ސައުލް ޗެލްސީ އަށް، ގްރީޒްމަން އަލުން އެތުލެޓިކޯ އަށް

Sep 1, 2021, 3:37 AM
ފްރާންސްގެ ޕްރެކްޓިހުގެ ތެރެއިން ގްރީޒްމަން: އޭނާ ވަނީ އަލުން އެތުލެޓިކޯ އަށް ބަދަލުވެފައި.

ފްރާންސްގެ ޕްރެކްޓިހުގެ ތެރެއިން ގްރީޒްމަން: އޭނާ ވަނީ އަލުން އެތުލެޓިކޯ އަށް ބަދަލުވެފައި.

މެޑްރިޑް (ސެޕްޓެމްބަރު 1) - ޔޫރަޕްގެ ބޮޑެތި ގައުމުތަކަށް ރޭ ޓްރާންސްފާ މާކެޓް ބަންދުވިއިރު، އެތުލެޓިކޯ މެޑްރިޑަށް ކުޅެމުން އައި ސްޕެއިންގެ މިޑްފީލްޑަރު ސައުލް ނިގޭޒް ޔޫރަޕްގެ ޗެމްޕިއަން ޗެލްސީ އަށް ބަދަލުވިއިރު، ބާސެލޯނާގެ ފޯވާޑް އެންޓޮއިން ގްރީޒްމަން އަލުން އެތުލެޓިކޯއާ ގުޅިއްޖެ އެވެ.

ލިވަޕޫލާއި މެންޗެސްޓާ ޔުނައިޓެޑާ އެންމެ ފުރަތަމަ މަޝްވަރާކުރި ސައުލް ޗެލްސީއާ ގުޅުނީ ލޯން އެއްބަސްވުމެއްގެ ދަށުންނެވެ. ލޯން އެއްބަސްވުން ނިމޭއިރު، ސައުލްގެ ކޮންޓްރެކްޓް ދާއިމީ ކުރަން ޗެލްސީން 41 މިލިއަން ޑޮލަރު ދޭން ޖެހޭނެ އެވެ. މި ޑީލުގެ ތެރެއިން ލޯން ފީ އެއްގެ ގޮތުގައި މި ސީޒަނުގައި ޗެލްސީން މި ސީޒަނުގައި އެތުލެޓިކޯ އަށް ފަސް މިލިއަން ޑޮލަރު ދޭނެ އެވެ.

ޗެލްސީން ސައުލްގެ ޑީލް އަވަހަށް ނިންމީ އެ ޓީމުން ސެވިއްޔާގެ ފްރާންސް ޑިފެންޑަރު ޖޫލްސް ކޫންޑޭ ގަންނަން ކުރި މަސައްކަތް ކާމިޔާބު ނުވުމުންނެވެ. ކޫންޑޭ ގަންނަން ޗެލްސީން 50 މިލިއަން ޑޮލަރުގެ ބިޑެއް ކުރި ނަމަވެސް ސެވިއްޔާ އިން ނިންމީ ކޫންޑޭގެ ކޮންޓްރެކްޓް ގަންނަން ދޭން ޖެހޭ 90 މިލިއަން ޑޮލަރު ނުދޭނަމަ އޭނާ ދޫނުކުރުމަށެވެ.

އެތުލެޓިކޯގެ މެޗެއްގެ ތެރެއިން ސައުލް: އޭނާ ދެން ފެންނާނީ ޗެލްސީން.

އެތުލެޓިކޯ އިން ސައުލް ލޯނެއްގެ ދަށުން ދޫކުރަން ނިންމި އެންމެ ބޮޑު ސަަބަބަކީ އެ ޓީމުގެ ކުރީގެ ފޯވާޑް ގްރީޒްމަން ލިބެން އޮތުމުންނެވެ. މީގެ ދެ އަހަރު ކުރިން އެތުލެޓިކޯ ދޫކޮށް 135 މިލިއަން ޑޮލަރަށް ބާސެލޯނާ އަށް ބަދަލުވި ގްރީޒްމަން އަލުން އެތުލެޓިކޯއާ ގުޅޭނީ ލޯން ފީގެ ގޮތުގައި ހަތަރު މިލިއަން ޑޮލަރު ދޭ ގޮތަށެވެ. އަދި އެ އެއްބަސްވުން ނިމުމުން ދާއިމީ ކޮންޓްރެކްޓެއްގައި ގްރީޒްމަން އެތުލެޓިކޯގައި މަޑުކުރާނަމަ ބާސެލޯނާ އަށް 50 މިލިއަން ޑޮލަރު ދޭން ޖެހޭނެ އެވެ.

ރެއާލް ސޮސިއެޑާޑުން 2014 ވަަނަ އަހަރު އެތުލެޓިކޯ އަށް ބަދަލުވި ގްރީޒްމަން ވަނީ އެ ޓީމަށް ކުޅެދިން 256 މެޗުން 133 ގޯލު ކާމިޔާބުކޮށްފަ އެވެ. އަދި އެ ޓީމާ އެކު ޔޫރޮޕާ ލީގު، ސްޕެނިޝް ސުޕަ ކަޕް އަދި ޔުއެފާ ސުޕަ ކަޕް ކާމިޔާުބުކުރި އެވެ. އެކަަމަކު، ބާސެލޯނާ އަށް ކުޅެދިން 102 މެޗުން ގްރީޒްމަން އަށް ޖެހުނީ 35 ގޯލެވެ. މި ސީޒަނުގައި ގްރީޒްމަންގެ ފޯމު ދަށްވެފައި ހުރުމުން އޭނާ އަށް ބާސެލޯނާގެ ސަޕޯޓަރުންނާއި މީޑިއާގެ ފާޑުކިޔުން ވަނީ އަމާޒުވެފަ އެވެ.

ބާސެލޯނާ އިން ވަނީ ސެވިއްޔާ އަށް ކުޅެމުން އައި ނެދަލެންޑްސްގެ ފޯވާޑް ލޫކް ޑި ޔޯން ލޯން އެއްބަސްވުމެއްގެ ދަށުން ގެނެސްފަ އެވެ. މެންޗެސްޓާ ޔުނައިޓެޑަށް ކުޅޭ އުރުގުއޭގެ ފޯވާޑް އެޑިންސަން ކަވާނީ އާއި އޭސީ މިލާން އަށް މިދިޔަ ސީޒަނުގައި ކުޅުނު ކްރޮއޭޝިއާގެ މާރިއޯ މަންޒުކިޗް ވެސް ބާސެލޯނާ އަށް ބަދަލުވެވޭނެ ގޮތެއް އޮތްތޯ މަޝްވަރާކުރި އެވެ. އެކަމަކު، އެންމެ ފަހު ވަގުތު ބާސެލޯނާ އަށް ގެނެވުނީ ކުރިން ނިއުކާސަލް ޔުނައިޓެޑާއި ޕީއެސްވީ އަށް ކުޅުނު އުމުރުން 31 އަހަރުގެ ޑިޔޯން އެވެ.

ޓްރާންސްފާގެ ފާހަގަކޮށްލެވޭ އެހެން ހަބަރުތަކަށް ބަލާއިރު، ޕީއެސްޖީގެ ސްޕެއިން މިޑްފީލްޑަރު ޕަބްލޯ ސަރާބިއާ ވަނީ ޕޯޗުގަލްގެ ޗެމްޕިއަން ސްޕޯޓިން ލިޒްބަން އަށް ބަދަލުވެފަ އެވެ އާސެނަލުން އެ ޓީމުގެ ހެކްޓަ ބެޔެރިން ސްޕެއިނުގެ ރެއާލް ބެޓިސް އަށް ދޫކޮށްލިއިރު، ބޮލޯނިއާ އަށް ކުޅޭ ޖަޕާނުގެ ޑިފެންޑަރު ޓަކެހީރޯ ޓޮމިޔާސޫ ވަނީ 21 މިިިލިއަން ޑޮލަރަށް އާސެނަލަށް ބަދަލުވެފަ އެވެ. އަދި ބާސެލޯނާގެ އެމަސަން ރޯޔާލް ވަނީ 30 މިލިއަން ޑޮލަރަށް އިނގިރޭސި ޕްރިމިއާ ލީގުގެ އެއް ވަނައިގައި އޮތް ޓޮޓެންހަމަށް ސޮއިކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox