ގްރީލިޝްގެ ގޯލާ އެކު ސިޓީ އަށް ސީޒަނުގެ ފުރަތަމަ މޮޅު

Aug 21, 2021, 7:29 PM
ލަނޑު ޖެހުމަށް ފަހު ގްރީލިޝް އުފާފާޅުކުރަނީ.-- ފޮޓޯ: އޭއެފްޕީ

ލަނޑު ޖެހުމަށް ފަހު ގްރީލިޝް އުފާފާޅުކުރަނީ.-- ފޮޓޯ: އޭއެފްޕީ

މެންޗެސްޓާ (އޮގަސްޓް 21) - އިނގިރޭސި ޕްރިިމިއާ ލީގުގެ އެންމެ ފަހުގެ ޗެމްޕިއަން މެންޗެސްޓާ ސިޓީން މިރޭ އަމިއްލަ ދަނޑުގައި ނޯވިޗް ސިޓީގެ މައްޗަށް 5-0 އިން ކުރިހޯދައި ސީޒަނުގެ ފުރަތަމަ މޮޅު ހޯދައިފި އެވެ.

ސިޓީން މިރޭ ޖެހި ފަސް ގޯލުގެ ތެރޭގައި މި ފަހަރުގެ ޓްރާންސްފާ މާކެޓްގައި އެ ޓީމުން 100 މިލިއަން ޕައުންޑް (140 މިލިއަން ޑޮލަރު) އަށް ގަތް ޖެކް ގްރީލިޝް ޖެހި ގޯލު ވެސް ހިމެނެ އެވެ.

މިއީ ސިޓީން މި ސީޒަނުގައި ހޯދި ފުރަތަމަ މޮޅެވެ. އެ ޓީމުން މި ސީޒަނުގައި އެންމެ ފުރަތަމަ ނުކުތީ ސީޒަން ހުޅުވަން ކުޅޭ އެފްއޭ ޗެރިޓީ ޝީލްޑް މެޗަށެވެ. އެ މެޗުން ލެސްޓާ ސިޓީ އަތުން 1-0 އިން ބަލިވީ އެވެ. އޭގެ ފަހުން އިނގިރޭސި ޕްރިމިއާ ލީގުގައި ސިޓީން ކުޅުނު ފުރަތަމަ މެޗުގައި ބައްދަލުކުރީ ރަށުންބޭރުގައި ޓޮޓެންހަމްއާ އެވެ. އެ މެޗުން ޓޮޓެންހަމް އަތުން ވެސް 1-0 އިން ބަލިވީ އެވެ.

އަނިޔާގައި ހުރި ކެވިން ޑިބްރޭނާ ނުލައި މިރޭގެ މެޗަށް ނުކުތް ސިޓީ އިން ޖެހި ފުރަތަމަ ގޯލަކީ ނޯވިޗްގެ ކީޕަރު ނެދަލެންޑްސްގެ ޓިމް ކްރުލް އަތުން ބައިކޮޅަށް ވަން ގޯލެކެވެ. ގްރީލިޝް ސިޓީގެ ދެ ވަނަ ގޯލު ޖެހީ މެޗުގެ 22 ވަަނަ މިނިޓްގަ އެވެ. މިއީ ގަބްރިއެލް ޖީސޫސް ނެގި ހުރަހަކުން ގްރީލިޝް ޖެހި ގޯލެކެވެ.

ސިޓީން އަނެއް ތިން ގޯލު ވެސް ޖެހީ ދެ ވަނަ ހާފްގަ އެވެ. އެ ޓީމުގެ ތިން ވަނަ ގޯލު ޖެހީ އައިމެރިކް ލަޕޯޓް އެވެ. ޖީސޫސް ދިން ބޯޅައަކުން ރަހީމް ސްޓާލިން މެޗުގެ 71 ވަނަ މިނިޓްގައި ސިޓީގެ ހަތަރު ވަނަ ގޯލު ޖެހިއިރު، ސިޓީގެ ފަސް ވަނަ ގޯލު ޖެހީ ބަދަލު ކުޅުންތެރިއެއްގެ ގޮތުގައި ކުޅެން އެރި ރިޔާދު މާރޭޒް އެވެ.

ސިޓީގެ ކޯޗު ޕެޕް ގާޑިއޯލާ ބުނީ މި މޮޅާ އެކު ލިބޭ އެންމެ ބޮޑު ހިތްހަމަ ޖެހުމަކީ ކުޅުންތެރިންގެ ކޮންފިޑެންސަށް އަންނާނެ ރަނގަޅު ބަދަލު ކަމަށެވެ.

އަމިއްލަ ދަނޑުގައި ބާންލީ އަތުން މިރޭ ލިވަޕޫލް މޮޅުވީ 2-0 އިންނެވެ. ފުރަތަމަ ހާފުގައި ކޮސްޓަސް ސިމިކާސް ނަގައިިދިން ހުރަހަކުން ޑިއޯގޯ ޔޮޓާ ބޮލުން ވައްދާލި ގޯލުން ލިވަޕޫލުން ލީޑުނެގި އެވެ. އެ ޓީމުން ދެ ވަނަ ގޯލު ޖެހީ ދެ ވަނަ ހާފްގައި ޓްރެންޓް އަލެކްސަންޑަ އާނޯލްޑް ދިން ބޯޅައަކުން ސަޑިއޯ މާނޭ އެވެ. ފުރަތަމަ ހާފުގައި މުހައްމަދު ސަލާހު ޖެހި ގޯލެއް ވަނީ އޮފްސައިޑް ކަމަށް ނިންމައިފަ އެވެ.

ލީގުގައި މިރޭ ކުޅުނު އެހެން މެޗުތަކުގެ ނަތީޖާ އަށް ބަލާއިރު، އެސްޓަން ވިލާ އިން 2-0 އިން ނިއުކާސަލް ޔުނައިޓެޑް ބަލިކުރިއިރު، ލީޑްސް ޔުނައިޓެޑުން ވަނީ ފަހު ވަގުތު ލަނޑު ޖަހައި 2-2 އިން އެވަޓަންއާ އެއްވަރުކޮށްފަ އެވެ. އަދި ކްރިސްޓަލް ޕެލަސް އާއި ބްރެންޓްފޯޑް ލަނޑެއް ނުޖެހި އެއްވަރުވިއިރު، ބްރައިޓަން އިން ވަނީ 2-0 އިން ވަޓްފޯޑް ބަލިކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox