މީގެ ތިރީހަކަށް އަހަރު ކުރިން ވުޖޫދަށް އައި ރަހަ މީރު "ޓްޑޭސް ޓޭސްޓް" ސައިފަތް ބްރޭންޑުގެ ނަސީބުވެރިން ހޮވައި 55 އިންޗީގެ ޓީވީ ހަދިޔާ ކުރާނެ ތިން ފަރާތް ޕިރަމިޑް ފިހާރަ އިން އިއްޔެ އިއުލާނު ކޮށްފި އެވެ.
ޓްޑޭސް ޓޭސްޓް ނަސީބު ވެރިންނަށް ހޮވިފައި ވަނީ:
- އާދަމް ރިޔާޒު (A281316)
- އޮއްޕޮ (EH0206060)
- ޝާފިއު ރަޝީދު (A134334)
މިހާރު ކުރިއަށް ގެންދާ ޓްޑޭސް ޓޭސްޓްގެ ފުރަތަމަ ބުރުގެ ނަސީބުވެރިން ހޮވީ، ރާއްޖޭގެ އަމިއްލަ އެންމެ ގިނަދުވަސްވީ ސައިފަތް އިސްތިހާރު ކުރުމަށާއި، ޕިރަމިޑް ފިހާރަ އިން ރާއްޖެ އެރެކޮށް ވިއްކާ މަންޗީ ބްރޭންޑުގެ ބިސްކޯދުގެ ރަހަ ދެއްކުމަށް ހުޅުމާލެ މެއިން ބަސް ސްޓޮޕް ކައިރީގައި އިއްޔެ ހަވީރު ބޭއްވި ހަރަކާތެއްގަ އެވެ.
"ޓްޑޭސް ޓޭސްޓުގެ ޓީވީ ލިބޭ ޕްރޮމޯޝަން ކުރިއަށް އޮތް ދުވަސް ތަކުގައި ވެސް ކުރިއަށް ދާނެ،" ޕިރަމިޑްގެ މާކެޓިން މެނޭޖަރު މުހައްމަދު ސޮބާހު ވިދާޅުވި އެވެ.
ޓްޑޭސް ޓޭސްޓް ޕްރޮމޯޝަންގައި ބައިވެރި ވާނީ ކިހިނެތް؟
ކޮންމެ ވެސް ފިހާރަ އަކުން ޓްޑޭސް ޓޭސްޓްގެ 100 ޓީބޭގް ހިމެނޭ ސައިފަތް ފޮއްޓެއް ގަންނާށެވެ. ފޮށީގެ ތެރޭގައި ކުލަ ކަރުދާސް ކޮޅެއް ނުވަތަ ކުލަ ނޫން ކަރުދާސްކޮޅެއް އޮންނާނެ އެވެ. ޓީވީ ލިބޭ ގުރުއަތުގައި ބައިވެރިވެވޭނީ ކުލަ ކަރުދާސްކޮޅުގެ ފަހަތުގައިވާ މަސައްކަތް ފުރިހަމަ ކޮށްގެން ޕިރަމިޑް ފިހާރަ އަށް ގެންދިއުމުންނެވެ. ކުލަ ނޫން ކަރުދާސް ކޮޅުގެ ފަހަތުގައިވާ މަސައްކަތް ފުރިހަމަ ކޮށްފައި ޕިރަމިޑް ފިހާރަ އަށް ހުށަހެޅުމުން ވެސް ސައިބޯ ޖޯޑެއް ނުވަތަ މަގެއް ހަދިޔާ އަކަށް ލިބޭނެ އެވެ.
ޕިރަމިޑް ފިހާރަ އިން ބުނި ގޮތުގައި ޓީވީ ލިބޭ ޕްރޮމޯޝަން ވަކި މުއްދަތެއް ނެތި ކުރިއަށް ގެންދަން ވަނީ ނިންމައިފަ އެވެ. ގުރުއަތަށް ހޮވިފައިވާ ނަމަ، ފުރަތަމަ ބުރުގައި އިނާމު ނުލިބޭ ބައިވެރިން ވެސް ފަހުގެ ބުރު ތަކުގައި ގުރުއަތު ތަކުގައި ބައިވެރި ކުރާނެ އެވެ.
ޕިރަމިޑް ފިހާރަ އިން އިއްޔެ ދެން އެންމެ ހާއްސަކޮށް ކުރިއަށް ގެންދިޔަ ކަމަކީ ސްރީ ލަންކާގެ އިންޓަނެޝަނަލް ބްރޭންޑެއް ކަމަށްވާާ މަންޗީ ބްރޭންޑުގެ ބިސްކޯދުގެ ރަހަ ދެއްކުމެވެ. އެ އާއި އެކު އެ ބްރޭންޑުގެ ސާވޭ އެއް ވެސް ކުރިއަށް ގެންދިޔަ އެވެ. ސަވޭވާގައި ބައިވެެރިވި ކޮންމެ ފަރާތަކަށް ހަދިޔާ އަށް ބިސްކޯދު ދީފައިވެ އެވެ.
މަންޗީ މާރީ އާއި މިލްކް ސޯޓް ކޭކް އަދި ލެމަން ޕަފް އާއި ޗޮކްލެޓް ޕަފް ބިސްކޯދު، މިދިޔަ ދުވަސް ތަކުގައި، ރާއްޖޭގެ ކުޑަކުދިންނާއި ބޮޑެތި މީހުންގެ މެދުގައި ވަރަށް ބޮޑު މަގުބޫލު ކަމެއް ހޯދާފައިވެ އެވެ. ސްރީ ލަންކާގެ ސީބީއެލް ގްރޫޕުން މަންޗީ ބްރޭންޑުގެ ބިސްކޯދު އުފައްދާތާ މިހާރު 50 އަށްވުރެ ގިނަ އަހަރު ވެއްޖެ އެވެ.
