އެޕަލް ކުންފުނިން އެންމެ ފަހުން ނެރުނު އައިފޯން 13 ގެ ހުރިހާ މޮޑެލްތަކެއް އުރީދޫގެ އީ-ކޮމާސް ޕްލެޓްފޯމް މޫލީ މެދުވެރިކޮށް ޕްރީއޯޑާ ކުރަން ހުޅުވާލައިފި އެވެ.
އުރީދޫއިން ބުނި ގޮތުގައި މޫލީ ވެބްސައިޓުން އައިފޯން 13، އައިފޯން 13 ޕްރޯ، އައިފޯން 13 ޕްރޯ މެކްސް އަދި އައިފޯން 13 މިނީ ޕްރީއޯޑާ ކުރެވޭނެ އެވެ.
އިއްޔެ ރޭ މި ފުރުސަތު ހުޅުވާލުމާއެކު ގިނަ އަދަދެއްގެ ކަސްޓަމަރުން މިހާރު ވެސް ޕްރީއޯޑާ ކޮށްފައިވާ ކަމަށް އުރީދޫއިން ބުންޏެވެ.
މި ފޯނުތައް ޕްރީއޯޑާ ކުރާ ކަސްޓަމަރުންނަށް އަންނަ ހުކުރު ދުވަހުން ފެށިގެން ޑެލިވަރީތައް ފަށާނެ އެވެ.
ގިނަ ބަޔެއްގެ މެދުގައި މަގުބޫލު އައިފޯން އިން އެންމެ ފަހުން ދައްކާލި 13 ސީރީޒްގެ މޮޑެލްތަކަކީ އެޕަލްގެ ސިގްނެޗާ ޑިޒައިންގައި މޮޅު ކެމެރާ ސިސްޓަމް އާއި ޕްރޯ މޯޝަލް ސުޕާ ރެޓީނާ އެކްސްޑީއާރް ޑިސްޕްލޭ ހިމެނޭ ފޯނުތަކަކެވެ. އަދި ފޯނުގެ ބެޓަރި ދަމަހައްޓައިދޭ ވަގުތު (ބެޓަރި ލައިފް) ވަނީ އިތުރުކޮށްފަ އެވެ.
މީގެ އިތުރުން ފަހުގެ އައިފޯނުތަކުގައި ބޭނުންކޮށްފައިވާ އެޕަލްގެ އޭ-15 ބަޔޯނިކް ޗިޕްއަކީ މިހާތާނަށް ސްމާޓްފޯނެއްގައި ބޭނުކޮށްފައިވާ އެންމެ ހަލުވި ޗިޕް އެވެ.
