ދުނިޔެއިން ނެތިގޮސްފައިވާ ވޫލީ މެމަތު އަނބުރާ ގެނައުމުގެ މަސައްކަތް ފަށައިފި

ވޫލީ މެމަތެއްގެ ކުރެހުމެއް. -- ފޮޓޯ: ގެޓީ އިމޭޖަޒް

ވޫލީ މެމަތެއްގެ ކުރެހުމެއް. -- ފޮޓޯ: ގެޓީ އިމޭޖަޒް

ވޮޝިންޓަން، އެމެރިކާ (ސެޕްޓެމްބަރު 14) - އަލަށް އީޖާދުކޮށްފައިވާ ޓެކްނޮލޮޖީއެއް ބޭނުންކޮށްގެން ދުނިޔެއިން ނެތިގޮސްފައިވާ ވޫލީ މެމަތު އަނބުރާ ގެންނަން ބަޔޯސައިންސް ކުންފުންޏަކުން ނިންމައިފި އެވެ.

ބަޔޯސައިންސް ކުންފުނި ކޮލޯސަލް އިން ވަނީ ހާވާޑް ޔުނިވާސިޓީގެ ޖެނެޓިސިސްޓަކާ އެކު މި މަސައްކަތް ކުރުމަށް ޕާޓްނާޝިޕް ހަދާފަ އެވެ. އެ ކުންފުނިން ބުނީ "ޑީ އެކްސްޓިންކްޝަން" މަސައްކަތުގެ ދަށުން ގެއްލުންވެފައިވާ ނުވަތަ އެއްކޮށް ނެތިގޮސްފައިވާ އިކޯސިސްޓަމްތައް އަނބުރާ ގެނެވިދާނެ ކަމަށެވެ. އެއީ މޫސުމީ ބަދަލު އައުން މަޑުޖައްސާލެވިދާނެ މަސައްކަތެއް ކަމަށް ވެސް އެ ކުންފުނިން ބުނެ އެވެ.

"ދުނިޔެއިން ނެތިގޮސްފައިވާ ޖަނަވާރުތައް އަލުން އާބާދުކޮށްގެން އިކޯސިސްޓަމްތައް އަލުން ބިނާކޮށް، ދުނިޔޭގެ މުސްތަގްބަލް ރައްތާކެރި ކުރުމަށް މީގެ ކުރިން ދުވަހަކު ވެސް މި ޓެކްނޮލޮޖީ ބޭނުންކޮށްފައެއް ނުވޭ،" ކޮލޯސަލްގެ ޗީފް އެގްޒެކްޓިވް އަދި ކޯފައުންޑަރު ބެން ލާމް ވިދާޅުވި އެވެ.

Advertisement

"ވޫލީ މެމަތު ފަދަ ނެތިގޮސްފައިވާ ބާވަތްތައް އަނބުރާ ގެނައުމުގެ އިތުރުން، މިހާރު ނެތިދިޔުމާ ގާތްވެފައިވާ ތަކެތި ރައްކާތެރިކޮށް، އިންސާނުންގެ އަމަލުތަކުގެ ސަބަބުން ދުނިޔެއިން ފޮހެވިގެން ގޮސްފައިވާ ދިރުންތައް މި ޓެކްނޮލޮޖީގެ އެހީގައި އަނބުރާ ގެނެވިދާނެ."

ވޫލީ މެމަތަކީ އާކްޓިކް ހިސާބުގައި މީގެ އަހަރުތަކެއް ކުރިން އުޅުނު ޖަނަވާރެކެވެ. އޭރު ދުނިޔޭގައި އުޅުނު އިންސާނުން ވަނީ އެ ތަކެތި ހިފައި އޭގެ މަސް ކައި އައި ދަތްތަކާއި ކަށިތަކުން އެކި އާލާތްތައް އުފައްދާފަ އެވެ.

ވޫލީ މެމަތު ދުނިޔެއިން ނެތިދިޔެއީ 4،000 އަހަރު ކުރިންނެވެ. މެމަތުގެ ހަށިގަނޑުގެ އެކި ބައިތައް ބިމުގެ އަޑިން ފެންނަތާ އަހަރުތަކެއް ވެއްޖެ އެވެ. އެގޮތުން ދަތާއި ކަށި އަދި އިސްތަށި ފަދަ ތަކެތީގެ އެހީގައި އެ ޖަނަވާރުގެ ޑީއެންއޭ ސީކުއެންސް ކުރެވޭތޯ ސައިންސްވެރިން ދަނީ މަސައްކަތް ކުރަމުންނެވެ.

ސައިންސްވެރިން ރައްކާކޮށްފައިވާ ވޫލީ މެމަތެއްގެ ކަށިގަނޑުގެ ބައިތައް.-- ފޮޓޯ: އޭއެފްޕީ
ސައިންސްވެރިން ރައްކާކޮށްފައިވާ ވޫލީ މެމަތެއްގެ ކަށިގަނޑުގެ ބައިތައް.-- ފޮޓޯ: އޭއެފްޕީ

ސައިންސްވެރިން ރައްކާކޮށްފައިވާ ވޫލީ މެމަތެއްގެ ކަށިގަނޑުގެ ބައިތައް.-- ފޮޓޯ: އޭއެފްޕީ

ކޮލޯސަލް އިން ބުނީ ވޫލީ މެމަތު އަނބުރާ ގެންނަނީ މިހާރު ތައްޔާރުކޮށްފައިވާ ޑީއެންއޭ އޭޝިއާގައި ދިރިއުޅޭ އެތްތަކުގެ ހަށިގަނޑަށް ލައިގެން "އެތާއި މެމަތުގެ ހައިބްރިޑް" ޖަނަވާރެއް އުފައްދައިގެން ކަމަށެވެ.

ކޮލޯސަލްގެ ވެބްސައިޓުގައި ބުނެފައިވާ ގޮތުން އޭޝިއާގައި އުޅޭ އެތާއި ވޫލީ މެމަތުގެ ޑީއެންއޭގައި 99.6 ޕަސެންޓު އެއް ގޮތް ސިފަތަކެއް ހުރެ އެވެ.

އެ ކުންފުނީގެ ކޯފައުންޑަރު ޖޯޖް ޗާޗްއަކީ މަޝްހޫރު ޖެނެޓިސްޓެއް އަދި ހާވާޑް މެޑިކަލް ސްކޫލުގެ ޖެނެޓިކްސް ޕްރޮފަސެރެކެވެ. އޭނާ މިހާރު ވެސް ދަނީ "ކްރިސްޕާރް" ފަދަ އާ އީޖާދީ ޓެކްނީކްތައް ބޭނުންކޮށްގެން ދިރުން ނެތިދިޔުން ހުއްޓުވޭނެ ގޮތްތައް ދިރާސާ ކުރަމުންނެވެ.

ވޫލީ މެމަތު ހިޖުރަ ކުރުމުގައި ގެންގުޅުނު އާދަތަކާއި މަގުތަކަކީ އާކްޓިކް ސަރަހައްދުގެ ތިމާވެއްޓަށް މުހިއްމު ކަމެއް ކަމަށް ސައިންސްވެރިން ބުނެފައި ވެ އެވެ.

އެހެންކަމުން ކޮލޯސަލް ކުންފުނިން ދެކޭ ގޮތުގައި ވޫލީ މެމަތު އަނބުރާ ގެނައުމަކީ މޫސުމީ ބަދަލު އައުން މަޑުޖައްސާލުމަށް އާކްޓިކް ސަރަހައްދުގެ އިކޯސިސްޓަމް އަލުން ބިނާކުރެވޭނެ ގޮތެކެވެ.

ކޮލޯސަލްގެ މަސައްކަތްތަކަށް ފަންޑު ކުރަނީ އިންވެސްޓަރުން ފޯރުކޮށްދީފައިވާ 15 މިލިއަން ޑޮލަރުންނާއި އިތުރު ގޮތްގޮތުންނެވެ. އެ ކުންފުނީގެ އެޑްވައިޒަރުންގެ ތެރޭގައި ބަޔޯއެތިކްސް އާއި ޖިނޯމިކްސްގެ އެންމެ ފުންނާބު އުސް ތަޖުރިބާކާރުން ހިމެނެ އެވެ.

ކޮމެންޓް

ފަހުގެ ޚަބަރު

އައިފޯން ޑުއޯގެ ސްކްރީނަށް މައްސަލަ ދިމާވާ ނަމަ ބަދަލުކޮށްދޭނެ

އެޕަލްގެ ފުރަތަމަ ފަތްޖަހާލެވޭ ފޯނު "އައިފޯން ޑުއޯ" ގެ ސްކްރީނަށް ދިމާވި މައްސަލަތަކާ ގުޅިގެން، އެ ފޯނުތައް ބަދަލުކޮށްދޭން އެ ކުންފުނިން ނިންމައިފިއެވެ. ބާޒާރަށް ނެރުނުތާ މަދު ދުވަސްކޮޅެއްގެ ތެރޭގައި ސްކްރީނުގައި ރޮނގު އެޅުމާއި ރެނދުލުން ފަދަ މައްސަލަތައް ފާހަގަވެފައިވާއިރު، މި މައްސަލަ ދިމާވި ކަސްޓަމަރުން ފޯނު ބަދަލުކުރުމަށް އެޕަލްއާ ގުޅުމަށް ވަނީ އިލްތިމާސްކޮށްފައެވެ.

ސެކިއުރިޓީ ރިސްކާ ހެދި ބޮޑެތި ވެބްސައިޓްތައް އޮފްލައިންކޮށްފި

ދުނިޔޭގެ ބޮޑެތި އިދާރާތަކާއި ސަރުކާރުތަކުގެ ވެބްސައިޓްތައް ވަގުތީ ގޮތުން އޮފްލައިންކުރީ އޭއައިއިން ދެނެގަތް ޕީއެޗްޕީ ޕްރޮގްރާމިން ލެންގުއޭޖުން ފާހަގަވި ނުރައްކާތެރި ސެކިއުރިޓީ މައްސަލަތަކަކާ ގުޅިގެން މި މައްސަލަ ހައްލުކުރުމަށް ސެކިއުރިޓީ އަޕްޑޭޓްތައް ވަނީ ނެރެފަ.

ޖާސޫސްކުރި މީހާއަށް ސައުދީ ސަރުކާރުގެ އެހީތެރިކަން ލިބޭ

އޯޕަންއޭއައިގެ މީޓިން ރޫމެއްގައި ސިއްރުން އަޑު ރެކޯޑުކުރާ ޑިވައިސްއެއް ހަރުކުރި ކަމުގެ ތުހުމަތުގައި ހައްޔަރުކުރި ސައުދީ އިންޖިނިއަރަކަށް، އެ ގައުމުގެ ސަރުކާރުގެ އެހީތެރިކަން ލިބޭކަން އެމެރިކާގެ ކޯޓު ލިޔުންތަކުން ހާމަވެއްޖެއެވެ. މި އަމަލަކީ އެމެރިކާގެ ގައުމީ ސަލާމަތަށް އޮތް ނުރައްކަލެއް ކަމަށް ބަލައި، ޝަރީއަތް ނިމެންދެން އޭނާ ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.

ދިރާގުގެ ގޭމިން ކޮންކުއެސްޓް ނޮވެމްބަރު 26 ގައި

ދިރާގު މޯލްޑިވްސް ގޭމިން ކޮންކުއެސްޓް 2026، އަންނަ ނޮވެމްބަރު 26 އިން 28 އަށް ކަލާފާނު ސްކޫލުގައި ބޭއްވުމަށް ވަނީ ނިންމާފައެވެ. ޖުމްލަ 150,000 ރުފިޔާގެ އިނާމު ހުށަހަޅާފައިވާ މި އިވެންޓުގައި މޯބައިލް، ޕީސީ އަދި ކޮންސޯލްގެ އެކި މުބާރާތްތަކުގެ އިތުރުން މުނިފޫހިފިލުވުމުގެ ތަފާތު ގޭމްތައް ތަޖުރިބާކޮށްލުމުގެ ފުރުސަތު ހިލޭ ލިބޭނެއެވެ.

މާސްގެ ހަނދުން ސާމްޕަލް ނެގުމުގެ މިޝަނަށް ޖަޕާން ތައްޔާރު

މާސްގެ ހަނދެއް ކަމަށްވާ "ފޯބޯސް" އިން ސާމްޕަލް ނެގުމަށް ޖަޕާނުން ކުރިއަށްގެންދާ ދުނިޔޭގެ ފުރަތަމަ މިޝަން ފެށުމަށް އެ ގައުމުން ވަނީ ތައްޔާރުވެފައެވެ. ފަސް އަހަރުގެ މި ދިރާސާގެ ސަބަބުން މާސްގެ ހަނދުތައް އުފެދުނު ގޮތާއި އިރުގެ ނިޒާމުގައި ދިރުން އުފެދުނު ގޮތުގެ މުހިންމު މައުލޫމާތުތަކެއް ލިބިގެންދާނެއެވެ. މީގެ އިތުރުން، މި މިޝަންގެ ސަބަބުން ކުރިމަގުގައި މާސްއަށް ކުރާ އިންސާނީ ދަތުރުތަކުގައި އެ ހަނދު ބޭސްއެއްގެ ގޮތުގައި ބޭނުންކުރުމަށް މަގުފަހިވެގެންދާނެއެވެ.

ޓެސްލާގެ އިންގިލާބީ އީޖާދު: އުދުހޭ ކާރު 'ރޯޑްސްޓާ' ދައްކާލައިފި

ޓެސްލާ އާއި ސްޕޭސް އެކްސް ގުޅިގެން އުފެއްދި، ވައިގެ ޕްރެޝަރު ބޭނުންކޮށްގެން އުދުހުމުގެ ގާބިލުކަން ލިބިފައިވާ "ރޯޑްސްޓާ" ކާރުގެ ނަމޫނާ ދައްކާލައިފިއެވެ. މި އިންގިލާބީ އުޅަނދު އާންމުކޮށް އުފައްދަން ފަށާނީ 2028 ވަނަ އަހަރު ކަމަށް އީލޮން މަސްކް ހާމަކޮށްފައިވާއިރު، މިއީ ދަތުރުފަތުރުގެ ދާއިރާއަށް އަންނާނެ ބޮޑު ބަދަލެއް ކަމަށް ބެލެވެއެވެ.

ސިއްރުން ރެކޯޑިން ޑިވައިސްއެއް ހަރުކުރި ސައުދީ މީހަކަށް ދައުވާ

އޯޕަންއޭއައިގެ އޮފީހެއްގައި ސިއްރުން ރެކޯޑިން ޑިވައިސްއެއް ހަރުކުރި ކަމުގެ ތުހުމަތުގައި އެ ކުންފުނީގެ ކުރީގެ އިންޖިނިއަރެއް ކަމަށްވާ ސައުދީ ރައްޔިތެއްގެ މައްޗަށް އެމެރިކާގައި ދައުވާ އުފުލައިފިއެވެ. ކުންފުނީގެ އޭއައި މޮޑެލްތައް ބޭނުންކޮށްގެން މި އަމަލު ހިންގި މީހާ ދެނެގަނެފައިވާއިރު، މި ހާދިސާގައި ކުންފުނީގެ އެއްވެސް މުހިންމު މައުލޫމާތެއް ވަގަށް ނަގާފައިވާކަމުގެ ހެއްކެއް ފެނިފައެއް ނުވެއެވެ.

Newsletter

Get the latest news delivered straight to your inbox