ފަހު މެޗު ފުރަތަމަ ދެ މެޗަށް ވުރެ ރަނގަޅުވާނެ: ކުޑަކާއްޓެ

Dec 12, 2021, 3:42 AM
ގައުމީ ވޮލީބޯޅަ ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓެ).-- ފޮޓޯ: ރައީސް އޮފީސް

ގައުމީ ވޮލީބޯޅަ ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓެ).-- ފޮޓޯ: ރައީސް އޮފީސް

މި މަހު ބަންގްލަދޭޝްގައި ބާއްވާ އޭވީސީ ސެންޓްރަލް ޒޯން މުބާރާތަށް ތައްޔާރުވާން ގައުމީ ވޮލީ ޓީމުން މާލޭގައި ލަންކާއާ ދެކޮޅަށް ކުޅުނު ފުރަތަމަ ދެ މެޗަށް ބަލާއިރު ކަންކަން ރަނގަޅު އެބަކުރެވޭ ކަމަށާއި މިރޭ ކުޅޭ ފަހު މެޗު ފުރަތަމަ ދެ މެޗަށް ވުރެ ރަނގަޅުވާނެ ކަމަށް ޓީމުގެ ކެޕްޓަން އިސްމާއިލް ސާޖިދު (ކުޑަކާއްޓެ) ބުނެފި އެވެ.

މިދިޔަ ބުރާސްފަތި ދުވަހުގެރެޔާއި ހުކުރު ދުވަހުގެރޭ ލަންކާއާ ދެކޮޅަށް ކުޅުނު ދެ މެޗުން ވެސް ރާއްޖެ ބަލިވީ ސީދާ ތިން ސެޓުންނެވެ. ފުރަތަމަ މެޗުގެ ސެޓުތައް ދިޔައީ 25-13، 25-14 އަދި 25-18 އިންނެވެ. ރޭ ކުޅުނު މެޗުގައި ރާއްޖޭން ރަނގަޅު ވާދައެއް ކުރިއިރު، ސެޓުތައް ދިޔައީ 25-19، 25-21 އަދި 25-23 އިންނެވެ. ދެ މެޗަށް ބަލާއިރު، ރާއްޖޭން ދެ ވަނަ މެޗުގައި ވަރަށް ރަނގަޅު ކުޅުމެއް ދެއްކި އެވެ.

"މެޗަކަށް ފަހު މެޗެއް ރަނގަޅުވަމުން މި އަންނަނީ. ހުރިހާ ކުޅުންތެރިންގެ ޕާފޯމަންސް ރަނގަޅުވަމުން މި އަންނަނީ. ފަހު މެޗު ފުރަތަމަ ދެ މެޗަށް ވުރެ ރަނގަޅުވާނެ. އިންޝާﷲ،" ކުޑަކާއްޓެ ބުންޏެވެ.

ރާއްޖޭން ލަންކާއާ ދެކޮޅަށް މި ކުޅެނީ ބޮޑު ބްރޭކަކަށް ފަހު އެވެ. އެއީ ކޮވިޑް-19އާ ހެދި ރާއްޖޭގައި ކުޅިވަރު ހަރަކާތްތައް ހުއްޓާލާފައި ގިނަ ދުވަސްތަކެއް ވަންދެން އޮތުމަށް ފަހު އެވެ. ނޭޕާލުގެ ކަތުމަންޑޫގައި 2019 ވަނަ އަހަރުގެ ޑިސެމްބަރު މަހު ކުޅުނު ސައުތު އޭޝިއަން ގޭމްސް އަށް ފަހު ގައުމީ ޓީމުން ކުޅޭ ފުރަތަމަ މެޗުތަކަކީ ލަންކާއާ ދެކޮޅަށް މި ކުޅޭ މެޗުތަކެވެ.

"ފުރަތަމަ މެޗާ ބެހޭގޮތުން ވާހަކަ ދައްކާއިރު، އަޅުގަނޑަށް ހީވަނީ ވަރަށް ބޮޑު ބްރޭކަކަށް ފަހު އަޅުގަނޑުމެން މެޗެއް މި ކުޅުނީ، ގާތްގަނޑަކަށް ބުނަންޏާ ލޮކްޑައުން އަށް ފަހު ދެ އަހަރު ވަރު ކޮށްލާފައި މެޗެއް މި ކުޅުނީ. އެންމެން އެއްކޮށް ހަމަވެގެން ޕްރެކްޓިސް ކުރެވުނީ އެއް މަސް ދުވަސް،" މެޗުތަކަށް އައިއިރު ހުރި ގޮންޖެހުމަށް އިޝާރާތްކޮށް ކުޑަކާއްޓެ ބުންޏެވެ.

"ތަންކޮޅެއް ބޮޑަށް ލަންކާ ޓީމު ބަދަލުވެފައި އޮތީމައާ އެކު ކޮންފިޑެންސާއި މެޗު އެކްސްޕީރިއަންސް މި ދޭތެރޭގައި ދަށްވުން އެއީ ދިމާވި ކަމަކީ. ދެން ފުރަތަމަ މެޗަށް ވުރެ ދެ ވަނަ މެޗު ހިތްހަމަޖެހޭ އެކަމު، ސެޓެއް އެއްޗެއް ނުލިބުނީމަ ފުދޭވަރަަކަށް ދެރަވޭ،"

ގައުމީ ޓީމުގެ ހެޑް ކޯޗު މުހައްމަދު ސާޖިދު (ކާއްޓޭ) ވެސް ވަނީ މެޗަކަށް ފަހު މެޗެއް ޓީމުގެ ކުޅުން ރަނގަޅުވަމުން އަންނަ ކަމަށް ބުނެފަ އެވެ. އަދި ދެ ވަނަ މެޗުގައި ދެެއްކި ކުޅުމުގައި ގޯސްކޮށްދިޔައީ ސެޓިންގެ މައްސަލަ އާއި ކުޅުންތެރިންނަށް ހެދުނު ކުދިކުދި ގޯސްތައް ކަމަށެވެ. ކެޕްޓަން، ކުޑަކާއްޓެ ވެސް އެކަމަށް އެއްބަސްވެ އެވެ.

"ދެ ވަނަ މެޗުގައި ވަރަށް ރަނގަޅަށް ކުޅެވިފައި ދިޔައީ. ޑިފެންސް ބޯޅައިގައި ގިނަ ބޯޅަތައް އަޅުގަނޑުމެންނަށް ނުނިންމިގެން ދިޔައީ. އޭގެއިން އަޅުގަނޑުމެންނަށް ލީޑު ނަގަން ލިބޭ ޕޮއިންޓްތައް ވެސް ގެއްލިގެން މިދިޔައީ. އަމިއްލަ މިސްޓޭކް ވެސް ތަންކޮޅެއް ގިނަވީ،" ކުޑަކާއްޓެ ބުންޏެވެ.

ޒުވާނުންގެ މަރުކަޒު އެތެރެ ކޯޓުގައި މިރޭ ލަންކާއާ ދެކޮޅަށް ކުޅޭ މެޗު ފަށާނީ ރާއްޖެ ގަޑިން 21:00 ގަ އެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox