ފުޅާ ދާއިރާއެއްގައި ވިޔަފާރި ކުރާ ވިލާ ކުންފުނީގެ ސަބްސިޑަރީ، ވިލާ ޓްރޭޑިންގެ ދަށުން ފެށި "ވިލާ މާޓު" ސުޕަމާކެޓް ޗެއިނުގެ ތިންވަނަ ފިހާރަ މާލޭގައި ހުޅުވައިފި އެވެ.
ވިލާ މާޓު ފިހާރަތަކަށް އިތުރުވި ވިލާ މާޓު – 3 ހުންނަނީ ގ. ފަތުރުވެހި ރެހެންދި މަގުގަ އެވެ. ވިލާގެ އެ ފިހާރައިން ވެސް ސުޕަމާޓަކުން ލިބޭނެ ހުރިހާ ސާމާނެއް ލިބެން ހުންނާނެ ކަމަށް އެ ކުންފުނިން ބުނެ އެވެ.
ވިލާ މާޓުން ކާބޯތަކެއްޗާއި ތައްޔާރީ ކާނާގެ އިތުރުން ރީތިވާ ސާމާނާއި ގޭތެރޭގައި އާންމުކޮށް ބޭނުންކުރާ ގިނަ ސާމާނު ލިބޭނެ އެވެ. ވިލާ މާޓުގެ އެހެން ފިހާރަތަކެކޭ އެއް ފަދައިން މި ފިހާރައިން ވެސް ކޮލިޓީ އުފެއްދުންތައް ހެޔޮ އަގުތަކުގައި ލިބޭނެ ކަމަށް ވިލާއިން މައުލޫމާތު ދެ އެވެ.
ވިލާ މާޓު ފިހާރަތައް
- ވިލާ މާޓު – 1، މ. ސްޓާ ބިލްޑިން، ފަރީދީ މަގު
- ވިލާ މާޓު – 2، މއ. ކަޝިޝް. މަޖީދީ މަގު
- ވިލާ މާޓު – 3، ގ. ފަތުރުވެހި، ރެހެންދި ހިނގުން
މި ފިހާރަތަކުން ލިބޭ ހުރިހާ ސާމާނެއް ވިލާމާޓު.އެމްވީ ވެބްސައިޓުންނާއި އެޕުން އޯޑަރު ކުރުމުން މާލެ އާއި ހުޅުމާލެއަށް ޑެލިވަރީ ކޮށްދެ އެވެ. އަދި، އަތޮޅުތަކަށް ދަތުރުކުރާ ބޯޓުތަކަށް ވެސް ޑެލިވަރީ ކޮށްދޭނެ އެވެ.
ވިލާ މާޓު - 3 --
ވިލާ މާޓުގެ ވިޔަފާރި ފުޅާވުމާ ގުޅިގެން ވިލާ ޓްރޭޑިން އިން "އަދަދު" ނޫހަށް ބުނީ، ކުޑަ ދުވަސްކޮޅެއްގެ ތެރޭގައި ލިބުނު ކާމިޔާބީގެ ފަހަތުގައި ވަނީ ކަސްޓަމަރުންގެ ތަރުހީބު ކަމަށެވެ.
އެގޮތުން ވިލާ މާޓުގެ ފިހާރަތަކާއި އޮންލައިން ހިދުމަތަށް ރަނގަޅު ތަރުހީބެއް ލިބެމުން އަންނަ ކަމަށް ބުންޏެވެ.
މި ތަރުހީބާ އެކު ވިލާއިން ވަނީ ވިލާ މާޓުގެ ހަތަރު ވަނަ ފިހާރަ ވަރަށް އަވަހަށް ފެންނާނެ ކަމަށް މައުލޫމާތު ދީފަ އެވެ. މި ފިހާރަ ހުންނާނީ ހުޅުމާލޭ ފޭސް ޓޫގައި ހުންނަ ހިޔާ ފްލެޓު ޓަވަރު 14 ގަ އެވެ.
