އެސްޓަން ވިލާގެ ކޯޗަކަށް ހުރެ ބޭނުންވާ ތަފާތު ދެއްކޭނެ ކަމަށް ޖެރާޑް ގަބޫލުކުރޭ

Nov 11, 2021, 12:12 PM
އެސްޓަން ވިލާގެ ކޯޗަކަށް ހުރެ ބޭނުންވާ ތަފާތު ދެއްކޭނެ ކަމަށް ޖެރާޑް ގަބޫލުކުރޭ

ބާމިންހަމް (ނޮވެމްބަރު 11) - ސްކޮޓްލެންޑްގެ ރޭންޖާސް ކޯޗުކަން ދޫކޮށް ހުސްވެފައިވާ އެސްޓަން ވިލާގެ ކޯޗުގެ ވަޒީފާއާ ހަވާލުވީ އެ ކްލަބްގެ މެނޭޖްމަންޓުން ބޭނުންވާ ތަފާތު ދެއްކޭނެ ކަމުގެ އުއްމީދު އޮތުމުން ކަމަށް އެސްޓަން ވިލާގެ ކޯޗުކަމާ މިއަދު ރަސްމީކޮށް ހަވާލުވި ކޯޗު ސްޓީވެން ޖެރާޑް ބުނެފި އެވެ.

އެސްޓަން ވިލާގެ ކޯޗަކަށް ހުރި ޑީން ސްމިތަށް މަގާމު ގެއްލުނީ މިދިޔަ އާދިއްތަ ދުވަހު އެވެ. އޭނާ ވަކިކުރަން އެސްޓަން ވިލާ ބޯޑުގެ އިއްތިފާގުން ނިންމީ ޕްރިމިއާ ލީގުގައި ޖެހިޖެހިގެން ފަސް މެޗުން ބަލިވުމުންނެވެ.

ރޭންޖާސްއާ އެކު ޖެރާޑް ހަދާފައިވާ ކޮންޓްރެކްޓް އުވާލަން ދައްކަން ޖެހޭ ހަ މިލިއަން ޑޮލަރުގެ ކޮމްޕެންސޭޝަން ފީ އެސްޓަން ވިލާ އިން ވަނީ މިއަދު ދައްކައިފަ އެވެ. އުމުރުން 41 އަހަރުގެ ޖެރާޑް، އެސްޓަން ވިލާއާ އެކު ސޮއިކުރީ 2025 ވަނަ އަހަރުގެ ޖޫންގެ ނިޔަަލަށެވެ.

Advertisement

ލިވަޕޫލްގެ ކުރީގެ ކެޕްޓަން، ޖެރާޑް ބުނީ އެސްޓަން ވިލާ އަކީ މުއްސަނދި ތާރީހެއް އޮތް ކްލަބެއް ކަމަށާއި މި ވަގުތަށް ބަލާއިރު ވަރަށް އުއްމީދީ ސްކޮޑެއް އޮތް ޓީމެއް ކަމަށެެވެ.

"މި ކްލަބްގެ މެނޭޖްމަންޓުން ބޭނުންވާ ތަފާތު ދެއްކޭނެ ކަމުގެ އުއްމީދު އަހަންނަށް އެބައޮތް،" އެސްޓަން ވިލާގެ ރަސްމީ މީޑިއާ އަށް ދިން އިންޓަވިއުގައި ޖެރާޑް ބުންޏެވެ.

ލިވަޕޫލްގެ ކޯޗު ޔާގެން ކްލޮޕް އެ ޓީމާ އެކު ކޮންޓްރެކްޓްގައި ހުރީ 2024 ވަނަ އަހަރުގެ ޖޫންގެ ނިޔަލަށެވެ. ޖެރާޑަކީ ކްލޮޕަށް ފަހު ލިވަޕޫލާ ހަވާލުވާނެ ކޯޗުކަމަށް މީޑިއާގައި އަޑުފެތުރިފައިވެ އެވެ. އެކަމަކު، މީގެ ކުރިން ޖެރާޑް ވަނީ އެއީ މިހާތަނަށް ހަގީގަތެއް އޮތް ވާހަކައެއް ނޫން ކަމަށާއި އެހެން ނަމަވެސް، ލިވަޕޫލްގެ ހުށަހެޅުމެއް ލިބިއްޖެނަމަ ވަރަށް ވިސްނަންޖެހޭ ކަމަށް ބުނެފަ އެވެ.

މިދިޔަ ސީޒަނުގައި ރޭންޖާސް އިން ވަނީ ޖެރާޑްގެ ކޯޗުކަމުގައި މެޗަކުން ބަލިނުވެ، ސްކޮޓްލެންޑްގެ ޗެމްޕިއަންކަން ހޯދައިފަ އެވެ. މިއީ އެ ޓީމުން މިދިޔަ 122 އަހަރު ތެރޭ ލީގުގައި ބަލިނުވެ ނިންމާލި ފުރަތަމަ ފަހަރެވެ.

އެސްޓަން ވިލާގެ ސީއީއޯ ކްރިސްޓިއަން ޕާސްލޯ ވިދާޅުވީ ރޭންޖާސްގައި ޖެރާޑް ކުރި ރަނގަޅު މަސައްކަތްތައް އެސްޓަން ވިލާގައި ތަކުރާރުކުރަން އެ ކްލަބްގެ މެނޭޖްމަންޓުން އެދޭ ކަމަށާއި އެކަމަށް ބޭނުންވާ ސަޕޯޓް ވެސް ކްލަބުން ދޭނެ ކަމަށެވެ.

މިދިޔަ ސީޒަނުގައި އިނގިރޭސި ޕްރިމިއާ ލީގުގެ 11 ވަނައިގައި ނިންމާލި އެސްޓަން ވިލާ ވަނީ މިދިޔަ ތިން އަހަރަށް ބަލާއިރު، ކުޅުންތެރިން ގަންނަން 402 މިލިއަން ޑޮލަރު ހަރަދުކޮށްފަ އެވެ.

އެސްޓަން ވިލާގެ ކޯޗުގެ މަގާމުގައި ކުރިން ހުރި ޑީން ސްމިތަށް މި ސީޒަނުގައި ދިމާވި އެންމެ ބޮޑު މައްސަލަ އަކީ ލީގު ފެށެން ކުޑަތަންވެފައި ވަނިކޮށް ޓީމުގެ ކެޕްޓަން ޖެކް ގްރީލިޝް ބޮޑު އަގުގައި ޓީމު ދޫކޮށްލަން ޖެހުނުއިރު، އެކަމަށް ތައްޔާރުވާން މި ފަހަރުގެ ޓްރާންސްފާ މާކެޓްގައި ގެނައި ކުޅުންތެރިންތަކަށް ތަފާތެއް ނުދެއްކުމެވެ.

މެންޗެސްޓާ ސިޓީން ގްރީލިޝް ގަތީ 123 މިލިއަން ޑޮލަރު އެސްޓަން ވިލާ އަށް ދީފަ އެވެ. ވިލާ އިން މި ފަހަރުގެ ޓްރާންސްފާ މާކެޓްގައި ގެނައި އެޓޭކިން ކުޅުންތެރިންނަކީ ޑެނީ އިންގްސް، ލެއޯން ބެއިލީ އަދި އެމީ ބުއެންޑީއާ އެވެ. މި ތިން ކުޅުންތެރިންނަށް ވެސް ވަނީ ފޯމު ގެއްލުމާއި އަނިޔާގެ މައްސަލަތައް ތަކުރާރުވަމުންނެވެ.

ޖެރާޑްގެ ކޯޗުކަމުގައި އެސްޓަން ވިލާ ކުޅޭ ފުރަތަމަ މެޗުގައި މި މަހު 20 ވަނަ ދުވަހުގެރޭ އަމިއްލަ ދަނޑުގައި ނުކުންނާނީ ބްރައިޓަންއާ ދެކޮޅަށެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox