ހާލަތުގެ ގޮތުން މުބާރާތުގައި ވާދަކުރުމަކީ ވެސް ލިބުނު މެޑަލެއް: ކާއްޓޭ

Dec 26, 2021, 2:55 AM
ގައުމީ ވޮލީ ޓީމުގެ ކޯޗު ކާއްޓޭ.-- ފޮޓޯ: މުހައްމަދު ޝާބިން/ އަދަދު

ގައުމީ ވޮލީ ޓީމުގެ ކޯޗު ކާއްޓޭ.-- ފޮޓޯ: މުހައްމަދު ޝާބިން/ އަދަދު

މި ފަހަރުގެ ސެންޓްރަލް ޒޯން ވޮލީބޯޅަ މުބާރާތުގައި. ވާދަކުރަން އެންމެ ފަހު ވަގުތުގައި ކުރަން ޖެހުނު މަސައްކަތަށް ބަލާއިރު، މުބާރާތުގައި ކުޅެލެވުމަކީ ވެސް ލިބުނު މެޑަލެއް ކަމަށް ގައުމީ ފިރިހެން ވޮލީ ޓީމުގެ ކޯޗު މުހައްމަދު ސާޖިދު (ކާއްޓޭ) ބުނެފި އެވެ.

މި މަހު 19 ވަނަ ދުވަހު މާލެއިން ފުރައިގެން ބަންގްލަދޭޝަށް ސެންޓްރަލް ޒޯން މުބާރާތް ކުޅެން ގައުމީ ޓީމުން އަންނަން މަސައްކަތް ކުރި އެވެ. އެކަމަކު، އެ ފަހަރު، ކޮވިޑްގެ ހާލަތް މެދުވެރިވެ، ޓީމަށް އާދެވޭ ގޮތް ނުވި އެވެ. އެ ދުވަހު އާދެވުނު ނަމަ މާލޭގައި ލަންކާ އާއި އިންޑިއާގެ ހައިދަރުއާބާދު ސްޕައިކާސްއާ ދެކޮޅަށް ކުޅުނު މެޗުތަކަށް ފަހު ގައުމީ ޓީމު އޮންނާނީ ވަރަށް ފޯމުގަ އެވެ. އެކަމަކު، އެހެން ނުވީ ކުރިމަތިވި ކަންތައްތަކާ ހެދި އެވެ.

މިދިޔަ ހަފްތާގެ އަންގާރަ ދުވަހު ބަންގްލަދޭޝަށް އަންނަން އެއާޕޯޓަށް ފުރަން ގޮސް ތިއްބައި ގައުމީ ޓީމަށް ޖެހުނީ އަނބުރާލާފައި ގެއަށް ދާށެވެ. އެއީ ޓީމާ ގުޅޭ ކޮވިޑް-19ގެ ކަންތައްތަކެއް ފަހު ވަގުތު ބަޔަކު ރިޕޯޓްކުރުމުންނެވެ. ކޮވިޑް-19ގެ ޓެސްޓްތަކެއް ކޮށް، ޓީމު ތިން ބަޔަކަށް ބަހާލައިގެން ބަންގްލަދޭޝަށް އައިއިރު، ފުރަތަމަ މެޗު ކުޅެން ބޭނުންވާ ވަރަށް ޓީމު ހަމަވީ ކިރިޔާ އެވެ. ފުރަތަމަ މެޗުގައި ބަންގްލަދޭޝް އަތުން ތިން ސެޓުން ބަލިވިއިރު، ކުޅުނީ ލިބަރޯ އެއް ނުލަ އެވެ.

އެކަމަކު، އިއްޔެ އުޒްބެކިސްތާން އަތުން ސެޓެއް ގެންގޮސްފައި އޮއްވައި ރާއްޖެ ބަލިވި މެޗުގައި ޓީމުގައި ލިބަރޯ އަކަށް ކުޅުނީ ޖަވާމް އަލީ އެވެ. ޖަވާމަކީ ލަންކާ މެޗުތަކަށް ފަހު ސްކޮޑު ފައިނަލް ކުރިއިރު، ބާކީވި ކުޅުންތެރިއެކެވެ. އެހެންވެ، އޭނާ ވެސް ހުރީ ގިނަ ދުވަސްތަކެއް ވަންދެން ކުޅުމާ ދުރުގަ އެވެ.

ކާއްޓޭ ބުނީ ގޮންޖެހުންތަކަށް ބަލާއިރު މުބާރާތުގައި ކުޅުން ވެސް އެއީ ހާއްސަކޮށް ފާހަގަކުރަން ޖެހޭ ކަމެއް ކަމަށެވެ.

"އަޅުގަނޑުމެން ޓީމު އޮތް ހާލަތާއި މި ހުރިހާ އެއްޗަކަށް ބަލާއިރު، މި ކޯޓުގައި (ބަންގްލަދޭޝްގައި) އައިސް ކުޅުމަކީ ވެސް އަޅުގަނޑުމެންނަށް މެޑަލް އެއް، އަޅުގަނޑުމެން ނިންމީ މުބާރާތުގައި ބައިވެރިވެ، މުބާރާތުގައި ކުޅެވިއްޖިއްޔާމު ފުރަތަމަ މެޑަލް އަޅުގަނޑުމެން (ކަރުގައި) އެޅިފައި ކަމަށް. އަޅައިގެން ހަގީގަތުގައި މި ތިބީ،" ކާއްޓެ ބުންޏެވެ.

"މުބާރާތުގެ މެޑަލަަކަށް ކުރާ މަސައްކަތް ދެން މި އޮތީ،"

އުޒްބެކިސްތާން މެޗާ ބެހޭގޮތުން ކާއްޓޭ ބުނީ ފާހަގަވި އަކީ އަބަދު ވެސް ފެންނަ ބްލޮކާއި ޑިފެންސްގެ މައްސަލަ ކަމަށެވެ.

"އަޅުގަނޑުމެން ރިސީވް ދެން ބްލޮކް، ޑިފެންސަށް މަސައްކަތް ކުރަން މި ޖެހެނީ. އެއީ އާންމު ގޮތެއްގައި މަސައްކަތް ކުރަން ވެސް ޖެހޭ ކަންކަމަކީ. ފެށުނުއިރުއްސުރެ ރަނގަޅު ކުރަން ޖެހޭ ކަމެއް އެއީ. އެކަމަކު، ފައިރޫޒްގެ ފަރާތުން ހަމަ ރަނގަޅު ބްލޮކް ޑިފެންސްތައް ފެނިގެންދިޔަ. އެހެން ނަމަވެސް ބޮޑަށް ރަނގަޅު ކުރަން ޖެހޭ ކަންތައްތަކުގެ ތެރޭގައި އެކަންކަން ފާހަގަކުރަން،" ތިން ވަނަ ފަހަރަށް ގައުމީ ޓީމުގެ ހެޑް ކޯޗުކަން ކުރަމުން އަންނަ ކާއްޓޭ ބުންޏެވެ.

ގައުމީ ފިރިހެން ވޮލީ ޓީމު މިއަދު ކުޅޭ މެޗުގައި ރާއްޖެ ގަޑިން 15:00ގައި ބައްދަލުކުރާނީ ނޭޕާލާ އެވެ. މި މެޗުން މޮޅުވެއްޖެނަމަ ރާއްޖެ އަށް ޔަގީނުން ވެސް ރޭންކިން މެޗުގައި ކުޅުމުގެ ފުރުސަތު ލިބޭނެ އެވެ. ނޭޕާލް މެޗަށް ފަހު ލީގު ބުރުގައި ރާއްޖެ ކުޅޭ ފަހު މެޗުގައި މާދަމާ ކުޅޭނީ ސްރީލަންކާއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox