ގަލޮޅު ދަނޑުގައި ފަތުރާލެވޭ ބީއެމްއެލްގެ ގައުމީ ބޮޑު ދިދަ

Oct 10, 2021, 5:06 AM
ބަންގްލަދޭޝް އާއި ރާއްޖެ ކުުޅުނު މެޗުގެ ތެރެއިން ބީއެމްއެލް އިން ދަނޑަށް ގެންދާ ގައުމީ ބޮޑު ދިދަ ފަތުރާލާފައި.-- ފޮޓޯ: ހުސެއިން ވަހީދު/ އަދަދު

ބަންގްލަދޭޝް އާއި ރާއްޖެ ކުުޅުނު މެޗުގެ ތެރެއިން ބީއެމްއެލް އިން ދަނޑަށް ގެންދާ ގައުމީ ބޮޑު ދިދަ ފަތުރާލާފައި.-- ފޮޓޯ: ހުސެއިން ވަހީދު/ އަދަދު

އާންމު ގޮތެއްގައި ފުޓްބޯޅަ ޓީމުތަކަށް ސަޕޯޓްކުރުމުގައި ތަފާތު ވިސްނުން އިސްކުރާ ބަޔަކަށް އުޅޭނީ ސަޕޯޓަރުންގެ ގްރޫޕްތަކެވެ. އެއީ އެ މީހުންނަކީ އެކަމުގައި ގިނަ ވަގުތު ޝާމިލުވެ އުޅޭ ބަޔަކަށް ވެފައި އެ ފަދަ ކަންކަމަށް ހޭދަކުރާ ވަގުތު ވެސް ގިނަވުމުންނެވެ. އެކަމަކު ގަލޮޅު ދަނޑުގައި ސަޕޯޓް ކުރުމުގެ މަންޒަރު ބަދަލުކޮށްލަން ބެންކް އޮފް މޯލްޑިވްސް (ބީއެމްއެލް) އިން ލީޑުނެގީ ތަފާތު ގޮތަކަށެވެ.

މީގެ ހަ ވަރަކަށް އަހަރު ކުރިން ބީއެމްއެލްގެ ވޮލަންްޓިއަރުންގެ ގްރޫޕެއްގެ ވިސްނުމަށް އައީ ތަފާތު ގޮތަކަށް ގައުމީ ޓީމަށް ސަޕޯޓް ދިނުމުގެ ހިޔާލެވެ.

ގައުމީ ކޮންމެ ކަމެއްގައި ވެސް އެންމެ ބޮޑު ތަފާތެއް ފެންނަނީ ގައުމީ ދިދައާ ގުޅޭ ކަމެެކެވެ. އެ ގޮތުން ބީއެމްއެލްގެ ވޮލަންޓިއަރުންގެ ގްރޫޕަށް ވިސްނުން އައީ ދަނޑުގައި ބޮޑު ދިދައެއް ދައްކާލުމަކީ ތަފާތު ކަމަކަށްވާނެ ކަމެއްގެ ގޮތުގަ އެވެ.

Advertisement

"ވޮލަންޓިއާސްގެ ތެރޭގައި އުފެދުނު ހިޔާލެއް މިއީ. ކޮބައިތޯ ތަފާތު ބޮޑުކޮށް ބޮޑު ކަަމަކަށް ކޮށްލެވޭނެ ކަމަކީ. ދެން އެ ގޮތުން ހަމަ ސްޓާފުންގެ ތެރޭގައި އައި ހިޔާލެއް ދިދަ ދައްކާލުން. ދިދަ އަކީ ގައުމީ ޖޯޝް ވަރަށް ބޮޑަށް ދައްކުވައިދޭ އެއްޗަކަށްވާތީ،" ބީއެމްއެލްގެ މެނޭޖަރު، ޕަބްލިކް ރިލޭޝަން މުހައްމަދު ސައީދު، "އަދަދު" އަށް ވިދާޅުވި އެވެ.

ބީއެމްއެލް އިން އެންމެ ފުރަތަމަ ކަރުދާސް ބޯޑް އިން ގައުމީ ދިދަ ދައްކާލަނީ.-- ފޮޓޯ: އިމޭޖަސް.އެމްވީ

ދިދަ ދައްކާލުމަށް ފުރަތަަމަ އައި ހިޔާލަކީ ކަރުދާސް ގޮތަށް ބޯޑުތަކެއް ހަދައިގެން ޖުމްލަ އެއްކޮށް ދިދަ ހަދައިލުމެވެ. އެކަމަކު، އެކަން ވީ އެންމެ ކަމުދާ ގޮތަކަށް ނޫނެވެ. އެއީ އެ ގޮތަށް ބޯޑުތަކެއް ހިފައިގެން ތިބެ، ދިދައިގެ އަސްލު މާނައިގައި އެކަން ކުރެވޭ ގޮތް ނުވީމަ އެވެ. އަނެއްކާ ވެސް އިތުރު ވިސްނުމަކަށް ދާން ޖެހުނީ އެެވެ.

"ދެން އަޅުގަނޑުމެންގެ ތެރެއިން އެއް ސްޓާފެއްގެ މަންމަ އަޅުގަނޑުމެންނަށް ގަލޮޅު ދަނޑުން އެ ފެނުނު ދިދަ ފަހާލަދިނީ. އެކި ފޮތި އެއްކޮށްގެން އެެ ގޭގައި ކޮށްލައިދިނީ. އެ ދިދަ ބޭނުންކުރިން ދިވެހި ގައުމީ ޓީމު ރާއްޖޭގައި ކުޅެ ކޮންމެ މެޗެއްގައި،" ފުރަތަމަ ފަހާފައި އޮތް ބޮޑު ދިދަ ލިބުނު ގޮތާ ބެހޭގޮތުން ސައީދު ވިދާޅުވި އެވެ.

"އެހެން އުޅެމުން އައިސް މިހާރު މި ގެންގުޅޭ ދިދަ އަށް ބަދަލުތަކެއް އައީ. ދިދައިގެ ބޮޑު މިން ވެސް އެއް ވަރަކަށް މި އިނީ. މިހާރު މި ބޭނުންކުރާ ދިދަ އަކީ 30 ފޫޓު 20 ފޫޓް."

ގައުމީ ޓީމަށް ސަޕޯޓްކުރަން އެންމެ ފުރަތަމަ ބީއެމްއެލް އިން ދިދަ ވެއްދީ 2014 ވަނަ އަހަރުގެ އޭއެފްސީ ޗެލެންްޖް ކަޕްގައި ކިރްގިސްތާނާ ދެކޮޅަށް ރާއްޖޭން ކުޅުނު މެޗުގަ އެވެ.

އޭގެ ފަހުން ގަވާއިދުން ހުރިހާ މެޗެއް ކަހަލަ ގޮތެއްގައި ގަލޮޅު ދަނޑުން ދިދަ ފެނެ އެވެ. އެންމެ ފަހުން މި ފަހަރުގެ އުރީދޫ ސާފް ޗެމްޕިއަންޝިޕްގައި ބަންގްލަދޭޝް އަތުން ރާއްޖެ 2-0 އިން މޮޅުވި މެޗުގައި ވެސް ބޮޑު ދިދަ ވަނީ ދައްކާލައިފަ އެވެ. މެދުކެނޑުމަކަށް ފަހު ގަލޮޅު ދަނޑުން އަނެއްކާ ވެސް ދިދަ ފެނުނީ އެވެ.

ދިދައިގެ ފެށުމާ ގުޅެނީ ބީއެމްއެލްގެ ސްޓާފުންގެ މެދުގައި އޮންނަ "ފުޓްބޯޅަ ފޯރި"

ބީއެމްއެލް އަކީ ގައުމީ ފުޓްބޯޅަ ޓީމުގެ ޕާޓްނަރެކެވެ. ޕާޓްނަޝިޕް އެގްރީމެންޓެއް ހެދުމުގެ އެންމެ ބޮޑު ބޭނުމަކީ ދިވެހިންނާ އެންމެ ބޮޑަށް ގުޅިފައި އޮންނަ ފުޓްބޯޅައިގެ ތެރެއިން ވެސް ހިދުމަތްތަކެއް ކޮށްދިނުން ކަމަށް ބީއެމްއެލް އިން ބުނެފައިވެ އެވެ.

ތަފާތު ބޮޑު ދިދައެއް ގަލޮޅު ދަނޑަށް ވެއްދުމުގެ ވިސްނުން ބީއެމްއެލް އަށް ލިބުނީ އެތަނުގައި އުޅޭ ސްޓާފުންގެ މެދުގައި ފުޓްބޯޅައިގެ ފޯރި ވެސް ގަދަވުމުންނެވެ. އެކަން އެ ގޮތަށް ދިމާވީ ޒަމާންތަކެއް ވަންދެން ގައުމީ ޓީމަށް ސަޕޯޓް ދޭން ދަނޑަށް ދާ ބީއެމްއެލްގެ ގިނަ ސްޓާފުން އުޅޭތީ އެވެ. އެ ސްޓާފުންނަކީ ކިއޫގައި ޖެހިގެން ވެސް ޓިކެޓް ހޯދައި ގްރޫޕެއް ހެދުމަށް ފަހު ވެސް ދަނޑަށް ދާ ބައެކެވެ.

ބީއެމްއެލްގެ މެނޭޖަރު، ޕަބްލިކް ރިލޭޝަން ސައީދު "އަދަދު" އަށް އިންޓަވިއުދެނީ.

"ބެންކް ތެރޭގައި ސްޓާފުން ދަނޑަށް ދިއުމުގެ ފޯރި ކުރިން ވެސް އޮންނާނެ. ސިޑިބަރީގައި މި ތިބެނީ. ރޮސްޓްރަމްއާ ދިމާލު ކުރިމަތީގައި. އެ ޖާގަ އަށް ވެސް ވިސްނާލިން،" ސައީދު ވިދާޅުވި އެވެ. "އެ ދިދަ ގާތްގަނޑަކަށް ދަނޑުގެ ސިޑިބަރީގެ 13 ނުނީ 14 ބަރިއަށް ދެމިގެންދާނެ. އެތަނުން ހަމަ ބަރިއެއްގެ ފުލްވާވަރުވާނެ އެ ދިދަ އެ ގޮތަށް ބަލާފައި މި ގެންދަނީ،"

ދިދަ ދައްކާލާއިރު ދިދައިގެ ބައްޓަން ރަނގަޅަށް ބެހެއްޓުމުގެ ބޭނުމުގައި ކޮންމެ ކަނެއްގައި ވެސް ހުންނަަނީ ބީއެމްއެލްގެ ސްޓާފެެކެވެ. ދިދަ ނެގުމަށް ވެސް ބީއެމްއެލް އިން ޕްލޭންތަކެއް އޮވެ އެވެ. އެ ގޮތުން ގައުމީ ސަލާމާއި ހާފް ފެށުމުގެ ކުރިން އަދި ގޯލެއް ޖެހުމުން ދިދަ ދައްކާލަން އޮންނަނީ ރާވައިފަ އެވެ.

"ދެން ބައެއް މެޗުތަކުގައި ދިވެހި ޓީމު ތަންކޮޅެއް ގިނައިން ގޯލު ޖަހާއިރު މި ތިބެނީ ވަރަށް ރެޑީ ވެގެން ގޯލެއް ޖަހާއިރަށް ނަގަން،" ސައީދު ވިދާޅުވި އެެވެ.

ބީއެމްއެލްގެ ބޮޑު ދިދަ އާންމު ސަޕޯޓަރުންގެ މެދުގައި ވެސް މަގުބޫލެވެ. ސައީދު ވިދާޅުވީ ދަނޑުގެ އެތަނަށް ދާ މީހުން ވެސް އެ ދިދައިގަ ހިފާލެވުނީމަ އެހެން މީހަކަށް ގުޅާލާފައި "މިއަދު ބޮޑު ދިދަ އަހަރުމެން ވެސް އުފުއްލާލީމޭ،" ބުނެ އެ ފޯރި ވެސް ނަގަމުން އަންނަ ކަމަށެވެ.

ކޮންމެ ކަމެއް ވެސް ވައިގައި ހިފާނީ އެކަން ގަވާއިދުން ކުރިއަށް ގޮސްގެންނެެވެ. ބީއެމްއެލް އިން މިހާރު ދެކެނީ ގައުމީ ޓީމުގެ މެޗެއް ގަލޮޅު ދަނޑުގައި ކުޅޭނަމަ ދިދަ ފެނުމަކީ "މަޖުބޫރު" ކަމެއްގެ ގޮތުގަ އެވެ.

ސައީދު ވިދާޅުވީ ގައުމީ ޓީމުގެ ކޮންމެ މެޗެއް ގާތްވުމުން އެންމެ ފުރަތަމަ ވެސް ބަލަނީ ދިދަ ބޭއްވިފައި އޮތްތަނެއް ހޯދުމަށް ކަމަށެެވެ.

"ރަނގަޅަށް ބޭއްވުން އެއީ ވެސް ވަރަށް އިސްކަން ދޭ ކަމެއް. މި ދުވަސްކޮޅު ވީމަ ދިދަ ވެސް ރަނގަޅަށް ސެނިޓައިޒްކޮށްލައި އަނެއް މެޗަށް ދިދަ ވެސް ތައްޔާރުކުރުން އެއީ ހަމަ ސަޕޯޓް ކުރުމުގެ ވަރަށް މުހިއްމު ކަމެއްގެ ގޮތުގައި މި އޮންނަނީ. ދިދަ ގެންނަން ވަކި ވޮލަންޓިއަރުންތަކެއް ހަވާލުވާނެ. ކުރިން ދުވަހު ކިރާލިން ދިދަ ބަރުދަން ބަލަން ގާތްގަނޑަކަށް އެއީ 15 ކިލޯ ބަރުދަނުގައި ހުންނަ ދިދައެއް،" ސައީދު ވިދާޅުވި އެެވެ.

ބަންގްލަދޭޝް އާއި ރާއްޖެ ކުޅުނު މެޗުގެ ތެރެއިން ބީއެމްއެލް އިން ދަނޑަށް ވައްދާ ބޮޑު ދިދަ ފަތުރާލަނީ.-- ފޮޓޯ: ހުސެއިން ވަހީދު/ އަދަދު

ސައީދު ވިދާޅުވީ ދިދައިގެ މަސައްކަތްތައް ފަށައިގެން އައިއިރު، ވަރަށް ގިނަ ބައެއް މިކަން މިއީ ކިހިނެއް ހިނގި ކަމެއްތޯ އޮޅުންފިލުވަން ވެސް ބޭނުންވި ކަމަށެވެ.

އެ ގޮތުން އެންމެ ފުރަތަމަ ދިދަ ފެހީ ކޮންތާކުންތޯ ބައެއް ސްޓާފުންނާއި އާންމުން ވެސް އޮޅުންފިލުވައި ހެދިއިރު، މިއީ އެހާ ފަސޭހައިން ބީއެމްއެލްގެ ސްޓާފެއްގެ މަންމަ ބުރަ މަސައްކަތްތަކެއް ކޮށްގެން ކުރާނެ ކަމެއް ކަމަށް ގަބޫލެއް ނުކުރި އެވެ.

"އެއީ ފުރަތަމަ އައި ރިއެކްޝަންސް މިހާރު. ވަރަށް ބޮޑަށް އޮވޭ އެ ދިދަ ނަގާ އެ ފަޅި އަށް ގިނަ ބަޔަކު ދިއުން. އެންމެ ފަހުގެ މެޗުތަކަށް ބެލިޔަސް އެ ދިދަ ނަގާފަޅީގައި ވަރަށް ފޯރި އޮންނާނެ. ވަރަށް ބޮޑަށް އޮވޭ އެ ފޯރި ދިދައާ އެކީގައި ފޮޓޯ ނެގުމަށް ވެސް. އޭގެ ބައިވެރިވެލުން ވެސް ވަރަށް ބޮޑަށް މީހުން ފާހަގަކުރެވޭ،" ސައީދު ވިދާޅުވި އެވެ.

ގަލޮޅު ދަނޑުގައި މިއަދު ހަވީރު ރާއްޖޭން ސްރީ ލަންކާއާ ދެކޮޅަށް ކުޅޭ މެޗުގައި ވެސް ދަނޑުން ބީއެމްއެލް އިން ދަނޑަށް ވައްދާ "ބޮޑު ދިދަ" ފެންނާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox