ރިސޯޓެއް ހަދަން ށ. އަތޮޅުގެ ތިން ރަށެއް ކުއްލިއަކަށް ހިމަނައިފި

ރިސޯޓެއް ހަދަން އެއްކޮށް ދޫކުރަން އިއުލާނުކުރި ށ. ދިގުރަށާއި މެދުރަށާއި މައިރަށް: މި ތިން ރަށާ އެންމެ ކައިރީގައި މީހުން ދިރިއުޅެނީ ށ. ކޮމަންޑޫގައި. -- ފޮޓޯ: ގޫގްލް އާތް

ރިސޯޓެއް ހަދަން އެއްކޮށް ދޫކުރަން އިއުލާނުކުރި ށ. ދިގުރަށާއި މެދުރަށާއި މައިރަށް: މި ތިން ރަށާ އެންމެ ކައިރީގައި މީހުން ދިރިއުޅެނީ ށ. ކޮމަންޑޫގައި. -- ފޮޓޯ: ގޫގްލް އާތް

ޓޫރިސްޓު ރިސޯޓު ތަރައްގީކުރަން މިފަހުން ހުޅުވާލި ރަށްތަކުގެ ތެރޭގައި ށ. އަތޮޅުގެ ތިން ރަށެއް ޓޫރިޒަމް މިނިސްޓްރީން މިއަދު ހިމަނައިފި އެވެ.

ޓޫރިޒަމުން އިއްޔެ ގެޒެޓުކުރި ބިޑިން ޑޮކިއުމެންޓަށް ގެނައި އިސްލާހެއްގައި ރިސޯޓެއް ހަދަން އެއްކޮށް ދޫކުރާ ގޮތަށް ހިމެނީ ށ. ދިގުރަށާއި މެދުރަށާއި މައިރަށް (ދިގުވެލިދޫ) އެވެ.

މި ތިން ރަށުގެ ޖުމްލަ ބޮޑު މިނަކީ 19.5 ހެކްޓަރެވެ. ލީސް އެކުއިޒިޝަން ކޮސްޓަކީ 1.2 މިލިއަން ޑޮލަރު (18.5 މިލިއަން ރުފިޔާ) އެވެ. އަދި، ކުއްޔަށް ދެނީ އިތުރަށް ހިއްކޭ ގޮތަށް މަދުވެގެން 300 ކޮޓަރި އަޅަން ޝަރުތުކޮށްފަ އެވެ.

Advertisement

މި ތިން ރަށަކީ މި ސަރުކާރުން ރިސޯޓު ހަދަން ދޫކުރަން ޓޫރިޒަމް މިނިސްޓްރީން އިއުލާނުކުރި އެއްވެސް ލިސްޓެއްގައި ހިމެނޭ ރަށްތަކެއް ނޫނެވެ.

އެ މިނިސްޓްރީގެ ރަސްމީ ވައިބާ ގްރޫޕުގައި ހިއްސާކުރި މެސެޖެއްގައި ކޮމިއުނިކޭޝަން ޑިރެކްޓަަރު ނިއުޝާ ވިދާޅުވީ މި ރަށްތައް ހިމެނީ ރާއްޖޭގެ ހުރިހާ އަތޮޅެއްގައި ޓޫރިޒަމުގެ "އިކޮނޮމީސް އޮފް ސްކޭލް" ހޯދަން ކަމަށެވެ.

މިހާރު ށ. އަތޮޅުގައި ހުންނަނީ އެންމެ ދެ ރިސޯޓެވެ. އެއީ ށ. ވަގަރުގައި ހިންގާ ޖޭޑަބްލިޔު މެރިއޮޓް މޯލްޑިވްސް އާއި ށ. ގާކޮށިބީގައި ހިންގާ ފެއާމޮންޓް ސިއްރު ފެން ފުއްޓެވެ. މީގެ އިތުރުން މިހާރު އިއުލާނުކޮށްފައިވާ ރަށްތަކުގެ ތެރޭގައި ށ. ކުޑަޅައިމެންދޫ ހިމެނެ އެވެ.

މި ރަށްތަކާ އެންމެ ކައިރިން މީހުން ދިިރިއުޅޭ ރަށަކީ ކޮމަންޑޫ އޮތްއިރު، ރައްޔިތުންގެ މަޖިލީހުގެ އެ ދާއިރާގެ ބައި އިލެކްޝަންގެ ވޯޓުލުން އަންނަ ފެބްރުއަރީ 5 ގައި ބޭއްވުމަށް ވަނީ އިއުލާނުކޮށްފަ އެވެ.

ރިސޯޓެއް ހަދަން ށ. އަތޮޅުގެ ތިން ރަށެއް ކުއްލިއަކަށް ހިމެނުމާ ގުޅޭ ގޮތުން ޓޫރިޒަމް މިނސިްޓްރީގެ ޑެޕިއުޓީ ޑިރެކްޓާ ޖެނެރަލް އަލީ ޝިނާން "އަދަދު" އަށް ވިދާޅުވީ ފަހުވަގުތު ރަށްތައް ހިމެނީ އެ ސަރަހައްދުގެ ރައްޔިތުން އެދޭތީ ކަމަށެވެ.

"މިފަހަރު ދޫކުރާ ރަށްތަކުގެ ތެރޭގައި ހިމަނަން އެދިގެން އެ ރަށްތައް ހިމެނީ. އެއީ ކުރިން ވެސް މިނިސްޓްރީގެ ދަށުގައި ހުރި ރަށްތަކެއް" އޭނާ ވިދާޅުވި އެވެ.

ސަރުކާރުން މިފަހުން އެ ސަރަހައްދުގެ ރަށްރަށަށް އިއުލާނުކުރި ޕްރޮޖެކްޓުތަކުގެ ތެރޭގައި ދެ ކޮމަންޑޫ ގުޅާލުމާއި، އެއްގަމުތޮއްޓާއި ކަނޑުތޮށި މަރާމަތުކުރުން ހިމެނެ އެވެ. އެ މަސައްކަތް 249.9 މިލިއަން ރުފިޔާއަށް ހަވާލުކުރީ އެމްޓީސީސީއާ އެވެ.

އޭގެ އިތުރުން އެ ރަށު ފުޓުބޯޅަ ދަނޑު ހެދުމުގެ މަޝްރޫއު ވެސް ވަނީ އެމްޓީސީސީއާ ހަވާލުކޮށްފަ އެވެ. އެ މަސައްކަތް ކުރަނީ އެ ކުންފުނީގެ އިޖުތިމާއީ ޒިންމާގެ ދަށުންނެވެ.

މިއީ އިންތިހާބާ ގުޅިގެން ފެށި މަޝްރޫއުތަކެއް ކަމަށް އިދިކޮޅުން ތުހުމަތުކުރެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox