއިނުތަކުގައި ހުސެއިން އާދަމްގެ ފޮޓޯ ބޭނުން ނުކުރެއްވުން އަޅުގަނޑުމެން އެދެނީ،" ޔާސިރު ވިދާޅުވި އެވެ.

ނަމަވެސް ހުސެއިން އާދަމްގެ ފޮޓޯ ބޭނުން ކުރުން ދިފާއުކޮށް ޕީޕީއެމްގެ ފަރާތުން ބުނީ "އިންޑިއާ އައުޓް" ކެމްޕެއިނުގައި ހުސެއިން އާދަމްގެ ފޮޓޯ ބޭނުން ކުރުމަކީ މައްސަލައެއް ކަމަށް އެ ޕާޓީއަށް ނުފެންނަ ކަމަށެވެ. އަދި އެއީ ޝަހީދުގެ ފުރާނައަށް ބޭއިހްތިރާމް ކުރުމުގެ އަމަލެއް ނޫން ކަމަށް ވެސް އެ ޕާޓީން ބުންޏެވެ.

"އިންޑިއާ އައުޓް ކެމްޕެއިނަކީ ސިޔާސީ ކަމެއް ނޫން. އެކަން ފެށީ ވެސް ގައުމީ ކަމެއްގެ ގޮތުގައި ދެކިގެން. ޕާޓީތަކަށް އެކަމުގައި ބައިވެރިވާން ދައުވަތު ދިނީ ވެސް ގައުމީ ކަމެއްގެ ގޮތުގައި. އަޅުގަނޑުމެންނެއް ނުދެކެން ޝަހީދު ހުސެއިން އާދަމްގެ ފޮޓޯ ބޭނުން ކުރުމަކީ މައްސަލައެއް ކަމަށް. އެއީ ގައުމީ ބަތަލެއް. ގައުމު ދިފާއު ކުރެއްވި ބޭފުޅެއް. އަދި ގައުމަށްޓަކައި ޝަހީދުވި ބޭފުޅެއް. އެހެންވީމަ އެފަދަ ބަތަލުންގެ ޒިކުރާ އާ ކުރަންޖެހޭ ގައުމުގެ މިނިވަންކަމާ ގުޅިފަ އޮތް މިފަދަ މަސައްކަތެއްގައި. އެއީ ސިޔާސީ ކަމެއް ނޫން،" މި ނޫހާ ވާހަކަ ދައްކަވަމުން ޕީޕީއެމްގެ ތަރުޖަމާނު ހީނާ ވަލީދު ވިދާޅުވި އެވެ.

އިންޑިއާ އައުޓް ކެމްޕެއިނުގައި ބައިވެރިވުމަށް ޕީޕީއެމުން ރާއްޖޭގެ ހުރިހާ ޕާޓީތަކަށް ދައުވަތު ދިން ނަމަވެސް އެއްވެސް ޕާޓީއަކުން އެ ދައުވަތު ގަބޫލުކޮށްފައެއް ނުވެ އެވެ. އެ ކެމްޕެއިން ކުށްވެރިކޮށް ސަރުކާރު ކޯލިޝަނުގައި ހިމެނޭ އަދާލަތު ޕާޓީ އާއި މޯލްޑިވްސް ރިފޯމް މޫވްމަންޓް އާއި ޖުމްހޫރީ ޕާޓީން ވަނީ ބަޔާން ނެރަފަ އެވެ. އަދި ޕީޕީއެމްއާއެކު މިވަގުތު އިދިކޮޅު ޕާޓީއެއްގެ ގޮތުގައި ހަމައެކަނި އޮތް މޯލްޑިވްސް ނެޝަނަލް ޕާޓީން ވެސް ވަނީ އިންޑިއާ އައުޓް ކެމްޕެއިން ކުށްވެރިކޮށްފަ އެވެ.

އިންޑިއާ އައުޓް ކެމްޕެއިނަކީ އެމަނިކުފާނުގެ އިސް ނެންގެވުމަކަށް ކުރިއަށްގެންދާ ކެމްޕެއިނެއް ކަމަށް ކުރީގެ ރައީސް ޔާމީން ވިދާޅުވީ އެމަނިކުފާނުގެ މައްޗަށް ކޮށްފައި އޮތް މަނީ ލޯންޑަރިންގެ ހުކުމް ބާތިލް ކުރުމުން ބޭއްވި ބޮޑު ޖަލްސާއެއްގައި ވާހަކަ ދައްކަވަމުން ޑިސެމްބަރު 3، 2021 ގަ އެވެ.

"ޕީޕީއެމް/ޕީއެންސީގެ ފަރާތުން މިކަމަށް އިސްނެގީ އަޅުގަނޑު. އިންޑިއާ އަސްކަރިއްޔާ ޖެހޭނީ ރާއްޖެއިން ފައިބަން. އިންޑިއާގެ އަސްކަރިއްޔާއަކަށް ރާއްޖެއަކުން ޖާގައެއް ނެތް. މިހާރު ރަސްމީކޮށް އަޅުގަނޑު މި ދަންނަވަނީ، ކުރީގެ ރައީސްކަން ކޮށްފައި ހުރި މީހެއްގެ ހައިސިއްޔަތުން މި ދަންނަވަނީ، ޕީޕީއެމް/ޕީއެންސީގެ ލީޑަރުގެ ހައިސިއްޔަތުން މި ދަންނަވަނީ، އެތައްހާސް ރައްޔިތުންނެއް ތަމްސީލު ކުރާ ލީޑަރެއްގެ ހައިސިއްޔަތުން މި ދަންނަވަނީ، އަޅުގަނޑުމެން ބޭނުމެއް ނުވޭ އިންޑިއާ މިލިޓަރީގެ އެންމެ މީހަކު ވެސް، އެންމެ ބޫޓު ޖޯޑެއް ވެސް އަޅުގަނޑުމެންގެ ފަސްގަނޑުގައި އޮންނާކަށް ބޭނުމެއް ނުވޭ،" އެ ޖަލްސާގައި ޔާމީން ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox