ސިޓީ އަށް ބަދަލުވާން ބޭނުންވި، ޗެލްސީގައި މިހުރީ އުފުލަން: ޖޯޖީނިއޯ

Sep 25, 2021, 5:32 AM
ޗެލްސީގެ މެޗެއްގެ ތެރެއިން ޖޯޖީނިއޯ.

ޗެލްސީގެ މެޗެއްގެ ތެރެއިން ޖޯޖީނިއޯ.

ލަންޑަން (ސެޕްޓެމްބަރު 25) - މީގެ ދެ އަހަރު ކުރިން އެންމެ ފުރަތަމަ ބޭނުންވީ މެންޗެސްޓާ ސިޓީ އަށް ބަދަލުވާން ކަމަށާއި އެކަަމަކު އޭގެ ބަދަލުގައި އެ ފަހަރު ފަހުން ޗެލްސީއާ ގުޅުމުން މިހާރު ހުރީ ވަރަށް އުފަލުން ކަމަށް އިޓަލީގެ މިޑްފީލްޑަރު ޖޯޖީނިއޯ ބުނެފި އެވެ.

އުމުރުން 29 އަހަރުގެ ޖޯޖީނިއޯ، 2018 ވަނަ އަހަރު ޖުލައި މަހު ޗެލްސީ އަށް ބަދަލުވީ ޖުމްލަ އެކު 57 މިލިއަން ޕައުންޑް (78 މިލިއަން ޑޮލަރު)ގެ ޑީލެއްގަ އެވެ. އެ ފަހަރު ޖޯޖީނިއޯ ގަންނަން އެންމެ ފުރަތަމަ ސިޓީން ހުށަހެޅި 56 މިލިއަން ޑޮލަރުގެ ޕްރޮޕޯސަލް ނަޕޯލީން ބަލައިގަތެވެ. އެކަމަކު، ފަހު ވަގުތު ނަޕޯލީން ސިޓީގެ ހުށަހެޅުން ދޫކޮށްލައި ޖޯޖީނިއޯ ވިއްކާލީ ޗެލްސީ އަށެވެ. އެއީ ކުރިން ނަޕޯލީ އަށް ކޯޗުކޮށްދިން މައުރީޒިއޯ ސާރީ ޗެލްސީގައި ހުރުމުން ނަޕޯލީން ނިންމި ގޮތެކެވެ.

ނަޕޯލީން އެ ފަހަރު ޖޯޖީނިއޯ ސިޓީ އަށް ނުވިއްކި މައްސަލައިގައި އަދިވެސް ސިޓީ އާއި ނަޕޯލީގެ ގުޅުން ރަނގަޅެއް ނޫނެވެ. މީގެ އެއް ސީޒަން ކުރިން ސިޓީން ނަޕޯލީގެ ސެނެގޯލް ޑިފެންޑަރު ކަލީދޫ ކުލިބާލީ ގަންނަން ބޭނުންވި ނަމަވެސް އެ ޑީލް ނުހިނގީ ނަޕޯލީއާ މަޝްވަރާނުކޮށް ކުލިބާލީގެ އޭޖެންޓް ލައްވައި ހުރިހާ ކަމެއް ފުރިހަމަ ކުރަން އުޅުމުންނެވެ.

ޔުއެފާގެ ރައީސް އަލެކްސަންޑަ ކެފެރިން (ކ) ޔުއެފާގެ މޮޅު ކުޅުންތެރިޔާގެ ޓްރޮފީ ޖޯޖީނިއޯއާ ހަވާލުކުރަނީ.

ޖޯޖީނިއޯ ބުނީ އެންމެ ފުރަަތަމަ ސިޓީގެ ހުށަހެޅުން ލިބުމުން އެ ޓީމާ ގުޅެން ބޭނުންވި ކަމަށެވެ. އެކަަމަކު، ފަހުން ޗެލްސީ އަށް ބަދަލުވެވުނީތީ މިހާރު ހުރީ އުފަލުން ކަމަށް ބުންޏެވެ.

"އަހަރެން ސިޓީ އަށް ސޮއިކުރުމާ ވަަރަށް ގާތަށް ދިޔަ. ބައެއް ފަހަރު ފުޓްބޯޅައިގައި ފަހު ވަގުތު ކަންތައްތައް ބަދަލުވާ ފަހަރު ވެސް އާދޭ. އަހަރެން ޗެލްސީގައި މި ހުރީ ވަރަށް އުފަލުން. މި ކްލަބްގައި މި ވަގުތު މި އޮތީ އަހަންނަށް ވަރަށް ކަމުދާ މާހައުލެއް،" ޖޯޖީނިއޯ ބުންޏެވެ.

ދާދި ފަހުން ޔޫރަޕްގެ އެންމެ މޮޅު ފުޓްބޯޅަ ކުޅުންތެރިޔާގެ މަގާމު ހޯދި ޖޯޖީނިއޯ އަށް އެ ކާމިޔާބީ ލިބުނީ މިދިޔަ ސީޒަނުގެ ޗެމްޕިއަންސް ލީގާއި މި ފަހަރުގެ ސުޕަ ކަޕް ޗެލްސީގައި ހުރެ ކާމިޔާބު ކުރުުމުގެ އިތުރުން އިޓަލީއާ އެކު ޔޫރޯ ފުޓްބޯޅަ މުބާރާތް ކާމިޔާބު ކުރުމުންނެވެ.

ޖޯޖީނިއޯ ބުނީ ބޮޑެތި މުބާރާތްތައް ކާމިޔާބު ކުރުމަކީ އަބަދުވެސް ދެކެމުން އައި ހުވަފެނެއް ކަމަށެވެ. އަދި ޔޫރަޕްގެ މޮޅު ކުޅުންތެރިޔާގެ ޓްރޮފީ އަތުގައި ޖެހުމުން ވަރަށް ބޮޑު ހިތްހަމަ ޖެހުމެއް ލިބުނު ސަބަބަކީ އެއީ ވަރަށް ބުރަ މަސައްކަތުން ހާސިލްކުރެވުނު ކަމަކަށް ވާތީ އެވެ.

އިނގިރޭސި ޕްރިމިއާ ލީގުގައި މިއަދު ޗެލްސީން އަމިއްލަ ދަނޑުގައި ބައްދަލުކުރާނީ ސިޓީއާ އެވެ. ސިޓީއާ ދެކޮޅަށް ޗެލްސީން އެންމެ ފަހުން ކުޅުނު ތިން މެޗުން ވަނީ މޮޅުވެފަ އެވެ. ޗެލްސީގެ ސްޓެމްފޯޑް ބްރިޖްގައި މިއަދު ސިޓީއާ ބައްދަލުކުރާ މެޗު ފަށާނީ ރާއްޖެ ގަޑިން 16:30 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox