ރާއްޖޭގައި ފުޅާ ދާއިރާއެއްގައި ހޯލްސޭލް އަދި ރީޓެއިލް ވިޔަފާރި ކުރަމުންދާ ވިލާ މާޓުން އިނގިރޭސިވިލާތުގެ މަޝްހޫރު ވެއިޓްރޯޒްގެ އުފެއްދުންތައް މާކެޓަށް ނެރެފި އެވެ.
ވިލާ މާޓުން މާކެޓަށް ނެރުނު ވެއިޓްރޯޒްގެ އުފެއްދުންތަކުގެ ތެރޭގައި ބޭކިންއަށް ބޭނުންވާ އުފެއްދުންތަކާއި، ކެއްކުމަށް ބޭނުންވާ އިންގްރީޑިއެންޓްސް އާއި ޕެޓް ފުޑް، ޑްރައިޑް ފުރުޓްސް، ކޮންޑިމެންޓްސްގެ އަދި ޕާސްޓާ ހިމެނެ އެވެ.
މީގެއިތުރުން ވެސް ކާބޯތަކެތި ތައްޔާރު ކުރުމަށް ބޭނުންވާ ވެއިޓްރޯޒްގެ ތަފާތު އެކި ވައްތަރުގެ އުފެއްދުންތައް ވިލާ މާޓުން މާކެޓަށް ނެރުނެވެ.
"ވިލާ މާޓުގެ ހުރިހާ ފިހާރައަކުން ވެއިޓްރޯޒްގެ އުފެއްދުންތައް ލިބެން ހުންނާނެ،" ވިލާ ޓްރޭޑިންއިން ބުންޏެވެ.
ވެއިޓްރޯޒްގެ އުފެއްދުންތައް ރީޓެއިލްކޮށް ވިއްކުމުގެ އިތުރުން ހޯލްސޭލްކޮށް ވެސް ވިއްކަމުންދާނެ ކަމަށް ވިލާ މާޓުން ބުންޏެވެ.
ވިލާ މާޓުން އަންނަނީ އެކި ބްރޭންޑުތަކުގެ ކޮލިޓީ އުފެއްދުންތައް މާކެޓަށް ނެރެ ހެޔޮ އަގެއްގައި ހޯލްސެއިލް އަދި ރީޓެއިލްކޮށް ވިޔަފާރި ކުރަމުންނެވެ.
ވިލާ މާޓުގެ ފަސް ފިހާރައެއް މާލޭގެ އިތުރުން ހުޅުމާލޭގެ މުހިންމު ސަރަހައްދުތަކުގައި ހުރެ އެވެ.
titledesc
