ހުޅުމާލެ ދެވަނަ ފިޔަވަހީގައި 4،000 ހައުސިންގް ޔުނިޓް އެޅުމަށް އިންޑިއާގެ އެކްޒިމް ބޭންކުން، ފަހި ދިރިއުޅުން ކޯޕަރޭޝަން ލިމިޓެޑް (އެފްޑީސީ) އާއިއެކު ވެފައިވާ 227 މިލިއަން ޑޮލަރުގެ ލޯނު އެއްބަސްވުމުގެ ދަށުން، އެ މަޝްރޫގެ އަމަލީ މަސައްކަތް ފެށުމަށް 35 މިލިއަން ޑޮލަރު ދީފި އެވެ.
މިދިޔަ ސެޕްޓެމްބަރު 23 ގައި އިންޑިއާގެ ދެ ކުންފުންޏެއް ކަމަށްވާ އެންބީސީސީ (އިންޑިއާ) ލިމިޓެޑްއާއި ޖޭ.އެމް.ސީ ޕްރޮޖެކްޓްސް (އިންޑިއާ) ލިމިޓެޑާއެކު އެފްޑީސީއިން ވަނީ ދެ ލޯނު އެއްބަސްވުމަކު ސޮއިކޮށްފަ އެވެ.
އެއީ ހުޅުމާލެ ދެވަނަ ފިޔަވަހީގައި އިމާރާތް ކުރުމަށް ހަމަޖެހިފައިވާ 4000 ސޯޝަލް ހައުސުންގ ޔުނިޓްތައް ތަރައްގީ ކުރުމަށްޓަކައި ސަރުކާރުގެ ސަވަރިންގ ގެރެންޓީގެ ދަށުން ހަމަޖެހިފައިވާ ދެ ލޯނެކެވެ.
މި ދެ މަޝްރޫއުގެ ދަށުން ތިން ބެޑްރޫމްގެ 2800 ޔުނިޓާއި، އެއިން ކޮންމެ ކޮޓަރިއަކަށް 900 އަކަފޫޓުގެ ފާހާނަ ހިމެނެ އެވެ. އަދި ދެ ބެޑްރޫމްގެ 1200 ޔުނިޓާއި، އެއިން ކޮންމެ ކޮޓަރިއަކަށް 650 އަކަފޫޓުގެ ފައިހާނައެއް ހެދުމަށްވެސް ވަނީ ހަމަޖެހިފަ އެވެ.
