ޖޮހަނެސްބާގް، ދެކުނު އެފްރިކާ (ޑިސެމްބަރު 26) - ދެކުނު އެފްރިކާގައި އޮތް އަޕާތެއިޑް ނުވަތަ ނިޒާމީ ގޮތަކަށް ރާވައިގެން ކަޅު މީހުންނާއި ދޮން މީހުން ތަފާތު ކުރުމާ ދެކޮޅަށް ތެދުވި ލީޑަރު ޑެސްމޮންޑް ޓޫޓޫ އުމުރުން 90 އަހަރުގައި މަރުވެއްޖެ އެވެ.
ރައީސް ސިރިލް ރަމަފޯސާ ވިދާޅުވީ އާޗްބިޝޮޕް އެމެރިޓަސް ޑެސްމޮންޑް ޓޫޓޫ މަރުވުމަކީ ގައުމަށް ލިބުނު ފުން ހިތާމައެއް ކަމަށެވެ. ނަސްލީ ތަފާތު ކުރުމާ ދެކޮޅަށް ކުރި މަސައްކަތާ ގުޅިގެން ޓޫޓޫ އަށް 1984 ވަނަ ނޮބެލް ސުލްހައިގެ އިނާމު ލިބުނެވެ.
ދެކުނު އެފްރިކާގެ މައިނޯރިޓީގެ ގޮތުގައި ތިބި ދޮން މީހުން ވެރިކަމުގައި ތިބެ، އެ ގައުމުގެ ކަޅު މީހުންނާ ދެކޮޅަށް ހިންގި ތަފާތު ކުރުން ހުއްޓުވަން ޓޫޓޫ ގިނަ މަސައްކަތްތަކެއް ކުރި އެވެ.
ޓޫޓޫ މަރުވެފައި ވާއިރު، އަޕާތެއިޑް ޒަމާނުގައި އެންމެ ފަހުން ވެރިކަން ކުރެއްވި ރައީށް އެފް ޑަބްލިއު ޑެ ކްލާކް މީގެ ކުޑަ ދުވަސްކޮޅެއް ކުރިން ވަނީ އުމުރުން 85 އަހަރުގައި އަވަހާރަވެފަ އެވެ.
