ޓޯކިޔޯ، ޖަޕާން (ސެޕްޓެމްބަރު 29) - ޖަޕާނުގެ އާ ބޮޑު ވަޒީރަކަށް ވަޑައިގެންނެވި ފުމިއޯ ކިޝީޑާ އަކީ ހިރޯޝިމާ އަށް ނިސްބަތްވާ ސިޔާސީ އާއިލާއެއްގެ ކުރީގެ ފޮރިން މިނިސްޓަރެކެވެ.
ވެރިކަން ކުރާ އުމުރުން 64 އަހަރުގެ ކިޝީޑާ އެ މަގާމަށް ވަޑައިގެންނެވީ ވެކްސިންގެ ކަންކަމާ ގުޅޭ ޗީފް ޓާރޯ ކޯނޯއާ ވާދަކޮށްގެންނެވެ.
މީގެ ކުރިން 2020 ވަނަ އަހަރުގެ ވެސް ކިޝީޑާ ބޮޑު ވަޒީރު ކަމަށް ވާދަކުރެއްވި އެވެ. ނަމަވެސް އެ ފަހަރު ކުރި ލިބުނީ މިހާރު ބޮޑު ވަޒީރު ޔޮޝިހިޑޭ ސޫގާ އަށެވެ.
ކިޝީޑާ ވައުދުވެވަޑައިގެންނެވީ އާމްދަނީގެ ހަމަހަމަކަން ގާއިމް ކުރުމަށާއި ބަލިމަޑުކަމާ ހެދި ހަރަދުކުރުން މަދުވެފައި ވާތީ އެކަމަށް ހައްލު ގެނައުމަށެވެ.
އޭނާ މީގެ ކުރިން ވަނީ އެލްޑީޕީގެ ޕޮލިސީ ޗީފްކަން ކުރައްވާފަ އެވެ. އޭގެ އިތުރުން 2012 އިން 2017 އަށް ފޮރިން މިނިސްޓަރުކަން ކުރެއްވި އެވެ.
ނިޔުކްލިއާ ހަތިޔާރު ނައްތާލުމަކީ "ދިރިއުޅުމުގެ މަގްސަދު" ކަމަށް ކިޝީޑާ ވިދާޅުވެފައި ވާއިރު، އެމެރިކާގެ ކުރީގެ ރައީސް ބަރަކް އޮބާމާ ހިރޯޝިމާ އަށް ކުރެއްވި ޒިޔާރަތް އެންމެ އިސްކޮށް ރޭވީ އޭނާ އެވެ.
