އުތީމުން ފެނުނު ތާރީހީ ވަޅު ބަހައްޓާނީ އެ ރަށުގައި އަޅާ ދާރުލްއާސާރުގައި

އުތީމުން ފެނުނު ވަޅު ނަގާ އެރަށު ބޮޑުތަކުރުފާނު މަރުކަޒަށް ބަދަލު ކުރުމަށް މަސައްކަތް ކުރަނީ-- ފޮޓޯ: ބޮޑުތަކުރުފާނު މެމޯރިއަލް ސެންޓަރު

އުތީމުން ފެނުނު ވަޅު ނަގާ އެރަށު ބޮޑުތަކުރުފާނު މަރުކަޒަށް ބަދަލު ކުރުމަށް މަސައްކަތް ކުރަނީ-- ފޮޓޯ: ބޮޑުތަކުރުފާނު މެމޯރިއަލް ސެންޓަރު

ހއ. އުތީމު ގޮނޑުދޮށުގެ ގިރަމުންދާ ސަރަހައްދުން ފެނުނު އާސާރީ ވެލިގަލު ފެން ވަޅު، އެ ތަނުން ނެގުމަށްފަހު އެރަށު ބޮޑުތަކުރުފާނު ހަނދާނީ މަރުކަޒުގެ ބެލުމުގެ ދަށަށް ގެންގޮސްފި އެވެ.

އުތީމު ކައުންސިލްގެ ރައީސް އަބްދުﷲ ރަޝީދު "އަދަދު"އަށް ވިދާޅުވީ އެ ސަރަހައްދަކީ ގޮނޑުދޮށް ކަމަށް ވެފައި، ގިރާ ސަރަހައްދަކަށް ވުމުން ވަޅު ފެނުނު ތަނުގައި ނުބެހެއްޓޭނެތީ އެތަނުން ނެގީ ކަމަށެވެ.

އެ ވަޅު ނަގާފައި ވަނީ ހެރިޓޭޖް މިނިސްޓްރީގެ އިރުޝާދާއެކު ބޮޑުތަކުރުފާނު ހަނދާނީ މަރުކަޒުގެ ބޭފުޅުންނާއި އުތީމު ކައުންސިލުގެ އެހީތެރިކަމާއެކު އެވެ.

އުތީމުން ފެނުނު ވަޅު ނެގުމުގެ މަސައްކަތް ކުރަނީ -- ފޮޓޯ: ބޮޑުތަކުރުފާނު މެމޯރިއަލް ސެންޓަރު
އުތީމުން ފެނުނު ވަޅު ނެގުމުގެ މަސައްކަތް ކުރަނީ -- ފޮޓޯ: ބޮޑުތަކުރުފާނު މެމޯރިއަލް ސެންޓަރު

އުތީމުން ފެނުނު ވަޅު ނެގުމުގެ މަސައްކަތް ކުރަނީ -- ފޮޓޯ: ބޮޑުތަކުރުފާނު މެމޯރިއަލް ސެންޓަރު

"އަސްލު އަޅުގަނޑުމެންވެސް ބޭނުން ވަނީ ވަޅު އިންތާ ބައިންދައިގެން އެ ހިމާޔަތް ކުރަން. އެކަމަކު އެއީ އެންމެ ރަނގަޅު ގޮތް ކަމަށް ނުފެންނާތީ ވަޅު ނެގީ. ވަޅު އެތަނުން ނެގިޔަސް އުތީމުގެ ލޭންޑްޔޫސް ޕްލޭންގައިވެސް ވަޅު ފެނުނު ސަރަހައްދު ފާހަގަ ކުރާނެ،" ރަޝީދު ވިދާޅުވި އެވެ.

ވަޅު އެ ސަރަހައްދުން ނަގާ ބޮޑުތަކުރުފާނު ހަނދާނީ މަރުކަޒުގެ ބެލުމުގެ ދަށުގައި މިހާރު ވަނީ ރައްކާތެރި ކުރެވިފަ އެވެ.

ހެރިޓޭޖް މިނިސްޓްރީގެ ކޮމިއުނިކޭޝަން ޑިރެކްޓަރު އިސްމާއިލް ނާއިލް ރަޝީދު ވިދާޅުވީ، އެ ވަޅު އެ ސަރަހައްދުން ނަގާފައި ވަނީ ގިރާ ސަރަހައްދަކަށް ވުމުން ގެއްލިގެންދާނެ ކަމުގެ ބިރަށްޓަކައި ކަމަށެވެ. ވަޅު ނެގުމުގެ ކުރިން ސާވޭ އެއްހަދާ ހެރިޓޭޖް ގާނޫނުގެ ދަށުން ބަލަން ޖެހޭ ކަންކަން ބަލާފައި ވާނެ ކަމަށްވެސް ނާއިލް ވިދާޅުވި އެވެ.

އުތީމުން ފެނުނު ވަޅު ނެގުމުގެ މަސައްކަތް ކުރަނީ -- ފޮޓޯ: ބޮޑުތަކުރުފާނު މެމޯރިއަލް ސެންޓަރު
އުތީމުން ފެނުނު ވަޅު ނެގުމުގެ މަސައްކަތް ކުރަނީ -- ފޮޓޯ: ބޮޑުތަކުރުފާނު މެމޯރިއަލް ސެންޓަރު

އުތީމުން ފެނުނު ވަޅު ނެގުމުގެ މަސައްކަތް ކުރަނީ -- ފޮޓޯ: ބޮޑުތަކުރުފާނު މެމޯރިއަލް ސެންޓަރު

މީގެ އިތުރުން އޭނާ ވިދާޅުވީ އެރަށު ބޮޑުތަކުރުފާނުގެ ހަނދާނީ މަރުކަޒުގައި މިއުޒިއަމްއެއް އެޅުމުގެ މަސައްކަތް އިއުލާނުކޮށްގެން ކުރިއަށް ދާ ކަމަށެވެ. އެގޮތުން މިހާރު އެ ތަނުގެ ފުރަތަމަ ފިޔަވަހީގެ މަސައްކަތް ވަނީ ނިމިފަ އެވެ.

"މިހާރު އެ ވަޅު ނަގައިގެން ގެންގޮސް ވަނީ ބޮޑުތަކުރުފާނުގެ ހަނދާނީ މަރުކަޒަށް. އެ މަރުކަޒުގަ މިއުޒިއަމް އެޅުމުން އޭގެ މައުލޫމާތާ އެކީގަ މިއުޒިއަމް ތެރޭގަ ޑިސްޕްލޭ ކުރާ ގޮތަށް މިނިސްޓްރީން ނިންމާފަ އޮތީ،" ނާއިލް ވިދާޅުވި އެވެ.

ހަތަރެސްކަނަށް ވެލިގަލުން ހަދާފައި ހުރި އެ ވަޅަށް ގާތްގަނޑަކަށް 500-700 އެއްހާ އަހަރު ވެދާނެ ކަމަށް ލަފާ ކުރެވޭ ކަމަށް ނާއިލް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox