މޯލްޑިވްސް ލިވިންއެކްސްޕޯ 2021 ގެ ޕްލެޓިނަމް ޕާޓަނަރަކީ މޯހަން މުތާ ޕްރައިވެޓް ލިމިޓެޑް ކަމަށް އެކްސްޕޯ އިންތިޒާމުކޮށް ކުރިއަށްގެންދާ ހައިރައިޒުން ބުނެފި އެވެ.
ނޮވެމްބަރު މަހުގެ 18، 19 އަދި 20 ވަނަ ދުވަހު މިއަހަރުގެ ލިވިންއެކްސްޕޯ ކުރިއަށް ގެންދާނީ ހުޅުމާލެ ސެންޓްރަލް ޕާކުގަ އެވެ. މި އެކްސްޕޯ އަކީ އާންމު ރައްޔިތުންނަށް ހުޅުވާލައިގެން ކުރިއަށް ގެންދާ އެކްސްޕޯ އެކެވެ.
މިއަހަރުގެ އެކްސްޕޯގެ ގޯލްޑް ޕާޓްނަރަކީ ސެންޑަލް މޮރިޝަސް އެވެ. އިންޝޫރެންސް ޕާޓްނަރަކީ އެލައިޑް އިންޝޫރެންސް އެވެ.
އެކްސްޕޯ ކުރިއަށް ގެންދަން މިނިސްޓްރީ އޮފް ނެޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާ އާއި ހައުސިން ޑިވެލޮޕްމެންޓް ކޯޕަރޭޝަން އަދި މެޑްޓެކް މޯލްޑިވްސްގެ އިތުރުން އެޕިކް ޝެލްޓާގެ އެއްބާރުލުން ވަނީ ހައިރައިޒަށް ވަނީ ދީފަ އެވެ.
މީގެ އިތުރުންވެސް އެކްސްޕޯގެ މުހިންމު ޕާޓްނަރުންގެ ތެރޭގައި އުރީދޫ މޯލްޑިވްސް، ޕްރިންޓް ލެބް، ހާފް ކޯޓް މޯލްޑިވްސް އަދި ކޮކާ ކޯލާ އާއި ސްކައިފޯލް ލައުންޖް އެންޑް ރެސްޓޯރަންގެ އިތުރުން އެބްސޮލިއުޓް ސެކިއުރިޓީ އެންޑް އެޑްވާންސް ޕްރޮޓެކްޝަން ޕްރައިވެޓް ލިމިޓެޑް ހިމެނެ އެވެ.
މިއަހަރުގެ އެކްސްޕޯގެ މީޑިއާ ޕާޓްނަރުންނަކީ އަދަދު އޮންލައިންގެ އިތުރުން ވަގުތު، ހަފްތާ، އަވަސް އަދި ވަން އޮންލައިން އެވެ.
ލިވިންއެކްސްޕޯ އަކީ ރިއަލްއެސްޓޭޓް ދާއިރާއާ ގުޅުން ހުރި ތަފާތު އެކި އުފެއްދުންތަކަށް ހާއްސަކޮށްގެން ރާއްޖޭގައި ބާއްވާ ހަމައެކަނި އެކްސްޕޯ އެވެ. ކޮވިޑް-19 ގެ ސަބަބުން މިދިޔަ އަހަރު އެކްސްޕޯ ބޭއްވިފައެއް ނުވެ އެވެ.
މެދުކެނޑުމަކަށް ފަހު އަނެއްކާވެސް އެކްސްޕޯ ބާއްވަން ނިންމާފައިވާ އިރު، އެކްސްޕޯގައި ރާއްޖެ އާއި ރާއްޖެއިން ބޭރުގެ ގިނަ އަދަދެއްގެ އެގްޒިބިޓަރުން ބައިވެރިވާނެ އެވެ.
