ބާސެލޯނާ އާއި ޔުނައިޓެޑްގެ ވާހަކަތަކަށް ރޮޖާސް ސަމާލުކަމެއް ނުދޭ

Oct 30, 2021, 9:12 AM
ބާސެލޯނާ އާއި ޔުނައިޓެޑްގެ ވާހަކަތަކަށް ރޮޖާސް ސަމާލުކަމެއް ނުދޭ

ލެސްޓާ (އޮކްޓޫބަރު 30) - ބާސެލޯނާ އާއި މެންޗެސްޓާ ޔުނައިޓެޑްގެ ކޯޗުގެ މަގާމާއި އޭނާއާ ގުޅުވައިގެން ދައްކާ ވާހަކަތަކާ މެދު ނުވިސްނާ ކަމަށް ލެސްޓާ ސިޓީގެ ކޯޗު ބްރެންޑަން ރޮޖާސް ބުނެފި އެވެ.

ބާސެލޯނާގެ ކޯޗުގެ މަގާމު މިދިޔަ ހަފްތާގައި ހުސްވީ އެ ޓީމުގައި ހުރި ނެދަލެންޑްސްގެ ކޯޗު ރޮނާލްޑް ކޫމަން ވަކިކުރުމުންނެވެ. ބާސެލޯނާ އިން ގެންނަން އެންމެ ބޭނުންވަނީ ގަތަރުގެ އަލް ސާދުގެ ކޯޗަކަށް ހުރި ބާސެލޯނާގެ ކުރީގެ ތަރި ޒަވީ ހެނާންޑޭޒް އެވެ. އެކަމަކު، އަލް ސާދާ އެކު 2022 ވަނަ އަހަރުގެ ނިޔަލަށް ޒަވީ ކޮންޓްރެކްޓްގައި ހުރިއިރު، އެ ކްލަބުން ޒަވީގެ އެއްބަސްވުން އުވާލަން އަދި ވަކި ގޮތެއް ނުނިންމަ އެވެ.

މިދިޔަ ހަފްތާގައި ވާދަވެރި ލިވަޕޫލް އަތުން 5-0 އިން އަމިއްލަ ދަނޑުގައި ލަދުވެތި ގޮތަކަށް މެންޗެސްޓާ ޔުނައިޓެޑް ބަލިވުމުން އެ ޓީމުގެ ކޯޗު އޮލެ ގުނަ ސޯލްޝެއާ މަގާމުން ވަކިކުރާ ވާހަކަ އަކީ މީޑިއާގައި މި ވަގުތު އެންމެ ވަރުގަދަ އަށް ޓްރެންޑް ވަމުން އަންނަ އެއް ހަބަރެވެ. ޔުނައިޓެޑުން ގެންނަން މަސައްކަތްކުރާ ކޯޗުންގެ ތެރޭގައި ރޮޖާސް ހިމެނެ އެވެ.

Advertisement

އިނގިރޭސި މީޑިއާ ރިޕޯޓްތައް ބުނާގޮތުން ލެސްޓާގެ ކޯޗު ރޮޖާސްގެ ނަން ޔުނައިޓެޑްގެ އިތުރުން ބާސެލޯނާ އިން ގެންގުޅޭ ކޯޗުންގެ ޝޯޓްލިސްޓުގައި ހިމެނެ އެވެ. އެކަމާ ބެހޭގޮތުން ރޮޖާސްއާ ސުވާލުކުރުމުން އޭނާ ދިނީ ފިނި ޖަވާބެކެވެ.

"ތި ވާހަކަތަކަށް (ބާސެލޯނާ އާއި ޔުނައިޓެޑްގެ ކޯޗުކަމުގެ ވާހަކަ) އެއްވެސް ވަރަކަށް އަހަރެން ނުވިސްނަން. އަހަންނަށް އެނގޭ ލެސްޓާ ސަޕޯޓަރުން ވެސް ތިފަދަ ވާހަކަތައް އިވި އިވި ވަރުބަލިވެފައިކަން ތިބޭނީ. އެއީ މީޑިއާ އިން އަބަދުވެސް ހުންނަނީ އަހަރެން ކޮންމެ ވެސް ކްލަބަކާ ގުޅުވައިގެން. އެކަމަކު، އަހަރެން މި ހުރީ މިތާގައި،" ރޮޖާސް ބުންޏެވެ.

ސައުދީ އަރަބިއްޔާގެ މަހުޖަނުން ނިއުކާސަލް ޔުނައިޓެޑް ގަތުމަށް ފަހު ވެސް ރޮޖާސް ހޯދަން މަސައްކަތް ކުރި ކަމަށް ރިޕޯޓްތައް ބުނެ އެވެ. ރޮޖާސް ބުނީ ލެސްޓާ ސިޓީގެ ވަޒީފާ އަކީ އޭނާ ވަރަށް ޝައުގުވެރިވެ ހުރެގެން ކުރިއަށްގެންދާ ޕްރޮޖެކްޓެއް ކަމަށެވެ.

ޗެލްސީ ރިޒާވް ޓީމުން ކޯޗިން ކެރިއަރު ފެށި ރޮޖާސް ހެޑް ކޯޗެއްގެ ގޮތުގައި ފުރަތަމަ ފެނުނީ ވަޓްފޯޑް ބެންޗުންނެވެ. އޭގެ ފަހުން ރެޑިން އަށް ވެސް ކޯޗުކޮށްދިން ރޮޖާސް ވަނީ 2010 ވަނަ އަހަރު ވޭލްސްގެ ސްވަންސީ ސިޓީ އަށް ކޯޗުކޮށްދޭން ފަށައި އެ ޓީމު އިނގިރޭސި ޕްރިމިއާ ލީގަށް ޕްރޮމޯޓް ކޮށްދީފަ އެވެ.

ސްވަންސީގައި ރޮޖާސް ކުރި މަސައްކަތް ކަމުގޮސްގެން އިނގިރޭސި ގަދަބާރު ލިވަޕޫލުން ރޮޖާސް ކޯޗަކަށް ގެންދިޔައީ 2012 ވަނަ އަހަރު އެވެ.

ލިވަޕޫލާ އެކު އިނގިރޭސި ޕްރިމިއާ ލީގު ކާމިޔާބުކުރުމާ ގާތަށް ދިޔަ ރޮޖާސް 2015 ވަނަ އަހަރު އެ ޓީމުގެ ކޯޗުކަމުން ވަކިކުރީ ޔާގެން ކްލޮޕާ ޓީމު ހަވާލުކުރާށެެވެ. ރޮޖާސް އޭގެ ފަހުން މަސައްކަތް ކުރީ ސްކޮޓްލެންޑްގެ ސެލްޓިކްގަ އެވެ.

ސެލްޓިކް ދޫކޮށް މިހާރުގެ ކްލަބް، ލެސްޓާއާ ހަވާލުވީ 2019 ވަނަ އަހަރު އެވެ. ރޮޖާސް ވަނީ މިދިޔަ ސީޒަނުގެ އެފްއޭ ކަޕްގެ ފައިނަލުގައި ޗެލްސީ ބަލިކޮށް ލެސްޓާ އަށް ޗެމްޕިއަންކަން ހޯދައިދީފަ އެވެ. އަދި މި ސީޒަން ފެށުމުގެ ގޮތުން ކުޅުނު އެފްއޭ ކޮމިއުނިޓީ ޝީލްޑް މެޗުން ލެސްޓާ މޮޅުވީ މެންޗެސްޓާ ސިޓީ އަތުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox