ތެހްރާން، އިރާން (ޑިސެމްބަރު 29) - ހަނގުރާމައިގެ ސަބަބުން ސުންނާފަތިވެފައިވާ ޔަމަނުގައި އެއްބައިވަންތަކަމުގެ ސަރުކާރެއް ގާއިމްކުރަން އިރާނުން ގޮވާލައިފި އެވެ.
ޔަމަނުގައި 2014 ވަނަ އަހަރުން ފެށިގެން ހަނގުރާމަ ކުރަނީ އިރާނުގެ އެހީއާ އެކު އުޅޭ ހޫތީ ހަނގުރާމަވެރިން ގާނޫނީ ސަރުކާރާ ދެކޮޅަށް ތެދުވުމުންނެވެ. ސަރުކާރުގެ ފައުޖަށް އެހީވަނީ ސައުދީ އަރަބިއްޔާ އިންނެވެ.
"ޔަމަނުގެ ގައުމީ އެއްބައިވަންތަކަމާއި އިސްތިގްލާލް ދަމަހައްޓަން ހުރިހާ ޕާޓީތަކެއްގެ ބައިވެރިވުން ހިމެނޭ ސަރުކާރެއް ގެނައުން މަޖުބޫރު ކަމަށް އަޅުގަނޑުމެން ދެކެން،" އިރާންގެ ފޮރިން މިނިސްޓަރު ހުސެން އާމިރް ވިދާޅުވި އެވެ.
ދައުލަތުގެ ނިއުސް އެޖެންސީ އައިއާރްއެންއޭ އަށް ދެއްވި އިންޓަވިއުގައި އޭނާ ވިދާޅުވީ ޔަމަނަށް ދިމާވެފައިވާ އޮތް ކާރިސާއަށް އޮތް ހަމައެކަނި ހައްލަކީ ސިޔާސީ ހައްލެކެވެ.
ފޮރިން މިނިސްޓަރު އިންޓަވިއު ދެއްވީ އިރާނުން ޔަމަނަށް ކަނޑައަޅާފައި ހުންނަ ސަފީރު ހަސަން އެއިރްލޫ ކޮވިޑުގެ އަވަހާރަވުމާ ގުޅިގެން ބޭއްވި ހަރަކާތެއްގައި ދެއްވި އިންޓަވިއު އެކެވެ.
ހޫތީން ކޮންޓްރޯލް ކުރާ ސަނާގައި ހުންނެވި އެއިރްލޫ ކޮވިޑުގެ ފަރުވާ އަށް އިރާގަށް ފުރުވާލީ ސައުދީ އަރަބިއްޔާގެ ހާއްސަ ހުއްދަ ލިބިގެންނެވެ. ސައުދީ އަރަބިއްޔާ އިން ސަނާގެ ވައިގެ ސަރަހައްދަށް ނުވަދެވޭ ގޮތް ހަދައިފަ އެވެ.
އެއިރްލޫ އަވަހާރަވުމާ އެކު އިރާނުން ބުނީ އެގޮތަށް ދިމާވީ އެއްބާރުލުން ދިނުމުގައި ބައެއް ގައުމުތަކުން ލަސް ކުރުމުން ކަމަށެވެ. ރައްދުގައި ސައުދީ އަރަބިއްޔާ އިން އެ ވާހަކަ ދޮގުކޮށް ބުނީ އެއީ އަގު ވައްޓާލަން ދައްކާ ވާހަކަ ކަމަށެވެ.
