ރިސޯޓު ހަދަން އެވޯޑްކުރެވުނީ އެންމެ ރަށެއް

ރިސޯޓް ތަރައްގީކުރުމަށް ހުޅުވާލި ރަށްތަކުގެ ތެރެއިން ބިޑް ކާމިޔަބިކޮށް އެވޯޑްކުރި ހއ. ވެލިފިނޮޅު. -- ފޮޓޯ:ގޫގްލްއާތު

ރިސޯޓް ތަރައްގީކުރުމަށް ހުޅުވާލި ރަށްތަކުގެ ތެރެއިން ބިޑް ކާމިޔަބިކޮށް އެވޯޑްކުރި ހއ. ވެލިފިނޮޅު. -- ފޮޓޯ:ގޫގްލްއާތު

ރިސޯޓުގެ ގޮތުގައި ތަރައްގީކުރުމަށް ހުޅުވާލި ރަށްތަކުގެ ތެރެއިން އެވޯޑް ކުރެވުނީ އެންމެ ރަށެއްކަން އެނގިއްޖެ އެވެ.

ޓޫރިޒަމް މިނިސްޓްރީން އެންމެ ފަހުން ބިޑަށް ހުޅުވާލި 16 ރަށުގެ ތެރެއިން އެވޯޑް ކުރެވިފައި ވަނީ އެންމެ ރަށެކެވެ. މި ރަށްތަކަށް ހަތް ފަރާތަކުން ބިޑް ހުށަހެޅި ނަމަވެސް އިވެލުއޭޝަން ޕްރޮސެސް ނިމުނު އިރު އެވޯޑް ކުރެވުނީ ހއ. ވެލިފިނޮޅު އެކަންޏެވެ.

މައުލޫމާތު ލިބިފައިވާ ގޮތުގައި ވެލިފިނޮޅަށް ބިޑު ހުށަހެޅީ ދެ ކުންފުންޏަކުންނެވެ. އެއީ ބީޗްއެކްސް ޕްރައިވެޓް ލިމިޓެޑް އަދި ޕާލް ސޭންޑްސް އޮފް މޯލްޑިވްސް އެވެ.

Advertisement

މީގެ ތެރެއިން ބިޑު ކާމިޔާބު ކުރި ޕާލް ސޭންޑްސް އޮފް މޯލްޑިވްސް އަކީ ރައްޔިތުން މަޖިލީހުގެ ކިނބިދޫ ދާއިރާގެ އެމްޑީޕީ މެމްބަރު މުހައްމަދު ނާޝިޒްގެ ހިއްސާ އޮންނަ ކުންފުންޏެކެވެ.

ވެލިފިނޮޅަށް ހުށަހަޅާފައިވާ ދެ ބިޑުގެ ތެރެއިން ކާމިޔާބުކޮށްފައި ވަނީ އެންމެ އަގު ކުޑަކޮށް ހުށަހެޅި ކުންފުންޏެވެ.

ކޮވިޑުގެ ސަބަބުން ދުނިޔޭގެ ގިިނަ ސަރަހައްދުތަކުގައި އަޅާފައިވާ ފިޔަވަޅުތަކަށް ލުއިދޭން ފަށާފައިވާ އިރު، ކުރިއަށް އޮތް ތަނުގައި ހުޅުވާލާ ބިޑްތަކަށް މިއަށްވުރެ ބޮޑު ތަރުހީބެއް ލިބޭނެ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވި އެވެ.

އަދި ވިސްނުމަކީ ދެން ރަށްތައް ބިޑަށް ހުޅުވާލުމަށްފަހު ބިޑް ހުށަހެޅުމުގެ ސުންގަޑިއާ ދެމެދު ވަގުތު އިތުރުން ކަމަށް މިނިސްޓަރު ވިދާޅުވި އެވެ.

މިނިސްޓްރީން ވަނީ މިދަނޑިވަޅުގައި ރަށްތައް ބިޑަށް ހުޅުވާލި އިރު، ރަށްތަކުގެ އަގު ވަރަށް ބޮޑަށް ކުޑަކޮށްފަ އެވެ. މި އަހަރަށް ފާސްކުރި ބަޖެޓުގައި މި ރަށްތައް ދޫކޮށްގެން ސަރުކާރަށް ލީޒް އެކުއިޒިޝަން ފީގެ ގޮތުގައި 17.4 މިލިއަން ޑޮލަރު (263 މިލިއަން ރުފިޔާ) ލިބޭނެ ކަމަށް ލަފާކުރި އެވެ.

ނަމަވެސް އެންމެ ރަށެއް އެވޯޑް ކުރެވުމާއެކު ރަށް ވިއްކައިގެން ސަރުކާރަށް އެންމެ ގިނަވެގެން ލިބޭނީ އެއް މިލިއަން ރުފިޔާ އެވެ.

ރިސޯޓްގެ ގޮތުގައި ތަރައްގީކުރުމަށް ގިނަ އަދަދެއްގެ ރަށްތައް ދޫކޮށްފައިވާ އިރު، ތަރައްގީނުކުރެވި ގިނަ ދުވަސްވެފައިވާ ރަށްތައް ދޫކޮށްފައިވާ އިންވެސްޓަރުންނާއެކު އާ އެއްބަސްވުމެއް ހަދައި ތިން އަހަރު ދުވަހުގެ ތެރޭގައި ރަށްތައް ތަރައްގީކުރުމުގެ ފުރުސަތުދީ ދޮޅު އަހަރު ދުވަހުގެ ތެރޭގައި ތަރައްގީކުރަން ނުފަށާ ރަށްތައް މިނިސްޓްރީއަށް އަތުލެވޭނެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox