ދަނޑުވެރިކަން ކުރަން 5 ރަށެއް 21 އަހަރަށް ކުއްޔަށް ދޭން ބީލަމަށް

ދަނޑުވެރިކަން ކުރަން ކުއްޔަށް ދޭން ހުޅުވާލި ބައެއް ރަށްތައް: މި ރަށްތައް ކުއްޔަށް ދެނީ ކުޑަ އަގެއްގައި. -- ފޮޓޯ: މުހައްމަދު އިސާމު/އަދަދު

ދަނޑުވެރިކަން ކުރަން ކުއްޔަށް ދޭން ހުޅުވާލި ބައެއް ރަށްތައް: މި ރަށްތައް ކުއްޔަށް ދެނީ ކުޑަ އަގެއްގައި. -- ފޮޓޯ: މުހައްމަދު އިސާމު/އަދަދު

ދަނޑުވެރިކަން ކުރަށް ފަސް ރަށެއް 21 އަހަރަށް ކުއްޔަށް ދޭން އެގްރިކަލްޗާ މިނިސްޓްރީން ބީލަން ހުޅުވާލައިފި އެވެ.

މިފަހަރު ބީލަން ހުޅުވާލި ފަސް ރަށުގެ ތެރެއިން ތިން ރަށަކީ މިދިޔަ އަހަރު ދަނޑުވެރިކަމަށް ދޫކުރަން އުޅުނު ރަށްތަކުގެ ތެރެއިން ކުއްޔަށް ނުދެވުނު ރަށްތަކެވެ.

މި ރަށްތަކަކީ ށ. ނެޔޮ، ނ. ތޮޅެންދޫ އަދި ގއ. އޮއިނިގިއްލާ އެވެ. އެގްރިކަލްޗާ މިނިސްޓްރީން އިވެލުއޭޝަން މަރުހަލާ ފުރިހަމަކޮށް އާންމުކުރި ނަތީޖާ ޝީޓު ދައްކާ ގޮތުގައި މި ރަށްތައް ކުއްޔަށް ނުދެވުނީ ކުރިމަތިލީ އެއްވެސް ފަރާތަކަށް ބިޑު ކާމިޔާބުކުރެވޭ ވަރަށް މާކްސް ނުލިބޭތީ އެވެ.

Advertisement

ދަނޑުވެރިކަމަށް ދޫކުރާ ރަށްތައް

  • ށ. ނެޔޮ
  • ނ. ތޮޅެންދޫ
  • ގދ. އޮއިނިގިއްލާ
  • މ. މާހުރާ
  • ލ. ތުނބުރި

ރަށްތަކުގެ ބީލަން ހުޅުވާލަމުން މިނިސްޓްރީން ކުރި އިއުލާނުގައި ބުނި ގޮތުގައި މި ފަޅު ރަށްތައް ކުއްޔަށް ދޫކުރަނީ ސަރުކާރުގެ ސްޓްރެޓަޖިކް އެކްޝަން ޕްލޭން (ސެޕް)ގައި ކަނޑައެޅިފައިވާ ދަނޑުވެރިކަމުގެ ސިޔާސަތުތައް ތަންފީޒު ކުރުމުގެ ގޮތުންނެވެ.

"މި ފަޅު ރަށްތައް ކުއްޔަށް ދޫކުރުމުގައި މަގުސަދަކީ ރާއްޖޭގައި ކާބޯތަކެތި އުފެއްދޭ މިންވަރު އިތުރުކޮށް، ރާއްޖެއަށް އެތެރެކުރަންޖެހޭ ކާބޯތަކެތީގެ މިންވަރު މަދުކޮށް، ކާނާގެ ޔަގީންކަން ކަށަވަރުކޮށް ދިނުމެވެ،" މިނިސްޓްރީގެ އިއުލާނުގައި ބުންޏެވެ.

ރަށްރަށުގައި ކުރެވޭ ދަނޑުވެރިކަމުގެ ބާވަތްތައް

މޭވާ އާއީ ތަރުކާރީ ހެއްދުން

އެކި ބާވަތްތަކުގެ ގަސްގަހާގެހީގެ މުޑުވައް ހެއްދުން

ކުކުޅި، އަސްދޫނި ފަދަ ޕޯލްޓްރީ ގެންގުޅުން

ބަކަރި އާއި ގެރި ފަދަ ޖަނަވާރު ގެންގުޅުން

މި ރަށްތަކަށް އިންވެސްޓު ކުރާ މީހުން ކުރަން ޖެހޭ ހަރަދުތައް ކުޑަކުރުމަށް ބާރުއެޅުމުގެ ބޭނުމުގައި މިނިސްޓްރީން ވަނީ ރަށްތަކުގެ ކުލި ކުޑަކޮށްފަ އެވެ. އެގޮތުން ރަށްތަކަށް ކަނޑައަޅާފައިވާ ކުއްޔަކީ އަހަރަކަށް އަކަފޫޓަކަށް 10 ލާރި (0.10ރ) އެވެ.

ދަނޑުވެރިކަމަށް ދޫކުރާ ރަށްތައް: މި ރަށްރަށަށް އަހަރީ ކުލި ކުޑަކުރީ އިންވެސްޓަރުންގެ ހަރަދުތައް ކުޑަކުރަން. -- ގްރެފިކްސް: މުހައްމަދު އިސާމު/އަދަދު
ދަނޑުވެރިކަމަށް ދޫކުރާ ރަށްތައް: މި ރަށްރަށަށް އަހަރީ ކުލި ކުޑަކުރީ އިންވެސްޓަރުންގެ ހަރަދުތައް ކުޑަކުރަން. -- ގްރެފިކްސް: މުހައްމަދު އިސާމު/އަދަދު

ދަނޑުވެރިކަމަށް ދޫކުރާ ރަށްތައް: މި ރަށްރަށަށް އަހަރީ ކުލި ކުޑަކުރީ އިންވެސްޓަރުންގެ ހަރަދުތައް ކުޑަކުރަން. -- ގްރެފިކްސް: މުހައްމަދު އިސާމު/އަދަދު

ރާއްޖެއަށް ބޭނުންވާ ކާނާގެ އުފެއްދުންތެރިކަން އިތުރުކުރުމުގެ ގޮތުން ބިމުގެ ސަރަހައްދުން ގިނަވެގެން 30 ޕަސެންޓު ބިމުގެ ސަރަހައްދެއްގައި މިނިސްޓްރީން ބޭނުންވާ ކާނާގެ ބާވަވްތަކެއް އުފައްދަން ޖެހޭ ގޮތަށް މިނިސްޓްރީން ވަނީ ކަނޑައަޅާފަ އެވެ.

ދަނޑުވެރި ރަށްތަކަށް ތަރުހީބު ބޮޑު

ދަނޑުވެރިކަމަށް ފުރަތަމަ ބުރުގައި ހުޅުވާލި ރަށްތަކުގެ ތެރޭގައި ހިމެނެނީ ހއ. މަޑުލު، ށ. ކަކާއެރިޔަދޫ، ށ. ނެޔޮ، ބ. މާއްޑޫ، ނ. ތޮޅެންދޫ، ގދ. އޮއިނިގިއްލާ އެވެ.

މި ރަށްތަކަށް ދިވެހި ބޮޑެތި ކުންފުނިތައް، ވަކިން ހާއްސަކޮށް ކާބޯތަކެތި އިމްޕޯޓުކުރާ ވިޔަފާރިތަކުގެ ބޮޑު ތަރުހީބެއް ލިބުނެވެ. ނަމަވެސް ގިނަ ބިޑުތައް ވަނީ ފުރަތަމަ އިވެލުއޭޝަނުން ފެއިލްވެފަ އެވެ. އަދި ބާކީ ހުރި ބިޑުތަކުގެ ތެރެއިން ފަހު މަރުހަލާގައި ގިނަ ބިޑުތައް ފެއިލްވީ ހުރިހާ ދާއިރާއަކުން 65 ޕަސެންޓަށް ވުރެ މަތިން މާކްސް ނުލިބޭތީ އެވެ.

ފުރަތަމަ ބުރުގައި ރަށްތަކަށް ހުށަހެޅި ބިޑުތަކުގެ ތެރެއިން ކާމިޔާބު ބިޑެއްގެ ޝަރުތު ހަމަވީ ހއ. މަޑުލުއަށް މަފްހާ ޕްރައިވެޓް ލިމިޓެޑުން ހުށަހެޅި ބިޑާއި ށ. ކަކާއެރިޔަދޫއަށް ޒީރޯ އިންވެސްޓްމަންޓްސް ޕްރައިވެޓް ލިމިޓެޑުން ހުށަހެޅި ބިޑެވެ.

އެކަމަކު ބިޑު ކާމިޔާބުކުރި ފަރާތްތަކާ ރަށްތައް ހަވާލުކުރި ކަމެއް އެގްރިކަލްޗާ މިނިސްޓްރީން ރަސްމީކޮށް ހާމައެއް ނުކުރެ އެވެ. މިކަމާ ގުޅިގެން މިނިސްޓްރީގެ ބަހެއް ހޯދަން ކުރި މަސައްކަތް މިނިސްޓްރީގެ މީޑިއާ އޮފިސަރު ފޯނަށް ޖަވާބު ނުދެއްވާތީ ވަނީ ނާކަމިޔާބުވެފަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox