ދަގަނޑޭ ވެލެންސިއާ ޕްރެކްޓިހަށް

Dec 13, 2021, 7:03 AM
މިދިޔަ ސީޒަނުގެ މެޗެއްގެ ތެރެއިން ދަގަނޑޭ (ވ) އާއި ސެންޓޭ.-- ފޮޓޯ: ހުސެއިން ވަހީދު/ އަދަދު

މިދިޔަ ސީޒަނުގެ މެޗެއްގެ ތެރެއިން ދަގަނޑޭ (ވ) އާއި ސެންޓޭ.-- ފޮޓޯ: ހުސެއިން ވަހީދު/ އަދަދު

ރާއްޖޭގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ އަލީ އަޝްފާގު (ދަގަނޑޭ)، ކުރިއަށް އޮތް ސީޒަނަށް ތައްޔާރުވާން ކްލަބް ވެލެންސިއާގެ ޕްރެކްޓިހަށް ނުކުމެއްޖެ އެވެ.

މިދިޔަ ސީޒަނުގައި ކްލަބް ވެލެންސިއާގެ ކެޕްޓަންކަން ކުރި ދަގަނޑޭ، 36، މި ފަހަރުގެ ޕްރީ ސީޒަނުގައި ފުރަތަމަ ފިޓްކޮށް ހުންނަން އަމިއްލަ އަށް ޓްރެއިނިން ސެޝަންތަކެއް ކުރިއަށް ގެންދިއުމުގެ އިތުރުން ސުޕަ ޔުނައިޓެޑް ސްޕޯޓްސް (ސަސް)އާ އެކު ވެސް ފަރިތަކުރުންތަކެއްގައި ބައިވެރިވި އެވެ. އެކަމަކު، ރަސްމީކޮށް ކްލަބެއްގެ ޕްރެކްޓިހުން މި ފަހަރު ޕްރީ ސީޒަނުގައި ދަގަނޑޭ ފެނުނީ އިއްޔެ ކްލަބް ވެލެންސިއާ އިންނެވެ.

ވެލެންސިއާ އިން ވަނީ ތަޖުރިބާކާރު ދެ މިޑްފީލްޑަރުން ކަމަށްވާ އަސްހަދު އަލީ (އަޑުބަރޭ) އާއި އިސްމާއިލް އީސާ (މެސީ) އަދި މާޒިޔާ އަށް ގިނަ އަހަރުތަކެއް ވަންދެން ކުުޅުނު ޑިފެންޑަރު އަމްދާން އަލީ (އެންޑީ)ގެ ސޮއި ހޯދައިފަ އެވެ. މިދިޔަ ސީޒަނުގައި ވެލެންސިއާ އަށް ކުޅުނު އަލީ ފާސިރު (ސެންޓޭ) މި ފަހަރު ވެސް ފެންނާނީ ވެލެންސިއާ އިންނެވެ.

Advertisement

ވެލެންސިއާގެ ޕްރީ ސީޒަން ފަރިތަކުރުމެއްގެ ތެރެއިން.-- ފޮޓޯ: އާއިމް ޒަމީރު/ އަދަދު

އެކަމަކު، މިދިޔަ ސީޒަންގައި ކްލަބް ވެލެންސިއާ އިން ފެނުނު ގައުމީ ޓީމުގެ ކެޕްޓަން އަކުރަމް އަބްދުލް ގަނީ (އަކޫ) ވަނީ ލީގު ޗެމްޕިއަން މާޒިޔާ އަށް ބަދަލުވެފަ އެވެ.

ދަގަނޑޭ ފުޓްބޯޅަ ކެރިއަރު ފެށީ އުމުރުން 16 އަހަރުގައި 2001 ވަނަ އަހަރުގެ ޕޮމިސް ކަޕުގައި ވެލެންސިއާގެ ޖާޒީގަ އެވެ. ފުރަތަމަ ކުޅުނު މުބާރާތުގައި ވެސް ރަން މެޑަލް ކަރުގައި އަޅުވާލި އެވެ. އަދި 2005 ވަނަ އަހަރުގެ ނިޔަލަށް އެ ޓީމަށް ކުޅުނުއިރު ދިވެހި ލީގު ހަތަރު ފަހަރު، ކަޕްވިނާސް ކަޕް ދެ ފަހަރު އަދި އެފްއޭ ކަޕް އެއް ފަހަރު ހާސިލްކުރި އެވެ. އޭނާ ދެން ބަދަލުވީ 2006 ގައި ނިއު އަށެވެ. އެ ސީޒަނުގައި އެ ކްލަބާ އެކު އެފްއޭ ކަޕާއި ދިވެހި ލީގު ކާމިޔާބުކުރިއިރު ޖެހިގެން އައި އަހަރު އެ ޓީމަށް އެފްއޭ ކަޕް މިލްކުކޮށްދިނެވެ. އަދި އެ އަހަރު ނިއު އިން ރިލީޒް ހޯދައިގެން ދުވަސްކޮޅަކު ބުރުނާއީގެ ޑީޕީއެމްއެމް އަށް ކުޅުނެވެ. އޭގެ ފަހުން ރެކޯޑް އަގެއްގައި 2008 ގައި ވީބީއާ ގުޅުނެވެ. ވީބީއާ އެކު ހަދާފައިވާ ކޮންޓްރެކްޓް އުވާލުމަށް ފަހު ދަގަނޑޭ 2012 ވަނަ އަހަރު އެނބުރި ނިއު އަށް ދިޔަ އެވެ.

އޭގެ ފަހުން ދަގަނޑޭ ވަނީ މެލޭޝިއާގެ ޕީޑީއާރްއެމް އަށް ކުޅެ 2014 ވަނަ އަހަރުގެ މެލޭޝިއާ ޕްރިމިއާ ލީގު ކާމިޔާބުކޮށްދީ އެ ޓީމު ސުޕަ ލީގަށް ޕްރޮމޯޓްކޮށްދީ އެ ގައުމުގެ އެންމެ މޮޅު ބިދޭސީ ކުޅުންތެރިއާގެ މަގާމް ހޯދައިފަ އެވެ. ޖެހިގެން އައި އަހަރު އެ ޓީމު މެލޭޝިއާ ސުޕަ ލީގުގައި ވާދަކުރިއިރު އިރު ވެސް ތަފާތު ދެއްކި އެވެ. އޭނާ އެ ޓީމު ދޫކޮށްލީ އަނިޔާގެ ސަބަބުން 2016 ވަނަ އަހަރު ކޮންޓްރެކްޓް އުވާލުމަށް ފަހު އެވެ. އެއަށް ފަހު އެނބުރި ރާއްޖެ އައިސް އެ އަހަރުގެ ދިވެހި ލީގުގައި މާޒިޔާއާ ގުޅި އެ ޓީމަށް ދިވެހި ލީގު ކާމިޔާބުކޮށްދިނުމުގައި މުހިއްމު ރޯލެއް ކުޅުނެވެ.

އަލުން 2017 ވަނަ އަހަރު ކެރިއަރުގައި ތިން ވަނަ ފަހަރަށް ނިއުއާ ގުޅި އެ ޓީމާ ކާމިޔާބުތަކެއް ހޯދުމަށް ފަހު 2018 ވަނަ އަހަރުގެ ސީޒަން މެދުތެރެއިން ނިއު އިން މުސާރަ ނުދޭ މައްސަަލައިގައި ރިލީސް ހޯދައި ޓީސީ އަށް ބަދަލުވި އެވެ. އަދި އެ ޓީމަށް ދިވެހި ޕްރިމިއާ ލީގު ތަށި ހޯދައިދިނުމުގައި އެހީތެރިވި އެވެ. ދަގަނޑޭ، ޓީސީ އަށް ފަހު ޖެހިގެން އައި ސީޒަން ފެށީ ގްރީން ސްޓްރީޓްސް އިންނެވެ. އެ ޓީމުގެ ކެޕްޓަން ބޭންޑް އަޅައިގެން ކުޅުމަށް ފަހު ދަގަނޑޭ ވަނީ އޭއެފްސީ ކަޕް ކުޅެން އަލުން ޓީސީ އަށް ބަދަލުވެފަ އެވެ. މިދިޔަ ސީޒަން ފެށެން ގާތްވެފައިވަނިކޮށް ވެލެންސިއާ އަށް ބަދަލުވެ، އެ ޓީމަށް ލީގުގެ ދެ ވަނަ ހޯދައިދޭން ދަގަނޑޭ އެހީތެރިވި އެވެ.

ދަގަނޑޭ، ކްލަބް އީގަލްސްގެ ޕްރެކްޓިހެއްގެ ތެރެއިން.-- ފޮޓޯ: ހުސެއިން ޝަޔާހު/ އަދަދު

މިދިޔަ ސީޒަނުގައި ލީގުގައި ކުޅުނު މެޗުތަކުގައި ދަގަނޑޭ ވަނީ ފަސް ގޯލު ޖަހައި ފަސް ގޯލު ޖަހަން ފުރުސަތު ތަނަވަސްކޮށްދީފަ އެވެ. ކޮވިޑް-19ގެ ސަބަބުން މިދިޔަ ސީޒަން އަވަހަށް ނިންމާލިއިރު، އޭއެފްސީ ކަޕްގެ ކޮލިފައިންގައި ކުޅެން ދަގަނޑޭ ކްލަބް އީގަލްސްއާ ގުޅުނެވެ. އެކަމަކު، ބެންގަލޫރާ ދެކޮޅަށް ކުޅެން އޮތް ޕްލޭއޮފް މެޗުގައި އަނިޔާގެ ސަބަބުން ދަގަނޑޭ ނުކުޅެ އެވެ.

ވެލެންސިއާ އިން އެންމެ ފަހުން ބޭއްވި ޕްރީ ސީޒަން ފަރިތަކުރުންތަކުގައި އެ ޓީމަށް މިދިޔަ ސީޒަނުގައި އިރުޝާދުދިން ކޯޗު މުހައްމަދު އާތިފް (އާތީ) ބައިވެރިނުވެ އެވެ. ވެލެންސިއާގެ ހެޑްކޯޗެއްގެ ޒިންމާ ނަގަނީ އިސްމާއިލް އާސިފް (ކުޑަހީނާ) އެވެ.

ވެލެންސިއާ އިން މި ސީޒަނުގައި ފުރަތަމަ ކުޅޭނެ މެޗަކީ އަންނަ ބުދަ ދުވަހުގެރޭ މާޒިޔާއާ ދެކޮޅަށް ކުޅޭ އެފްއޭ ޗެރިޓީ ޝީލްޑް މެޗެވެ. ސީޒަނުގެ ފުރަތަމަ މުބާރާތަކީ މި މަހު 19 ވަނަ ދުވަހު ފަށާ ޕްރެޒިޑެންޓްސް ކަޕް އެވެ. އެ މުބާރާތުގައި ވެލެންސިއާ ކުޅޭ ފުރަތަމަ މެޗުގައި ބައްދަލުކުރާނީ ޔުނައިޓެޑް ވިކްޓަރީ (ޔޫވީ)އާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox