ދެ ވަނަ މެޗުގައި ވެސް ރާއްޖޭގެ ގައުމީ ވޮލީ ޓީމުން ހައިދަރުއާބާދު ޓީމު ބަލިކޮށްފި

Dec 17, 2021, 7:39 PM
ދެ ވަނަ މެޗުން ވެސް ގައުމީ ވޮލީ ޓީމު މިރޭ ވަނީ ހައިދަރުއާބާދު ޓީމު ބަލިކޮށްފައި.-- ފޮޓޯ: މުހައްމަދު ޝާބިން/ އަދަދު

ދެ ވަނަ މެޗުން ވެސް ގައުމީ ވޮލީ ޓީމު މިރޭ ވަނީ ހައިދަރުއާބާދު ޓީމު ބަލިކޮށްފައި.-- ފޮޓޯ: މުހައްމަދު ޝާބިން/ އަދަދު

ސެންޓްރަލް ޒޯން ވޮލީބޯޅަ މުބާރާތަށް ތައްޔާރުވުމުގެ ގޮތުން ރާއްޖޭގެ ގައުމީ ފިިރިހެން ވޮލީބޯޅަ ޓީމުން އިންޑިއާގެ ހައިދަރުއާބާދު ސްޕައިކާސްއާ ދެކޮޅަށް ކުޅޭ ތިން މެޗުގެ ތެރެއިން ދެ ވަނަ މެޗުން ވެސް މޮޅުވެއްޖެ އެވެ.

ރޭ ކުޅުނު ފުރަތަމަ މެޗުގައި ރާއްޖޭން ހައިދަރުއާބާދު ޓީމު ބަލިކުރީ ފަހަތުން އަރައި 3-1 އިންނެވެ. މިރޭ ކުޅުނު މެޗުން ވެސް ގައުމީ ވޮލީ ޓީމު މޮޅުވީ 3-1 ސެޓުންނެވެ. މެޗުގެ ސެޓުތައް ދިޔައީ 25-13، 23-25، 25-20 އަދި 25-19 އިންނެވެ.

ޒުވާނުންގެ މަރުކަޒު އެތެރެ ކޯޓުގައި މިރޭ ކުޅުނު މެޗު ޝަރަފްވެރިކޮށްދެއްވީ ކުޅިވަރާބެހޭ ވަޒީރު އަހުމަދު މަހުލޫފް އެވެ.

Advertisement

މިރޭގެ މެޗު ފަށައިގެން، ގައުމީ ޓީމުގެ ފަރާތުން ފެނުނީ ރޭގެ މެޗު ނިންމާލިއިރު ފެނުނު މޮޅުވުމުގެ ރޫހު އެވެ. އެ ގޮތުގައި ފުރަތަމަ ސެޓު އެއްކޮށް ޑޮމިނޭޓްކުރީ ރާއްޖޭގެ ޓީމުންނެވެ. ރޭގެ މެޗުގައި ފޯމަކަށް އެޅިގެން މޮޅަށް ކުޅުނު ހަސަން ނިލާމް (ޕާޓޭ) މިރޭގެ މެޗުގައި ވެސް ރަނގަޅަށް ކުޅުނެވެ. ރާއްޖޭން ފުރަތަމަ ސެޓު ފަށައިގެން ލީޑުގައި އޮތުމުން ހައިދަރުއާބާދު ޓީމުން ޓައިމްއައުޓް ނަަގައިގެން މެޗުގެ ތެރެއަށް ވަދެވޭތޯ ކުރި މަސައްކަތް މި ސެޓުގައި ކާމިޔާބުނުވި އެވެ. އަދި ރެފްރީގެ ބައެއް ނިންމުންތަކާ މެދު ވެސް ހައިދަރުއާބާދު ޓީމު ހިތްހަމަނުޖެހުނެވެ. ދިވެހި ޓީމު ފޯމުގައި އޮވެ، ސެޓު ނިންމާލީ 25-13 އިންނެވެ.

ފުރަތަމަ ސެޓު ނިންމާލި ގޮތަށް ދެ ވަނަ ސެޓު ކުރީކޮޅުގައި ވެސް ރާއްޖޭން މޮޅަށް ކުޅުނެވެ. ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓެ) އާއި އަލީ ހުޒާމް (ހުޒަންޓެ)ގެ ރަނގަޅު ހަމަލާތަކެއް ފެނުނުއިރު، ސެޓު ފަށައިގެން ރާއްޖެ 7-0 އިން ކުރީގައި ވެސް އޮތެވެ. އެކަމަކު، މި ފަހަރު ޓައިމްއައުޓްތަކެއް ނަގައި ހައިދަރުއާބާދު ޓީމު ހަމަޔަކަށް އެޅުވި އެވެ. ސެޓުގެ ފަހު ކޮޅުގައި ހައިދަރުއާބާދުން މިރޭގެ މެޗުގައި ފުރަތަމަ ފަހަރަށް ލީޑުނެގި އެވެ. އެއީ 20-21 އިންނެވެ. އެ ހިސާބުން ފޯރިގަދަ ކުޅުމެއް ފެނިގެންދިޔައިރު، ޕޮއިންޓްތައް ދިޔައީ ވަރަށް ވާންކޮށެވެ. ހައިދަރުއާބާދު ޓީމުގައި ހިމެނޭ ރާއްޖޭގެ ގިނަ ޓީމުތަކަށް ކުޅުނު އަނޫޕް ޑިކޯސްޓާގެ ރަނގަޅު ކުޅުމާ އެކު އެ ޓީމުން މި ސެޓު ގެންދިޔައީ 23-25 އިންނެވެ.

ދެ ވަނަ ސެޓުގައި ހައިދަރުއާބާދު ޓީމުގައި ހިމެނޭ އިންޑިއާ ގައުމީ ޓީމުގެ ކުޅުންތެރިޔާ، އަޖޭ ޗޯދުރީ ވެސް މޮޅު ކުޅުމެއް ދެއްކި އެވެ. ރާއްޖޭން ވަނީ ސެޓަރު، ހުސެއިން ޝާހިދު (ޝާޑު)ގެ ބަދަލުގައި ހުސެއިން ވިޝާމް (ބުޅިކެ) އާއި ނިލާމްގެ ބަދަލުގައި އާދަމް ނަސީމް (އެޑަމް) ދެ ވަނަ ސެޓުގައި ކުޅެން އަރުވައިފަ އެވެ.

ތިން ވަނަ ސެޓު ވަރަށް ވާދަވެރިކޮށް ދިޔައިރު، މި ސެޓުގައި ހައިދަރުއާބާދު ޓީމުން އަނެއްކާ ވެސް ރެފްރީގެ ނިންމުމަކާ މެދު ހިތްހަމަނުޖެހުން ފާޅުކުރި އެވެ. ހައިދަރުއާބާދު ޓީމުން ލީޑު ނަގައިގެން ކުޅުނުއިރު، ސެޓުގެ މެދުތެރެއިން 12-12 އިން އެއްވަރުވި އެވެ. އެކަމަކު، މި ސެޓުގެ ފަހު ކޮޅުގައި ހައިދަރުއާބާދު ޓީމުގެ އިސްކޮޅުން ދިގު ކުޅުންތެރިޔާ، އަޖޭ އަށް އަނިޔާވެ، އޭނާ ބަދަލުކުރަން ޖެހުނެވެ. ރާއްޖޭން ރަނގަޅަށް ކުޅެ، މި ސެޓު 25-20 އިން ގެންގޮސް މެޗުން މޮޅުވުމުގެ އުއްމީދު ބޮޑުކުރި އެވެ.

ހަތަރު ވަނަ ސެޓު ފަށައިގެން ހައިދަރުއާބާދު ޓީމު ލީޑެއް ނެގި އެވެ. އެކަމަކު، މާ ރަނގަޅަށް ހިފަހައްޓާލެވޭ ގޮތެއްނުވި އެވެ. ރާއްޖޭން 7-7 އިން އެއްވަރުކޮށް، އެ ހިސާބުން ސެޓު އަނބުރާލައި، އެ ގޮތުގައި ލީޑު ދެމެހެއްޓި އެވެ. އަދި މި ސެޓު 25-19 އިން ގެންގޮސް ރާއްޖެ މެޗުން މޮޅުވީ އެވެ.

ހައިދަރުއާބާދު ޓީމާ ދެކޮޅަށް ކުޅޭ ފަހު މެޗު އޮންނާނީ މާދަމާ ހަވީރު 16:30 ގަ އެވެ. ސަޕޯޓަރުންނަށް ހާއްސަކޮށް ގިނަ ކަންތައްތަކެއް ކުރިއަށް ގެންދިއުމަށް ވޮޮލީބޯލް އެސޯސިއޭޝަނުން އަންނަނީ މަސައްކަތް ކުރަމުންނެވެ.

މިރޭގެ މެޗަށް ފަހު މިނިސްޓަރު މަހުލޫފް ވަނީ މި މަހު 23-29 އަށް ބަންގްލަދޭޝްގައި ކުރިއަށްދާ ސެންޓްރަލް ޒޯން އަންހެން/ފިރިހެން މުބާރާތުގައި ވާދަކުރާ ގައުމީ ޓީމުތަކާ ބައްދަލުކޮށް ހިތްވަރު ދެއްވައިފަ އެވެ.

ސެންޓްރަލް ޒޯން މުބާރާތަށް ތައްޔާރުވާން ގައުމީ ފިރިހެން ޓީމަށް ސްރީ ލަންކާގެ ގައުމީ ޓީމާއި ދެކޮޅަށާއި ހައިދަރުއާބާދާ ދެކޮޅަށް މާލޭގައި ކުޅެން ޖުމްލަ އެއްކޮށް ހަ މެޗެއް ހަމަޖެއްސުނީ ވޮލީބޯލް އެސޯސިއޭޝަންގެ ލީޑަޝިޕާއި ޔޫތު މިނިސްޓްރީން ގުޅިގެން ކުރި މަސައްކަތުން ކަމަށް މިނިސްޓަރު ވިދާޅުވި އެވެ. އަދި ކުރިއަށް އޮތްތަނުގައި އަންހެން ވޮލީ ޓީމު ކުރިއަރުވަން ވެސް ގިނަ ކަންތައްތަކެއް ކުރެވިގެންދާނެ ކަމަށާއި ވޮލީ އަކީ އަބަދުވެސް މެޑަލް ހޯދަން މަސައްކަތް ކުރާ ކުޅިވަރެއް ކަމަށް މިނިސްޓަރު މަހުލޫފް ފާހަަގަކުރެއްވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox