ޖޭއެސްސީ އިސްލާހުކުރަން ހިމެނީ ބަރުލަމާނީ ނިޒާމުގެ ތެރެއިން: ނަޝީދު

މީގެ ކުރިން ބޭއްވި ނޫސްވެރިންގެ ބައްދަލުވުމުގައި ނަޝީދު ނޫސްވެރިންނަށް މައުލޫމާތު ދެއްވަނީ. -ފޮޓޯ: ހުސެއިން ވަހީދު/ އަދަދު

މީގެ ކުރިން ބޭއްވި ނޫސްވެރިންގެ ބައްދަލުވުމުގައި ނަޝީދު ނޫސްވެރިންނަށް މައުލޫމާތު ދެއްވަނީ. -ފޮޓޯ: ހުސެއިން ވަހީދު/ އަދަދު

ޖުޑީޝަލް ސާވިސް ކޮމިޝަން (ޖޭއެސްސީ) އެކުލެވިގެން ވާ ގޮތް ބަދަލުކުރުމުގެ ވައުދު ނުފުއްދައިގެން ފާޑުކިޔުންތައް އަމާޒުވެފައިވާއިރު، އެ ކޮމިޝަން އިސްލާހުކުރުން ހިމަނާފައިއޮތީ، މިދިޔަ ރިޔާސީ އިންތިހާބުގެ ކުރިން އެމްޑީޕީން ހުށަހެޅި މެނިފެސްޓޯގައި ވެރިކަން ހިންގުމުގެ ނިޒާމު ބަދަލުކުރުމުގެ ތެރެއިން ކަމަށް ރައްޔިތުން މަޖިލީހުގެ ރައީސް އަދި އެ ޕާޓީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ޖޭއެސްސީގައި މަޖިލީހުގެ ރައީސްގެ ހައިސިއްޔަތުން އެމަނިކުފާނު އިންނަވަން ނުޖެހޭ ކަމަށް އިއްޔެ ވިދާޅުވުމަށްފަހު، އެމްޑީޕީގެ ވަޓްސްއަޕް ގްރޫޕެއްގައި ނަޝީދު އިތުރަށް ވިދާޅުވީ ޖޭއެސްސީ އިސްލާހުކުރުމުގެ ގޮތުން އެ ކޮމިޝަންގެ ކޮމްޕޮޒިޝަން ބަދަލުކުރުން އޮތީ އެމްޑީޕީއިން އއ. އުކުޅަހުގައި ހުށަހެޅި ޖަޒީރާ މެނިފެސްޓޯގައި ކަމަށެވެ.

އެމްޑީޕީގެ 800 އަށް ވުރެން ގިނަ މެމްބަރުންނާއެކު އެ މެނިފެސްޓޯ ހުށަހެޅީ 30 ޖޫން 2018 ގައި ބޭއްވި ކޮންގްރެސްގަ އެވެ. ނަމަވެސް ގުޅިފައިވާ ޕާޓީތަކާއި އެކު އިއްތިހާދުވެ، އެކުލަވައިލައި މިހާރު ސަރުކާރުން އަމަލުކުރަމުންދާ މެނިފެސްޓޯއިން އެބައި ވަނީ އުނިކޮށްފަ އެވެ.

ރައީސް އޮފީހުގެ ވެބްސައިޓުގައި ވެސް ޝާއިއުކޮށްފައިވާ އެ މެނިފެސްޓޯގައި ޖޭއެސްސީ އެކުލެވޭ ގޮތް ބަދަލުކުރުމުގެ ސީދާ ވާހަކައެއް ނެތެވެ.

ނަޝީދު ފޮނުއްވި މެސެޖުގައި ވިދާޅުވީ އެމްޑީޕީގެ މެނިފެސްޓޯގައިވާ ގޮތުން ޖޭއެސްސީގެ ކޮމްޕޮޒިޝަން ބަދަލުކުރުން އޮތީ ވެރިކަމުގެ ނިޒާމަށް ގެންނަ ބަދަލުގެ ތެރެއިން ކަމަށެވެ.

ޖޭއެސްސީ އެކުލެވޭ ގޮތް ބަދަލުކުރަން ނިންމާފައި ވަނީ ވެރިކަމުގެ ނިޒާމްއަށް ގެންނަ ބަދަލާއެކު. މެނިފެސްޓޯ އެކުލަވާލިއިރު މިކަން ކަމަށްވަނީ ވަރަށް ސާފުކޮށް އެއްބަސްވެފައި.

ކޯލިޝަނެއްގެ ތެރެއިން ރިޔާސީ އިންތިހާބަށް ވާދަކުރުމަށް ނިންމުމުގެ ކުރިން، އެމްޑީޕީން އެކުލަވައިލި ޖަޒީރާ ރާއްޖޭގެ މެނިފެސްޓޯގައި ވަނީ ދޮޅު އަހަރުގެ އިންތިގާލީ ސަރުކާރެއް އެކުލަވާލުމަށެވެ. އެ ސަރުކާރުން ކުރާނެ ކަމަކީ ހެޔޮވެރިކަމުގެ ނިޒާމެއް އުފެއްދުމެވެ. އޭގެ ފަހުން ގާނޫނުއަސާސީ އިސްލާހުކުރުމަށް ފަހު އެކުލަވާލެވޭ ސަރުކާރުގައި ބޮޑުވަޒީރާއި އޭނާގެ ކެބިނެޓް މަޖިލިސް ތެރެއިން އެކުލަވާލުމެވެ.

ބަރުލަމާނީ ނިޒާމަކަށް ރާއްޖޭގެ ވެރިކަމުގެ ނިޒާމް ބަދަލުކުރުމަށްފަހު ޖޭއެސްސީއަށް ގެންނާނެ ބަދަލުތައްވެސް އެ ވައުދު ނާމާގައި ވެ އެވެ.

titledesc

އެމްޑީޕީގެ މެނިފެސްޓޯ ކުރިން އާންމުކުރި ނަމަވެސް ކޯލިޝަންގެ ތެރޭގައި ހިމެނޭ ޕާޓީތަކުގެ މެދުގައި އޭރު އޮތީ ގުޅިފައިވާ ވެރިކަމެއް އުފެއްދުމަށް އެއްބަސްވުމަކަށް އާދެވިފަ އެވެ. އަދި ލީޑަރުންނަށް އެއްބަސްވެވޭ ގޮތަށް ސަރުކާރު އެކުލަވާލުމަށް ނިންމައިފަ އެވެ.

އެއާއެކު އެމްޑީޕީ އާއި އަދާލަތު ޕާޓީ އާއި ޖުމްހޫރީ ޕާޓީ އާއި އެމްއާރުއެމްގެ ވައުދުތައް ހިމެނޭ ގޮތުން ގުޅިފައިވާ ކޯލިޝަންގެ މެނިފެސްޓޯއެއް ނެރުމަށް ނިންމުނެވެ.

އެ ނިންމުމާއެކު ގުޅިފައިވާ ސިޔާސީ ޕާޓީތަކުގެ މެނިފެސްޓޯގައި ރާއްޖޭގެ ނިޒާމު ބަދަލުކުރުމުގެ ބަޔާއި، ޖޭއެސްސީގެ ކޮމްޕޮޒިޝަން އިސްލާހުކުރުމުގެ ބައި ވަނީ އުނިކޮށްފަ އެވެ.

މެނިފެސްޓޯގައި ސީދާ ނެތް ނަމަވެސް، މި ސަރުކާރު ވެރިކަމަށް އައުމުގެ ކުރިން ޖޭއެސްސީ އިސްލާހުކުރާ ވާހަކަ ވަރަށް ހަރު އަޑުން ދެއްކި އެވެ. ނަމަވެސް، ވެރިކަމަށް އައުމަށްފަހު އެކަން ކޮށްފައިނުވާއިރު، ރިޔާސީ ވައުދަކާ ހިލާފުވެފައިވާ ކަމުގެ ފާޑުކިޔުން ސަރުކާރަށް ވަނީ އަމާޒުވެފަ އެވެ.

އެއާއެކު ޖޭއެސްސީއަށް މެމްބަރުން ކަނޑައަޅާ އުސޫލު ބަދަލު ކުރުން ލަސްވެފައިވާ ކަމަށާއި އެކަމަކު ސަރުކާރުގެ މި ދައުރުގެ ތެރޭގައި އެކަން ކުރާނެ ކަމަށް ސަރުކާރުން ބުނެފައިވެ އެވެ.

ޖޭއެސްސީގެ ކޮމްޕޮޒިޝަން މިހާރު އޮންނަ ގޮތް

ގާނޫނުއަސާސީގައި ޖޭއެސްސީ އެކުލެވިފައި އޮންނަ ގޮތަށް ބަލާއިރު އެ ކޮމިޝަންގައި ގިނަ އަދަދެއްގެ ސިޔާސީ ބޭފުޅުން މިހާރު ތިއްބަވަ އެވެ. އެގޮތުން ރައީސުލްޖުމްހޫރިއްޔާގެ މެންބަރަކާއި، މަޖިލީހުގެ ރައީސްއާއި، މަޖިލީހުގެ މެންބަރަކާއި، ބަންޑާރަ ނައިބު އިންނަވަ އެވެ.

އަދި ސުޕްރީމް ކޯޓުގެ ފަނޑިޔާރަކާއި، ހައި ކޯޓުގެ ފަނޑިޔާރަކާއި، ދަށު ކޯޓުގެ ފަނޑިޔާރަކާއި، ސިވިލް ސާވިސް ކޮމިޝަންގެ ރައީސްއާއި، ވަކީލުންގެ ތެރެއިން އިންތިހާބު ކުރެވޭ ވަކީލަކު އިންނަވަން ޖެހެ އެވެ.

އެހެންވެ ޖޭއެސްސީ މެދުވެރިކޮށް، އެ ކޮމިޝަންގައި އޭރަކު ތިއްބަވާ ސިޔާސީ ބޭފުޅުން ބޭނުންވާ ގޮތަކަށް ޝަރުއީ ނިޒާމު ބައްޓަން ކުރަމުންދާ ކަމަށް ބުނެ، އެކަމުގެ ޝަކުވާ އަބަދުވެސް އޮވެ އެވެ.

ޖޭއެސްސީގެ އެކުލެވުން ބަދަލު ކުރުމަކީ ރައީސް އިބްރާހީމް މުހައްމަދު ސޯލިހްގެ ރިޔާސީ ވައުދުފުޅެކެވެ. ރިޔާސީ ދައުރު ނިމުމުގެ ކުރިން އެކަން ކުރައްވާނެ ކަމަށް ސަރުކާރުން ވަނީ ބުނެފަ އެވެ.

އެކަމަކު މިހާތަނަށް އައިއިރު ވެސް ޖޭއެސްސީގެ އެކުލެވުން އެ އޮތް ގޮތަށް ބާއްވައިގެން ކުރިއަށް ދާތީ އާންމުންގެ ގިނަ ފާޑުކިއުމެއް އެމްޑީޕީއަށާއި ސަރުކާރަށް ދަނީ އަމާޒު ކުރެވެމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox