މިދިޔަ މަހު ރާއްޖެ އައި ޓޫރިސްޓުންގެ އަދަދު 2019 ވަނަ އަހަރު ނޮވެމްބަރު ރާއްޖެ އައި ޓޫރިސްޓުންގެ އަދަދަށް ވުރެ ގާތްގަނޑަކަށް ފަސް ޕަސެންޓް އިތުރުވެއްޖެ އެވެ.
ޓޫރިޒަމް މިނިސްޓްރީން އިއްޔެ ހާމަކުރި ތަފާސް ހިސާބު ތަކުން ދައްކާ ގޮތުގައި:
- މިދިޔަ މަހު އައި ޓޫސްޓުންގެ އަދަދު: 144،725
- 2020 ގެ ނޮވެމްބަރު މަހު އައި ޓޫރިސްޓުންގެ އަދަދު: 35،757
- 2019 ގެ ނޮވެމްބަރު މަހު އައި ޓޫރިސްޓުންގެ އަދަދު: 137،921
ތަފާސް ހިސާބު ތަކުން ދައްކާ ގޮތުގައި މި އަހަރުގެ އޮކްޓޫބަރު މަހު އައި 142،066 ޓޫރިސްޓުންގެ އަދަދަށްވުރެ މިދިޔަ މަހު އައި ޓޫރިސްޓުންގެ އަދަދު 2،659 އިތުރު ވެފައިވެ އެވެ.
މި އަހަރު ރާއްޖެ އަށް ޒިޔާރަތްކުރި ޓޫރިސްޓުން ރާއްޖޭގައި ހޭދަކޮށްފައިވާ ރޭގެ އަދަދު 10 މިލިއަނަށް ވުރެ މައްޗަށް އަރައިފައި ކަމަށް ޓޫރިޒަމް މިނިސްޓްރީން ވަނީ ބުނެފަ އެވެ.
https://adhadhu.com/article/18912
ޓޫރިޒަމް މިނިސްޓްރީގެ ތަފާސް ހިސާބު ތަކުން ދައްކާ ގޮތުގައި މި އަހަރުގެ މިހާތަނަށް ރާއްޖެ އައި ޓޫރިސްޓުންގެ 22.5 ޕަސެންޓް ހިއްސާކޮށް އެންމެ ކުރީގައި އޮތީ އިންޑިޔާ އެވެ. ދެ ވަނާގައި ރަޝިޔާ އޮތީ 17.6 ޕަސެންޓް ހިއްސާ އާއެކު އެވެ. ތިން ވަނާގައި އޮތް ޖަރުމަނުގެ ނިސްބަތަކީ 7.2 ޕަސެންޓެވެ.
މިދިޔަ މަހު ރާއްޖެ އައި ޓޫރިސްޓުން އެވަރެޖެކޮށް އަށް ރޭ ހޭދަކޮށްފައިވެ އެވެ.
ޓޫރިސްޓުންނަށް ހިދުމަށް ދިނުމަށްޓަކައި 52،024 އެނދު ރާއްޖޭގައި ހިންގަ އެވެ.
- 160 ރިސޯޓުގައި 37,352 އެނދު
- 597 ގެސްޓް ހައުސްގައި 10,466 އެނދު
- 144 ސަފާރީގައި 2,846 އެނދު
- ދިހަ ހޮޓަލުގައި 1,360 އެނދު
ކޮވިޑް-19 ގެ ސަަބަބުން މިދިޔަ އަހަރު ތިން މަހަށްވުރެ ގިނަ ދުވަހަށް ރާއްޖޭގެ ބޯޑަރު ބަނދުކުރި އެވެ. މި ހިނގާ ޑިސެމްބަރު މަހުގެ ހަތަރު ވަނަ ދުވަހު އެކަނި ވެސް ރާއްޖެ އަށް ހައެއްކަ ހާސް ޓޫރިސްޓުން ޒިޔާރަތްކޮށްފައިވެ އެވެ.
